(دعوجي ) هيّضني البراق يوم انه برق لي

الدعوجي .... تعال جاي

(دعوجي ) هيّضني البراق يوم انه برق لي
اسبره واثار سبره لا نصيب ولا عبادة !

لك شنق من جنب سمحة واشتله واترك شنق لي
مانبا الا قسمنا المقسوم مانبغى زيادة !!

اررررررررررررررررحب ياناصر

ومبدا وافي ياوافي



متابع متابع...


وفي صفك..



تحياتي

طيب طيب ياناصر

لاهنت على البدعه وفي انتظار الدعوجي الخطيرررررر ههههه


سجلو متابعتي




تقديري

جيتك ياناصر

ناصر ايخيل البروق اللامعه ريض وعجلي
اعترض حكم الكريم اللي له امره في عباده


مابقا الا هي تبا لك قسم من حقي ياخبلي
ماتغير طبعك الاقشر مضرا بالشحاده

سلطان السحيمي

الله لا يهينك على المرور والمتابعه

مرحبا يافالح مرحبا

الله يخارجني منك انت وناصر

الف شكر للمرور والحضور يالقرم

تقبل تحياتي

ليت ابو مشعاب ماسوى سوات سعيد مغلي
لو زعل عيد الحسيني ماقبل شربه وزاده

انت ودك تاكل الجنبين وتكب المرق لي
اثر عينك في طرف راسك مثل عين الجرادة

ياكل المهبول مايشبع ولا كب التهبلي
والقلوب الميته ربي سخطها بالبلاده


مانقذ الغرقان من موج البحر ياكود حبلي
التوى به وانبسط واليوم يقدح من زناده

الجلا من تحت راسك والبلا فخوك الاصلي
ودك اتعقل البعير شعيل واتطول قياده

تجمع المليون والمليار وسط البنك الاهلي
والنفيعي ماتهنا فالمصيف وفي براده

والله اني شاعر فالماقف الغصاب جزلي
يوم عينك ناعسه والراس من فوق الوساده


مال ابوي ومال جدي واحفظه عن كل مبلي
ابتلشنا بالنفيعي حسب ضنه واعتقاده

سلطان السحيمي

هلا وغلا

فالح الشلوي

دوما تشرفني بحضورك المبهج

اشكرك

يادبل كبدي من الاوضاع هذيه يادبلي
ومن هروج الدعوجي في شهر شوال وجماده

لو يدور الوقت ماحصلت فالعربان مثلي
والليالي تعطي الرجال تدريب وشهادة

انت لاتحملني احط لك صوره جوف عقلي
يامدور للعنا درب العنا ما منه فاده


كل ماسويه في هالزمن لاجلك ولاجلي
مار حظي جاب الي مقرود ضاري بالقراده

خلني في نجد احوش اشياه ابويه والحق ابلي
ابدوي ٍ ياكل الحمّاض من عشب الحمادة

لا تقول ان العرب ماهمها جودي وبخلي
العرب يمكن تقول النار تاليها رمادة !!