( يالحجــــــــــــــــــــــــــــــــــــازي )

الاخ الشاعر الحجازي... مساك الله بالخير

استلم

يالحجازي دعيتك بسمك اللي تحبه

.............. والاصيل يتسمى بالاسام الاصيله

بالحجازي ليا حولت في وسط غبه

.............. لاتجيتو غنيمه وان غرقتو فشيله

اخوى واستااذى الشاعر سرحاان

اسعد الله اوقاتك

واستلم

من يكب الاواايل جعل ربى يكـبه

======= وانتــه الشااعر الى مانـدور بديـــله


كل جرحن على الرحمان يا رجل طبـه

======= منت والله مسوى حاجتن مستحيله[تم تعديل الموضوع من قبل الحجازى بتاريخ 09-22-2001 الساعة 04:13 PM]

استلم يالحجازي

الرجل يستمع فالكلمه اللي تنبه

.......... واكثر العلم يغني عن كثيره قليله


الشواوي ليا شاف الهايب تهبه

........ قال ماعاد انا ظامي وصرب صميله

الله الله يا سرحان

واستلم

قوم بالله يا سرحاان والريــع ذبـّه

======== وانت تعرف صدوف الوقت يومه وليله


الشواوى يوااجه يابيض الوجه ربــه

======= مثل ما قلت يا سرحاان لابو رجيـــله

استلم يالحجازي

ياجمل لا وردت العد ربعه وغبه

........ اشرب الماء وصدر والمسافه طويله

كيف ياقوم ركبتوا جهاز المنبه

........ كل ماصاح جيتونا نثيله نثيله

الله الله ياسرحان (نثيله نثيله هاهاهااهاها)

واستلم

خابرين الرحا يا رجل مطحووون حبّه

========= مير ليتك تحطك الحمل ولا تشيـله


يجهل الرجل جوف السوق حتـى يطبه

======== ثم يعرف مذاق الهيـل والجنزبيـله

استلم الحجازي

جارك اللي يصرلك البلاء وسط عبه

..........ماتغمض عيونه لين يبرد غليله

العرب يمدحونه وانته اللي تسبه

......... كل مالاح براق المخايل تخيله

الله الله ياسرحان

واستلم


يكفى الله شرّه لو بليس ايتشبــّه

======= والله انه يخلى لى زبوون الجميـله

العرب يا طويل العمر فى كل قبـّه

====== وان عدا جات ياولد الرجال اتعديــــله

استلم يالحجازي

كل حاجر يعرفون العرب لون ضبه

............احذر احذر من الوادي لياسال سيله

حط بينك وبينه صور وابنلك صبه

........... وسترح يالحجازي فالغصون الضليله

اخوى سرحان

اولا اعتذر عن التاخير لظروف خااصه


وثانيا اسعدنى مجاراتك لى وهى مجاراه استاذ لطالبه

وصح لسانك يا سرحاان والى الملتقا قريبااا