تولم ياعبدالله نوديك للسودان.

اخوي........عبدالله الشهرانى
اسعدالله اوقاتك بكل خير..............واستلم

تولم ياعبدالله نوديك للسودان $$ تفرج على شوف الخشوف المجاهيمي

مدامك تحب الصيد وتدور الغزلان $$ ولو مابها عفري ولا ادمي ولا ريمي

هلا وغلا يامطر


انا مستعد وغايتي خوة الضفران

ـــــــــــــــ واذا لي كرامه عرف الاجواد تكريمي


صحيح ان نو الصيف له منضر فتان

ـــــــــــــــ ولكن غزير الوبل في داكن الغيمي





[تم تعديل الموضوع من قبل AالشهرانيA بتاريخ 09-05-2001 الساعة 05:39 PM]

الله يحييك يابوهادى.......واستلم

تزين العلوم اليا تخاويت مع سرحان
..................ونعمين والله يالحرار الصواريمي

عسى الله يجيب الغيث من وابل الامزان
...............ترى الناس بالحسره تعض الاباهيمي

استلم يامطر والله اني متنقد منك لكن المعذره والله كان عندي شوي شغل



لاصار الخوي ما يجهل الزود والنقصان

ـــــــــــــــــ تحطم على ايده حاجز الصعب تحطيمي


احب الصديق الحر لوملبسه خمدان

ـــــــــــــــــ واكب الردي لو زبرقته الهــــناديمي







[تم تعديل الموضوع من قبل AالشهرانيA بتاريخ 09-06-2001 الساعة 10:13 PM]

معذور.......يابوهادي.............استلم

ابد مابه الامثل شرواك ياكحيلان
..............زحول الرجال اللى تسد اللوازيمي

ان جات المواقف كل واحد بفعله بان
.............وانا خابر انك من رجال مقاديمي

لا تخشى على اللي تابع منهج الجدان

ــــــــــــــــــ تشـــوفه مع الضفران جلاية الضيمي


لكن البلا اللي تابع منهج الشيطان

ــــــــــــــــــ يكسر شداده وارنبه في التهاشيمي

طويل اليمين اللى يخاوي طوال ايمان
.......................يحط الشحم ساعة لفوه المعازيمي

هذاك اتركه خسران ومرافقه خسران
....................ترى المرجله بين الاودام مقاسيمي