مــشــهــــور

وين انت يا مشهور لالا برق ما عقّب رعود

. . . و اخيل مزنٍ فوق ديرتكم يروّي جالها


هي سالت الشعبان والاّ ردّعوها بالسدود

. . . عطني خبر عنها و قلّي عن مدى همّالها


خوي المطاليق

اررررررررحب

يامرحبا باللي دعاني جعـله ذكره فالوجود
واقـــول من يــبرك لحمل القــافله يشتالها


انته تقــوله بس مـــاشفنا صـدير ولاورود
رفـــع مطـرها واغرقت بعـض اللحى وسبالها

ابـــــقــــــــــــه

حي ذي العين

لطمتك لعنيبر بوسط البيت في ذيك البنود

. . . محدٍ مدحها غير لجل عيون من غـنّا لهـا


اللي بميدان العـروبه جـابها يرقى سنـود

. . . ما قصده الاّ يعرض المهـره على خـيّالها

حنا منزحة الخطـر ماحنـب لطـــامة خدود
والنقطه السوداء على وجه السطر نشتالها


سوالفك ذا الليل مربوطه بربطات المهود
جعــــلك تثبـت للمرايه غــترتك وعقالها





ز[تم تعديل الموضوع من قبل مشهور الخيّال بتاريخ 09-19-2001 الساعة 05:58 PM]

الله يقنّيكـم مقـابيـل النتـوق اللي تـزود

. . . مـره تحت ظـلّك و مـرّه تلتجـي بظـلالهـا


وان شفت ابوعمّار حظّه طاح من جور اليهود

. . . افزع وفـك العقده ام اطراف يا حـلاّلها

مرحبا مليون ..

الشاعرين خوى المطاليق ومشهور...الصفوف حامية ومرحبا باالابداع..


*****الاخ الغالى مشهور*****
رسالة عاجلة ومهمة ارستلها لك وماجانى منك رد..مازال الشريفى بانتظار ردك يالغالى...

اخوكم الشريفى

الشريفي

الله يديمك في الوجود وراح يصلك الرد
اسمع ياخوي المطاليق

الأيام هذي عودت ضد الذيابه والأسود
فيها الحصاني من بلاويها ترز اذيالها


سلم على حظ الفتى لابار ماتنفع جهود
أصنام والأصنام بلواها لمن صلى لها

ارحب يالشريفي زدتني شرف ياعظام راسي

واستلم يا مشهور

نسّيتنا اللي باوّل الدعوا و ضيّعت الشهود

. . . فتّـالهـا نقّـاضـهـا نقّـاضـهـا فتّـالهـا


من يوم صرت اتبعك اهزالراس من جيز الهنود

. . . اجهدت نفسي ماشيٍ معها على مـنـوالهـا

قال المثل ماينهض البيت الكبير بلا عمود
ضاعت جمال البدو والشرهه على عقـــالها


مانسمع الا ذكر عاد البايده وانباء ثمود
راحت رسوم نلتـــفت بيميـــنها وشمـالها

من يدري ان الراس يحيي السـاس و يشد العضـود

. . . ينقـد على اللي عـمّهاّ يقتاد لحية خـالهـا


يـا مـرهـفٍ منـّه يضـج الصـوت و يطـق الشـرود

. . . او ترك زود الهـرج وسط الدار من جهّالهـا

دريت والليل الطويل من السهر ماله حدود
والله مايغـــــدي علـي ذره ولامثقـــــالها


عدوي الحـــاضر وجـدانه معــادين الجــدود
اصبــــح وكــيل آدم عـلى بقعا وكل عيالها