اقلـــــــــــــــــــــط يالحجــــــــــــــــــازي

مساك الله بالخير يالحجازي

ودي العب معك يا طويل العمر كان تسمح

استلم :

سلام ردية عليكم يا عرب ** رديةٍ تنصى جميع الحاضرين
اهل الكرم والجود واهل المرجله ** واللي عقد روس الحبال يحلها



===========================================================

النار يا رجال ناقصها الحطب ** والنار تبغى الجزل منّا والسمين
واليا بديت اليوم قول البسمله ** واللي عقد روس الحبال يحلها

الله يمسيك بمثله يا مشعل


ومافيه مانع ولنا الشرف فاللعب مع الى مثلك وشرواك


يامرحبا ترحيبـتن مثل الذهب ** ترحيبت الطيب لاشاف الطيبين

فااخر كلالامى ياعميلى واولّه ** والى عقد روس الحبال يحلها


ماطاح جوف النار غير ابولهب ** والله منجينا وحناّ مسلمين

سجل كلالامى يالوهيطى سجله ** والى عقد روس الحبال يحلها

تسلم يا طويل العمر والشرف لي يالحجازي واستلم :

الله يبقي شاعرٍ يبغى الطرب ** من ساس عزٍ والجدود معربين
وعن الحجاز اليوم نبغى نسئله ** واللي عقد روس الحبال يحلها



============================================================


ومن يتوب يصلح اللي قد خرب ** ويسامحه الله رب المؤمنين
والتايب الله يغفر ذنوبه له ** واللي عقد روس الحبال يحلها

الله الله يالوهيطى


واستلم

حنا رياجيلن ليا حان الطلب ** نوفى حقوق الناس وانتم خابرين

والى على بالك على الشاشه قله ** والى عقد روس الحبال يحلها


الطرق من يمك تعوكس وانقلب ** والحبه الى فالرحا صارت طحين


والادمى يجزا على حسب اعمله ** والى عقد روس الحبال يحلهاا

اسف على الكتابه لكن امس انقطع
الاشتراك وجددته المهم يا طويل العمر استلم :


عدونا ياهالحجازي مرتعب ** عدونّـا خايف من طوال اليدين
والحمل فوقك ما قدرت تحملـه ** واللي عقد روس الحبال يحلها


========================================

ثم انتبه يا صاحبي قدمك مطب ** واليا سرينا تمسك الخط اليمين
امسك يمينك صاحبك لا تعطــله ** واللي عقد روس الحبال يحلها

الله الله يامشعل

واستلم

ياصاحبى مشعل على حكمه وادب ** ولا بلاش من السوالف والرطين


والطيب لاهل الطيب مانى جاهله ** والى عقد روس الحبال يحلها


بالله لاتفتل عليه بالشنب ** اجلس ثلاث اشهور مع خمسه سنين


واعرف حساب الحب جوف السنبله ** والى عقد روس الحبال يحلها

طيب طيب يالحجازي واستلم :

ياللي تبى تمشي وما تملك ركب ** لا تمشي وخلّك مع اللي قاعدين
هرجٍ بلا برهان ماني قابله ** واللي عقد روس الحبال يحلها


========================================================
قاف الوهيطي يا عميلي ما رسب ** روح انشد اللي للقصايد دارسين
ان كان ما تقدر تحل المسأله ** واللي عقد روس الحبال يحلها

الله الله يا مشعل


واستلم


بالله سدد يالوهيــطى واقترب ** واسمع كلالامن يجعل القاسى يلين

من لايمد الجزل ما يستاهله ** والى عقد روس الحبال يحلها



كانك درست الشعر واخذت الرتب ** على لسان الشعر قال الله يعين

امّا يبا ياكلك ولا تااكله ** والى عقد روس الحبال يحلهاا

السمع

اسمع


منهو قرا بمقلوب لا يقضب كتب ** ما ينفعه تخصيص حشد معلمين

والعدل ماظنه يبا احد يعدله ** واللي عقد روس الحبال يحلها


جاك الوهيطي سدد وطارت علب ** وكل الفشق في محزمه جزل وثمين

ومن جاله بعوجا تراه يجندله ** واللي عقد روس الحبال يحلها

لاهنت يا مشعل الوهيطى


وصح لساانك والى الملتقاا مره ثانيه انشاء الله

ولاشنت

وما قصرت