الطارف يقلط عليه السلام

سلام عليكم جميعا

اول محاوره لي في قسم المحاوره واقرب شاعر يسد
يالقروم

[poem=font="Arial,6,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
اول دخولي سلام الله على اهل الوفا= واللي بعدها سؤال مالقاله جواب

الناس تمشي ورجليها كلاها الحفا= ويوم وصلت مالقت للبيت مدخل وباب[/poem]

مرحبا ياحمود واستلم طال عمرك:


اول ردودي هلا من وجه ماهو قفا
واللي بعدهاحضرنا عن وجيه الغياب

الوصل ياحمود عند الناس ماهوجفا
اسجد لربي شكر والبس جديد الثياب

ياااااسلاااااااااام

الصفوف جاهزه وكل شي جاهز

اخي حمود انا في صف ذا العدو المجلد ابغي اخرب صفه ولا تراني معك بس تمويه

متاااابع

الله الله

صح لسانك يابو فارس وشرف كبير ان اتحاور مع قامه شعريه اكن لها كل الاحترام

والاعجاب وانت مدرسه وانا المستفيد من هذه المحاوره

استلم يابو فارس
[poem=font="Arial,6,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]

دام البقاء ياعميلن فوق راس الشفا= عانقت بالطيب ياشايع عنان السحاب


العام شايع ضرب بالسيف صم الصفا= مايدري ان السلاح اصبح رصيد الحساب[/poem]

حمد ال جميله

ارحب مليووون ولا يكفون يالقرم

وجودك في صفي ولا في صف العيافي اعتبره شرف لي طال عمرك

الله يعطيك العافيه على تواجدك اللذي اعتبره تشجيع لي

وابو فارس مايحتاج فزعه اللي في حاجتها والله انا مير الله يعين

حمود

ماعليك زود ووافي واستلم طال عمرك:

منطق وسيع المعرفه لاتهرج كفا
عن شربة الماء وعن قوتي وكل الزهاب

شبيت مشهاب ضوي فالظلام وطفا
مابين غصن السلام وبين صوط العذاب

ياسلام سلم

متابع للابداع

الله الله يابو فارس صح لسانك مليوووووون ولا يكفووووون

استلم لاهنت
[poem=font="Arial,6,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
ياشايع اختار بين البرد ولا الدفا=قدام وقتك يحطك بين ضرس وناب

الماء يقولون ماينحاق بعد انكفا = خلية النحل صارت موطن (ن) للذباب[/poem]

الله الله يا سلااااااااااام على الأبداااااااااااع



ورى ما واصلتو يا الربع


طاروق كايف وبين شعراء عمالقه


مودتي للجميع

الشاعر المتألق حمود الجش صح السااانك مليون


والعملاق شايع العياافي

صح السانك من هناليوم الدين

ابدعتوا وبانتظار التكمله

عبد الرحمن السمين

صح بدنك وحياك الله

الف شكر على مرورك وتواجدك الكريم

وانشالله يكون المانع خير عند شاعرنا الكبير شايع العيافي

جروح

حياك الله

وصح بدنك وحضورك شرف الله يعطيك العافيه

تحياتي

يا حمود

انا كنت بعيد من التن هالايام اللي فاتت.. وجيت وماقدرت امر ولا ارد سم:

صلاه ربي وتسليمه على المصطفي
المصطفي قال يلزم للزكاه النصاب

اللي تبين نهار اللازمه ماهفا
صحبة مطير الزمتني ياعزيز الجناب

لاهنت ياحمود

صح لسانك مليووووون يابو فواز

اشكرك من القلب على الردود الرائعه وانت بحر لاهنت وانا سباح غرقت في نصف المشوار

بيض الله وجهك ولا قصرت طال عمرك ومقدر ضروفك والتزاماتك اللي اشغلتك عنها لاهنت

اسمح لي على القصور يالعيافي

تقبل تحيات اخوك ومودته

دمت بخير