يالحجازي كلـّبونا من عرب شبه الجزيره

مســـاكــم الله بالخيــر

واستلم يالحجازي


يـاسـلام الله سـلامٍ فيـه خـير وفيـه خـيره

..............للرجـال اللـي تعـّلا صيتها من مسـتـواهـا


يـالحجـازي كلّبونا من عـرب شـبه الجزيره

..............من رياجيـلٍ تعرف اللي لهـا واللي عــلاها

الله يمسيك بمثله يا خالد وحياك الله

واستلم

مرحبا ترحيبتن تمشى على نوور وبصيره

======= بالزميل الى يعرف الناس ويميز لغاهاا

والله انا من رياجيلن لهاا فالوقت سيره

====== وانته اظنك من كتبها وانت اظنك من قراها

ياسلام ياسلام...

ترى الصفوف حوالى 1000 رجال ....
الهاجرى والحجازى مرحبا مليون..

القرناس

مرحبا بك وبالصفوف يالقرناس وتبقا مليـون


استلم يالحجازي



والـبـقـا ياصـاحـبي والاولـّه غيـر الاخيـره

.............ماسـريت الليـله الاّ واللـيالي في سـراها

تعرف اّن الوقـت وامـن والقـدم في كـّل ديـره

............ماعـرفت انّ المسـيـره كانت تعـّود وراهـا

الله يسلمك انت وياهم يالقرنااس


واستلم يا خالد


لن سريت الليل ياخالد تحيرم بالذخيره

======= لاتصادفك الذياابه ثم تصبح من عشااهااا

خابرين الامن ضاافى والرحااه المستديره

======= لاتدور حبهاا لن كان دارت به رحاهاا

استلم يالحجازي


انت ماتجهل وتدري كلّ طيرٍ من مطيـره

................. ماعليّ خلاف والعلّه ترا عندي دواهـا


صاحبي واللي نقل هرج الرسول ابو هريــره

.................وانت جيب اللي عليها اثبات وشهودك معاها

الله الله ياخالد

واستلم

ماعليك خلاف يا خالد وزودهاا بريره

======= لاتخليها تجى وتروح ماغيرك هجاهاا


انته اول من شهد لى من رياجيل العشيره

====== من بدايتها وحتى يا عميلى منتهاهاا

الاخوه .الشعراء .خالد الهاجري .والحجازي

تحيه طيبه ...محاوره شيقه .جدا .شدتنا للمتابعه .واصلوا

الله يعطيكم العافيه ..

يامرحبا ياسرحان والساعه المباركه .


استلم يالحجازي


كـلّ ماقـلـت الحـجـازي طـاب جـاك يـدّق زيــره

.................يالله انــّك تقـلـع اللقمـه وتقـلـع من كــلاهــا


مافجرنـا والقـصـيـر يقـّدم الزاد لـقـصـيــره

................ذي سـلوم اهـل الحميـّه والعرب دون اقـصـراهـا

لاهنت يا سرحان ويسرنا متابعتك
واستلم ياخالد

انت من شعب الكويت ولاانت ياخالد باميره

====== قول جعل الله يخلى للرياجيل اومراهااا


لاتسل السيف خله ياعميلى فى جفيره

===== لاتسوى مثل منهو كحل العين وعماهاا

استــلم يالحجــازي



بـأرك الله فـالكويت إم الدنـأنيـر الكثيــره

....................خـلّّـت الاجـواد تـرفع فـوق خـلق الله عصـاهـأ


لابـرق سيـف المثنـّا مابـرق سيـف المغيـره

..................... يالحجـازي منهـو اللي باعهـا ولاّ شـراهـا

اخوى خالد الهاجرى

صح لسانك ولاهنت وعز الله انك ماقصررت


وبيض الله وجهك ولا بد من الملتقا مره ثانياه انشاء الله قريبا

السلام عليكم



صح الله الساانكم ولاهنتو

ياخالد الهاجري

والحجاازي


امتعتونا باللعبه الشيّقه

ولاهي غريبه منكم ياثنين

صح بدنك ولاشنت يالحجازي

ولعبه مع شاعر مثلك استفدت منها كثير والله يالحجازي .

وانشالله نلتقي قريب .

صح بدنك يابن قشعم

وماعليك زود طال عمرك . وهذي الساعه المباركه اللي نقرا فيها ردك.

ويامرحبا .

اخوك : خالد