مرحبا الف د0 حمد العصيمي واقرب مني

الشاعر العلم ابو تركي يسعدني اولا اكررر ترحيبي بك عن كل النداويه في شيخ المنتديات النداوي ويشرفنا وجودك

واللي بعدها ملازم حلوووووووق والليل


يابو تركي هلا يامرحبا ترحيبة الصفطان

تراحيب الوفا مني ومن كل النداويه


تراني دعوجي واركب الحبه على النيشان

واصوب صيدتي والنار في مقباسها حيه

البقا يبو عبد الرحمن

يدوم لك البقا يا اللي ترحب والكريم معان
على سلم العرب نبدي بها والنيه النيه



نحرت الناقه الصفرا وخليت الجمل شقران
وضيقت الصدور الواسعه باسباب هذيه

على درب السنع جاي السنع ياذيب ياسرحان

ومنهو قدم السيه نبا نجزاه بالسيه


اعرف اشعيل شيال الحمايل شامخ النيبان

يبا يصبر على ضرب العصا ميتين فالميه

انا من خلقتي ما اجيك با الفاضي على المليان
ولا انزل با الذهب غالي على سوق الحراميه




عساها ما تعود مثل قصة طير ابن برمان
بغى منه الغنايم مير جاه مضوي الحيه

توردها بطية نفس والا ملعنه يافلان

واصدرها على الموت الحمر في ساعة الهيه



تبا تصبح يابو تركي حكاية كان ياماكان

وننشرها على الصفحات مكتوبه ومقريه

نسيتوا يا بدو قصة على فرعون يا هامان
يا هامان انت اخو فرعون كل يعرف وخيه



تبا تزعل عتيبه لاجل ترضي نص من قحطان
وهذي كيف تصدر منك والعزوة عتيبيه

يافرعون استوت بيني وبينك داخل الميدان

ولا تهدم عدود بنيها طيه على طيه



وانا عيب على مثلي يزعل ربعه العتبان

لاجل يرضي بني قحطان والعمله سعوديه

الدعوجي + العصيمي = قمه البداع

واصلوووووووو ومتابعه لمحاوره جزله

بنيتوها على ساس ورفعنا فوقها العمدان
وصارت قبة بين السما والارض مبنيه


نقضت الدعوه اللي فوقها الحفلان والكفلان
وزعلت الشهود اللي علاها والوجيهيه

اررحب يا الدحابيب اررحب مليون

الدعوجي + العصيمي = قمه البداع

واصلوووووووو ومتابعه لمحاوره جزله

هلا يالدحابيب محمد

لاهنت على المرور والمتابعه

اجل وفف مكانك واحرف الطاره على سمحان

وجود ميسمك فالنار حتى تنجض الكيه


انا كم قلت الك من دون الاقشر قفل البيبان

لكن انته تقول النفس ماموره ومنهيه

انا اعرف الجمل سمحان واعرف ناقة عريمان
من امس العصر يا بو زيد معقوله ومثنيه





لو ان الذيب يا كل فا الخلا جنية سليمان
يبا يزعل سليمان النبي من شان جنيه

عساها ماتولي ناقة عريمان ياذيبان

مصيبه مالها الموت من شلفا وجنبيه



على قول المثل يالبشة ابن اتويم مع حمدان

ليا منه لقي حمدان يلعب طاق طاقيه

تبا تسرح وتضوي والتعب مقسوم للرعيان
يقولون الشقا مكتوب للنفس الشقاويه




بني غامد مشاكلهم كثيره مع بني زهران
( مهو ذلحين يا صالح من ايام الهلاليه)