ان كان به فارس يقابل لفرساني

سلام رديةٍ حلوة بها سكّر ** حلوه ومخلوطةٍ بالمسك والعنبر
رديتةٍ طيبه وزينة المنظر _ والنار ما تاكل الا رجل واطيها


يا سلام الله عليكم رجالٍ غانمين ** والعلوم جداد_ والليل ليلٍ سرمدي

==========================================================


ان كان به فارس يقابل لفرساني ** انا تراني عقيد القوم يا خواني ** والخافي اليوم يالاخوان قد باني_ والنار ما تاكل الا رجل واطيها


ما يقابل لآهل الطيب كود الطيبين ** قافنا ماباد _ والليل ليلٍ سرمدي

يامرحبا يالسنافي والعب توه ... والي تحراه يامشعل هنا سوه

يجيك رجلً يخلط الطيب بالقوه ... والنار ماتحرق الا رجل واطيها



مرحباحييت وقلط على سمن وسمين @ بس لاتنصاد_واليل ليل سرمدي



__________


يالشاعر الي قدحت النار من زندك... ماني بعرفك ولاكن هات ماعندك

لا كن يامشـعل المنعـور وش عـندك...والنار ماتحرق الا رجل واطيها



يالوهيطي لاتلفت يسار ولا يمين @ فالعرب هجاد_واليل ليل سرمدي

مشعل الوهيطي
مسيك بالخير
حبينا نلعب معك
فقبلنا وتحملنا ترانا عليميه

لكن صبرك علينا
استلم



يامرحبا يالمسلم زان طاروقك 000000بالارض حنا معك رب السما فوقك

قافن تفننتبه يشهد على ذوقك00000والنار ما تاكل الا رجل واطيها


مرحبابك يالمسلم وطاروقك ثمين ---- نشري الاجواد 00 والليل ليلٍ سرمدي


============================================================ =


جيت يامشعل المنعور نا صيلك 000 ودي اقرا على الشاشه مواويلك

شوف خيلي تماري بالسبق خيلك 000 والنار ما تاكل الا رجل واطيها



والله اني مهتوي خوة الذرب الفطين ------- ماعنه مقعاد 000 والليل ليلٍ سرمدي

على القوه على القوه



ههههههههههههههههههههههههههههههههههههههه

اخوي بن سفران اظن انا اكتب وانت تكتب وسبقتني

على تنزيل ردك على اخونا مشعل

ولذالك فالاولويه لك

واصل انت ومشعل وحنا في الصف

لاهنت تحياتي

كفو كفو بكم اثنينكم

السلام عليكم





ابن سفران استلم :

الله يبقيك يا شاعر بهالحزّه ** وانت معروف لك تقدير ومعزّه

وموالنا باجزل الجزلات ابا رزّه ** والنار ما تحرق الا رجل واطيها


الله يجعلك تاقف قدم شاعر رزين ** والسيوف حداد .. والليل ليلٍ سرمدي



عندي مقاله قديمه جيت اجددها ** تدور فالراس انا دايم ارددها

(ان كان هاجت خيول القوم حددها) ** والنار ما تاكل الا رجل واطيها


دربنا نمشى على جرّة اهلنا العارفين ** والخطر معتاد .. والليل ليل سرمدي


======================================================


اخوي السيف المرحب باقي :


دام البقا يا عميلي لوّك التالي ** دامك تهلي بنا ورديت موالي

انا معك شاعرٍ ماهر ولا يبالي ** والنار ما تاكل الا رجل واطيها


ياعميلي السيف تبقا وجيت معلمين ** خاطري لك جاد .. والليل ليلٍ سرمدي



روّق معي والسبيل باصفره طسه ** يجلي صدى الخافق اللي صابته رسه

والعلم جينا على دربه وبنعسه ** والنار ما تاكل الا رجل واطيها


( والله ان السيف من ممسكه ماهو رطين ) ** واسأل الرواد .. والليل ليلٍ سرمدي

حياك الله واستلم ...



الخـيزرانه ورى ونقـلط الهنـدي . اقول يالسيف حده واتركه عندي

من شان اسلط عليه اثنين من جندي . والنار ماتحرق الا رجل واطيها


ياحليلك يالوهيطي وحـناحاضرين @ للسلاح زناد _ واليل ليل سرمدي

______________


مادامها ولعـت من دون دخـاني .اقلط واناوانت والميدان ميداني

(شغلتك ماهي بشغلت ولد سفراني) . والنار ماتحـرق الا رجل واطيها


دربكم مانجهله واسمعوا ياسامعين@ ماش ملح وزاد_واليل ليل سرمدي




[تم تعديل الموضوع من قبل ابن سفران بتاريخ 09-06-2001 الساعة 01:41 PM]

اسمع اسمع

السيف ياصاحبي ونت اللي تحده ** ياللي يتفاخر ترى سفران هو جده ** جيناك يا صاحبي جيناك من جدة ** والنار ماتاكل الا رجل واطيها

ياعميلي فيك حبّه تحوّل للطحين ** جنبك البراد ** والليل ليلن سرمدي


-----------
ياللي تسب العرب قم هات برهانك ** لكان ياصاحبي راكبك شيطانك
جاك الوهيطي يبى يطلع لك جنانك ** والنار ماتاكل الا رجل واطيها

ندحر العدوان ياصاحبي والطامعين ** ضيفنا ماحاد ** والليل ليلن سرمدي

اخوي القدير الشاعر مشعل الوهيطي




جعلك تسلم وفي الوجود



والله لايهينك على كل حال .....



بيض الله وجهك

واسمح لي طال عمرك بنفراده بسيطه بواحد من الشعراء



والله لايهينك ولنا لقاء (((( لكن شد حزامك ))))

هلا والله في ابن سفران

كان ودي نكمل الطاروق يا طويل العمر بس الله يوفقك

مع اللي تبى تلعب معه ونا من متابعينك والجايات اكثر من الرايحات

اخوك / مشعل الوهيطي[تم تعديل الموضوع من قبل مشعل الوهيطي بتاريخ 09-10-2001 الساعة 08:34 PM]