بن خويران و السحيمي.. بدون ردود

[frame="2 80"]السلام عليكم ورحمة الله وبركاته

دون سابق انذار اتت كما هي بعفويه مطلقة العنان

ابوفهيد متهيض وبوثامر فسقان

ولله درهم من شعراء

ــــــــ

خويران بن فهيد ال خويران )

ودي اسولف معى ارجال المعرفه والذرابه
والمعاني مثل زرق ارماح00والذمه بريه
مرتن نغرف بحور ومرتن يالربـع مابـه
كود عد حاسـه المياح00والذمـه بريـه

(حمد السحيمي)

سولف الله لايهينك هات علم ودوك جابه
هم ياخويران ماينـزاح والذمـه بريـه
ذيب يا اللي بالرقيبه انتبه جتك الذيابـه
والبحر مايغرق السباح والذمـه بريـه

(خويران بن فهيد ال خويران )

يالسحيمي في يديك السيف لاتفلت نصابه
ينفعك لا جا وغى وصياح00والذمه بريه
فك باب البيت لاينصك دون الضيف بابه
وش تبي بالقفل والمفتاح00والذمه بريه

(حمد السحيمي)

البعير شعيل لو هدوه يرثع في زهابـه
والسمن فوق الذبيحه ساح والذمه بريه
مانبا كود الرجال اهل الوفا واهل الذرابه
والعرب ماودها ترتاح والذمـه بريـه

(خويران بن فهيد ال خويران )

البعير شعيل شال الحمل واليا شفت نابه
انتبه من عضته ياصاح00والذمه بريه
كم عقيد ساكن ياصاحبي وسط الخرابه
وده يجاور هل الامداح00والذمه بريـه

(حمد السحيمي )

من بحر جده ليا حايل ليا حد اللهابه
اعرف ان طويق ماينزاح والذمه بريه
لاتخليها دعاوي لا تخليهـا طلابـه
فرصة تعطى لاجل سداح والذمه بريه

(خويران بن فهيد ال خويران )

السحابه فوق لاكن السما فـوق السحابـه
وقام حظ وحظ اشوفه طاح000والذمه بريه
مسلـمٍ مـازار مكـه واعنـاه واعذابـه
والدبا خرب على الفلاح000والذمه بريـه

(حمد السحيمي )

انت شاعر صح ياخويران ماكلن يهابه
العب العب والقلوب صحاح والذمه بريه
تارد العد القراح ولا تطعم في شرابـه
كبرها ياعبرها ياصاح والذمـه بريـه

(خويران بن فهيد ال خويران )

وانت شاعر بس هرجك لايجي فيه انقلابه
وابعد المسراح والمرواح000والذمه بريه
انتبه للي كتبنا واعرفـو ويـش الكتابـه
واترك القاف الذي قد راح00والذمه بريه

(حمد السحيمي)

سوق الاسهم عالم موحش غرابه في غرابه
ما جنينا من وراه اربـاح والذمـه بريـه
لو نشدنا الخنذفي هو خنذفـي والا شبابـه
القدر فوق الحطب مافـاح والذمـه بريـه

(خويران بن فهيد ال خويران )

سوق لسهم ماخسربه كود واحد مادرابه
والحذر لاتقطع المسباح00والذمه بريه
ال عرجا هم سلايل يام عشاق الحرابـه
فاللقا مانغلي الارواح 00والذمه بريـه

!!


![/frame]

لاهنت يافه بيض الله وجهك



وصح الله لسان الشعّار قاف ممتع

صح السان الشعار

ولا هنتو

ابو ثامر اشهد بالله منتب بسيط

لك ولخويران تحياتي

صح السان الشعار

ولا هنتو

ابو ثامر اشهد بالله منتب بسيط

لك ولخويران تحياتي

فهد بن ماجد

لاهنت على جهودك الطيبه

صح السااان الشعراء ... (حمد السحيمي) و (خويران بن فهيد ال خويران )


تقبل تحيااااااتى

الشيبان ومحاوره ولااررروع