وين ابلقى اللى يخاوينى.....

السلام على الجميع...

عد همال المزون وعد برق فى مخيلة
مرحبا ترحيبة الصفطان..هبى ياهبايب

وين ابلقى اللى يخاوينى على طرقة طويلة
خوة رجال الوفا عنوان..هبى ياهبايب

القرناس

القرناس الله يصبحك بالخير

انا اللي ودي بخوة شرواك

استلم

والبقابك يالمرحب كل يوم وكل ليله

============ قاله اللي يسخر القيفان 00هبي يا هبايب


الرفيق اللي ينومس بالوفا مبغى بديله

============= غردي ثم غردي يالحان 000 هبي يا هبايب

عزيزى السيف

واللة ان الرد جاهز من امس ولكن الظاهر ان فى الشبكة مشكلة وما قدرت ادخل المنتدى..

ما على خلاف دام انى لقيتك يالدليلة
مرحبا بك والقلوب اخوان..هبى ياهبايب

بنت ابو زيد الهلالى ماحلا ذيك الجديلة
حولها جيش مع فرسان ..هبى ياهبايب

القرناس.

عذرك مقبول يالقرناس

والضروف لها احكامها
استلم


ما لحقنا فيك شكن مثل شخصك ينعني له
========= نجزي الاحسان بالاحسان 000 هبي يا هبايب


بنت ابو زيد الهلالي من تعرضها ياويله
======== بنت شيخ ٍينطح الشيخان 000 هبي يا هبايب



تعديل غلط في حرف

[تم تعديل الموضوع من قبل السيف بتاريخ 08-31-2001 الساعة 01:09 PM]

اللة اللة

من شرى بالرخص فى سوق الغلا قلنا حليلة
راعى الباعة سرى خسران..هبى ياهبايب

ويش رايك لو احطك فالعرب ريس قبيلة
شام والا من ورى نجران..هبى ياهبايب

القرناس

الله الله

استلم

كل فارس ينطح الغارات في ظهر الاصيله

============== والاصيله طمعت الشجعان 0000 هبي يا هبايب


والله انك منت هين بس ماعنـــدك وسيله

=============== لا تغرك ضحكة السلطان 0000 هبي يا هبايب



0

القرانس + ابومنذر = يازينها زيناااااااااه

ههههههههههههههههههههه



تحياتي لكم

جعلك تحيا يابن سفران هذا من طيبك

استلم يالسسيف..
مد ربى خير من مد اليمين اللى بخيلة
ياسقى اللة ديرة البدوان ..هبى ياهبايب

انتبة لابليس كم فرق عميل من عميلة
اللة انة يلعن الشيطان ..هبلى ياهبايب

القرناس

مرحبا يابن سفران اسعدنا حضورك

استلم يالقرناس


ما بخلنا بالعطا يا مدتي مده جزيله
=============== ون زعلنا نزعل العدوان 0000 هبي ياهبايب

المثلث عمر ابو ها ماتحول مستطـيله

=============== ركد المعنى علـى الميزان 0000هبي يا هبايب

ياسلام ياسلام

ما قصدت السيف كساب الثنا ويالجميلة
واللة انى لارضى الزعلان....هبى ياهبايب

كل جم من زلالى مايجى حولة نثيلة
عينى اليمنى على النيشان..هبى ياهبايب

القرناس

اسمك القرناس والقرناس ما شفناحصيله

=============== شد حيلك ياشقر الجنحان 0000 هبي يا هبايب


انت من قوم ٍ ثقيل الحمل نعرف ترتكيله

=============== ,والله ونعمين يا؟؟؟؟؟؟؟ 0000 هبي ياهبايب

















[تم تعديل الموضوع من قبل السيف بتاريخ 09-01-2001 الساعة 04:31 PM]

اسلم اسلم

من تعرض جرة القرناس قلنا عزتيلة
كيف اعلم صاحبى ذيبان..هبى ياهبايب

ماعليكم زود ياهل الخيل وسيوف صقيلة
لابتى قحطان يا؟؟؟؟؟؟؟....هبى ياهبايب

القرناس

انت يالقرناس وافي لاثقل حملك تشيله
============== جاك سيلن يفجر الشعبان 0000 هبي يا هبايب


لا طمعتم بالكثيره ما طمعنا بالقليله
=============== فوق راسي للوفا تيجان 0000 هبي يا هبايب

اللة اللة

اعرف انا نقدح النيران فى خشم الفتيلة
نار حمرا مالها دخان...هبى ياهبايب

ماطمعنا فالعصيدة ماطمعنا فالعبيلة
طمعتى فى معرب الجدان ....هبى ياهبايب


القرناس

طيب طيب:

والله انا نعرف بضاعة متاجر خنشليله
================ ماش ربح ان ماحصل خسران 0000 هبي ياهبايب



وش نشخص وش نعالج فيك يالنفس العليله
================ قول واضح والمقدر كـــان0000هبي يا هبايب





0