يامطـــــــــــــــــــــر0000000000000000؟

الله يمسيك بالخير يامطر

اسمع البيت

يامطر قلنا السلام ورحمة الله وبركاته

==================== واجب الشاعر على الشاعر ليا غنىّ يرده

التهامي في عيون اهل تهامه وش حلاته

==================== فيهم اللي يدهن ارويسه وفيهم من يكده


ـــــــــــــــــــــــــــــ

د ع و ج ي

اخوي.......الدعوجى

حياك الله.....والله يمسيك بكل خير

استلم

مرحبا بالشاعر اللى صيفنا زود غناته
.............غاب عنا مير وان عود نمد اللى يمده

التهامى ياوسيع المعرفه هاذى صفاته
............واكثر اللى صفقوا له كلهم من بحر جده

اسمع يامطر


البقا ياشاعرٍ مابين صده والتفاته

=================== شفت الي حاجه عريبه والنظر شرقي يلده

البعير الاجرب اللي فوق لحيانه لهاته

=================== احسب انك يامطر تقدر على الحمضه تحده

ــــــــــــــــــــــــــــــ

د ع و ج ي

الخبر جانا وحددنا على الشاشه جهاته
.........وانت ياللى تعمر العمران جاك اللى يهده

ماعليه والبعير بعير ماسوى سواته
........الله يخليك صده كان مانقدر نصده

اسمع


محتمل صح وخطأ ياصاحبٍ تهرف رحاته


=================== والخبر من مبتدا الجمله وحد السيف حده


الشواوي لو يجيه الذيب اكل عنزه وشاته


=================== وانت لبسته عقال وبشت ماهو عاد قده

ـــــــــــــــــــــــــ

د ع و ج ي

اخوي.........الدعوجي

استلم واعذرنى عن التاخير

كل شاعر ياوسيع المعرفه عينه مراته
................ وصاحبك بالمعرفه مايختلط مزحه وجده

الشواوى ماطمعنا فى شياهه وعنزاته
..............مير اظنه ماحضر فاللازم الا انه يسده

السمع

لا تعاين فالخبل وآكلك يالروقي شماته

=================== وان غطاك النوم حط الراس من فوق المخده


يوم شفت اسمك زعلت وطار عقلي من ثباته

=================== كيف ترضى بالغليبه من عميلٍ مانوده

ــــــــــــــــــــــــ

د ع و ج ي

كل واحد حر يارجال فى منهج حياته
.............لا تلفت جنوبك وامش قد الدرب قده

لا تلوم وصفنا صامد ولا تشقرعصاته
...........من يشيل السيف وان جا لازمه يضرب بحده

اسمع يامطر والعذر في التاخير


الحميه تغصب الرجال في ماقف عزاته


===================== لا يعود يلطم اعيونه ويصفق فوق خده


الشرود اللي من الذله مقرط في حصاته


===================== فيك حليه منه يالروقي وشد القاف شده

ــــــــــــــــــــــــــــ

د ع و ج ي

معذور.......استلم.

التعصب والجهل تفسد على المسلم صفاته
.................وابشر انا من رجال بالحميه مستعده

تدعي والمدعي لازم يحضر بيناته
................لا تمد يداك للرجال لين يمد يده

اسمع يامطر

انت مثل المصري اللي مايبي ضيقة حماته

=================== نعنبوها من عجوزٍ في حماها مستبده


التغطرس واللعانه والتكبر من سماته


=================== ثابته ومثبته والصدق يالروقي نعده


_____________________________

د ع و ج ي

اخوي العزيز.........الدعوجي

اعتذر عن التاخير.......وصح لسانك والمحاوره اخذت وقتها

ومنك نستفيد........دمت والقادم اجمل ان شاء الله

لك التقدير

شكرا لك انت يامطر
وفعلا القاف اخذ حده ولنا لقلء ان شاء الله

مع اطيب تحياتي