خاص ( للدعووووووووووووجي)

الأخ الشاعر الكبير الدعوجي هلا وغلا واسمع البيت

يالدعوجي فالمحكمه مطلوب === اكيد الك جلسه مع القاضي

وانته خصم بين العرب محسوب === غصبا على الزعلان والراضي

ــــــــــــــــــــــــــــــ

ابو ممدوح

هلا بشاعر المحاوره المخضرم القدير ابو ممدوح

اسمع الرد

يابو رجيله جاني المكتوب === لا تدعي دعوى على الفاضي

انته وانا في ساحة الملعوب === والضاميه تشرب من الحاضي

ـــــــــــــــــــ

د ع و ج ي

الاخ الشاعر /ابو رجيله . الليل .ياابو رجيله

[تم تعديل الموضوع من قبل الدعوجي بتاريخ 09-07-2001 الساعة 10:49 PM]

استلم ......يالدعوجي ..

ان كان سالم ماعليك اذنوب

............ ترى الدروب اطوال وعراضي

وان كان مذنب من ذنوبك توب

.............قبل السوالف والتهياضي

------------------------------------
ابو ممدوح

السمممممع


ما ارسلك ربي للبشر مندوب === وانا عن الثنتين متغاضي

دور لها بين الدروب ادروب === في حاضر الايام والماضي

ـــــــــــــــــــ

د ع و ج ي

اسع

اليا لقينا النشمي اللهلوب=== يبي يجي للخيل مركاضي


انته من السرعه قلبت الثوب === والبرق فوقك من عصر ناضي

ـــــــــــــــــــــ

ابو ممدوح

اسمع ياعايض

ابشر بنا يالشاعر المحبوب === واهل الحويه تعرف اعكاضي

وانته لبست البشت بالمقلوب === تبي تقاضا مانت متقاضي

ــــــــــــــــــــــــ

د ع و ج ي

السمع

يالدعوجي كرت الغلط مسحوب === والصدق يقضي كل الاغراضي


ماني على درب الشقا مغصوب === عايض واعرف ادروب عياضي

ـــــــــــــــــــــــ

ابو ممدوح