الى من يهمه الأمر

سلام الله برديّه وانا عضو بثلاث نجوم

........................ وادوّر شاعر برتبة نداوي واسر ياساري


ترى ما عاد فيه مجامله مافيه حب خشوم

..................... على الشعار مردود البراوي واسر ياساري

الغالى هملول..

لو ان معى نجمة رابعة كان ابشر بالرد ولكنى سواتك نقيب..ترانى ماسك صفك يالغالى وانتبة من النداوية ال بو خمس مدرى ست نجوم..


اخوك القرناس

[nashama]

الى من يهمه الأمر

ارحبوا ياهملول وانت يالقرناس




الا يامرحبا ترحيبةٍ تلزم لها ملـــــــــــــــزوم

.....................نقوم وتستعد بها الدعاوي واسر ياســــاري

نداوي بالنيابه يوم جيتوا يازعيم القــــــــــوم

.....................عليها ياوسيع العرف ناوي واسر ياســــاري



أخوالنشاما
[تم تعديل الموضوع من قبل أخوالنشاما بتاريخ 09-09-2001 الساعة 02:21 PM]

مرحبا بالقرناس ولاهنت .. شاكرين ومقدرين


اخو النشاما .. مرحبا والله ومسهلا ، وابرك الساعات


استلم طال عمرك

لعلّ بك البقا يا اخو النشاما وتحيا وتدوم

.................... على خط اللهابه والصداوي واسر يا ساري

مادام ان السوالف بابها مفتوح يالشغموم

................... تبا تكثر سواليف البداوي واسر يا ساري

[nashama]

استلم طال عمرك





يقولون العرب بعض العرب معطى وبه محــــروم


.......................روايه متنها باسناد راوي واسر ياســاري


انا طرقي وشفت الناس تسهم والسهوم اقســــوم


.......................على بعض العرب صارت مساوي واسر ياسـاري

الله الله يا هملول ويا اخو النشاما

وعسااكم على القووه

شرّفتنا يالحجازي .. ولاهنت

استلم يااخو النشاما

الاياربعنا اللي في ثلاث ايام رحتو قوم

..................... على العاقل من كبار البلاوي واسر ياساري

ترى من طاح قدام المغيرة ماهو بمرحوم

.................... لو انّه ولد فجحان الفراوي واسر ياساري

[nashama]

علي الله وامانه والمطر همال يوم ويوم

.........................يسوقه رب للدار السناوي واسر ياسـاري


تبا تاخذ نصيبك بعد جينا للعلوم علوم

.........................مدام انك على حد الهقاوي واسر ياساري

[nashama]

حياك الله يالحجازي وتشرفنا بوجودك


تقبل تخياتي

استلم طال عمرك


حقيقه لو تنادي باستغاثه منته بمليوم

................... غدا لذيابة الوادي تعاوي واسر يا ساري

انا من فضل رب البيت لاظالم ولا مظلوم

.................. شهاده وانت مزبان الجلاوي واسر ياساري

[nashama]

بعد جيتوا وجينا لازمٍ نصدر بها مرســـــوم

.......................... نخليها مراويس الشواوي واسر ياساري


انا قد لي شهر طرقي ورافض خوة المنجـــوم

..........................لوانه ذيب عدته الضراوي واسر ياساري

اخو النشاما

يعطيك العافيه ولا هنت ، اللعب مع شاعر بحجمك اعتبره مفخره لي



اعتقد ان المحاوره هذي خذت حقها ، سألتقي بك في القريب العاجل

ان شاء الله


لك شكري وتقديري من الأعماق