يامطر هيّا تقدّم عسا رايك سديد

مساك الله بالخير يامطر


واستلم طال عمرك

عندنا طاروق راقى وموضوعن جديد

====== هرجتن لا تدرى الناس وش مضمونها

يامطر هيّا تقّدم عسا رايك سديد

===== والاماانه ساع شفناك يا مامونهاا

اخوي.....الحجازى.....الله يمسيك بكل خير وعافيه
اعذرنى لم اكن متواجد عند الجهاز الفتره الماضيه.

استلم.

غن طاروقك ترى مانت فالديره وحيد
...............العرب مثلك تغنى بعد بالحونها

شد حيلك كان نيتك فالممشى بعيد
...............لاتجيب الكلمه الاعلى قانونها

هلابك ومساك الله بمثله يامطر

ومعذور ولا انت بمعثور

واستلم

من حضر ماغاب والله يدبر مايريد

======= والعرب ماغتّت الا بحســب اظنوونهاا


لو درا عنك العصيمى وبن عمه رشيد

====== كان تدخل ساحه الحرب يادندونهاا

يالحجازى ودى انك تفيد وتستفيد
...........ياعسى غر السحايب تهل مزونها

مع رجال العرف ياصاحبى عندى رصيد
.........والحروب اللى هذا شكلها ياهونها

الله الله ياامطر

واستلم لاهنت

ما دخلت الا كذا يا عسا عمرك مديـد

====== وانت من ربعـن علوم الوفا يحرونهاا

المشاكل كلها جوف صندوق البريد

====== لو تروح ابه الرسايل يجى من دونهاا

استلم يالحجازى.....ولاهنت انت كذلك

الشواوى تالي الوقت عذر فالشديد
..............صكته بقعا على راسه بحاجونها

المشاكل مايدور لها الرجل الرشيد
..............والرسايل يختلف كل حزه لونها

الله الله يامطر

والظرووف اجبرتنا على التااخير نرجو المعذره


يعلم الله يامطرر بالشقــى وبالسعــيد

======= والعرب ماعاد تقوا تدبر شوونهااا


تبحل العقااال يارجل بالعقل البليد

====== صارت الامراض ليــلى وهو مجنونها

استلم يالحجازي

يخزى الله بيننا كل شيطان مريد
.............الله يصبر نفوس تزيد غبونها

مانتظرنا للجزيله من الكف الزهيد
............لا تمد ايدك لقوم تحد سنونها

الله الله يا مطر واستلم

المحبه كانهااا الدم يجرى فالوريد

========= فالرجال الى تشيل الوفا فامتوونهاا


يا مطر هرجتك هااذى لها معنا عديد

========= والله اعلم شكلها والله اعلم لونهااا

استلم.

من يبي نيل العلا يبذل الجهد الجهيد
.................لا تخونون الامانه وانا ماخونها

كلمتى فبها معاند مع الراس العنيد
................انصب الاهداف للي يبا يرمونها

الله الله يامطر


واستلم

يا مطر وش عاد باقى من العقد الفريد

======= شجره الزيتون ما ذقت من زيتوونهااا


والله اناا عن درووب الجميـله مانحيـد


====== لو تغيّر طبعهاا فالزماان وشووونــهااا

اخوي العزيز.........الحجازي

شرفتنى بمجاراتك فى هذه المحاوره واعتذر لك عن الاستمرار

لطول الغياب وكثرة المشاغل.

دمت على الوفاء والمعزه

صح لسانك يامطر ولاهنت

والشرف لى فاللعب معك انت والى شرواك

والى الملتقا انشااء الله