(هموم المجتمع وصدى الشعر) (( 3)) سعيد ابو ديه وخولان بن عامر

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
سعيد ابو ديه =
ياخولان عندي مشكله حلها معـدوم=اصارع هموم كايده والزمـن قاسـي
ابي فزعتك تكفون من ينصف المظلوم=ابي واسطه تكفون تكفـون ياناسـي
خولان بن عامر =
على الله شكينا كلنا والعلوم علـوم=عسى الله بفرج كل هم وسواسـي
عسى الله يعينك كل ماطحـت كيف وتقـوم=وبعض العرب لطاح ماطاح متواسي
سعيد ابو ديه =
انا لي ثلاث سنين ما ذقت حلو النوم=ومن كثر هوجاس الفكر شايبٍ راسي
انا جامعي والحمد لله على المقسـوم=وأدور وضيفه وأصبح البال منحاسي

خولان بن عامر =
تدور وظيفه والعرب في زمان الشوم=توسط بابن شفلوت ولا با ابن راسي
ترانا بلشنا في وظايف شباب اليـوم=ترى ما لقينا خلفهم غير الافلاسـي

سعيد ابو ديه =

احد في ترف واحد(ن) كذا عايش محروم=وانا بين حاضر وبشر وبين هوجاسـي
ياسادات ياساده من اللي غشـاه اللـوم=ورقم البطاله فـي البلـد زاد زقياسـي

خولان بن عامر =

شهادتك خلها ليـن ياتـي لكـم مرسـوم=بعد كـم سنـه يمكـن نعيّنـك عساسـي
ترى في الخضار ارباح في التين والبرشوم=لوان قلبـك الحسـاس ماهـو بحساسـي
سعيد ابو ديه =
تبون الحقيقه حقنا ضايع ومهضـوم=ولكن نذكر ياعسى يذكـر الناسـي
يقولون ابن قضعان حول لبن مكتوم=وانا اقول داري عز راسي ونوماسي
خولان بن عامر =

تركد قبل نعزمك وتجي لنا معـزوم=ترى من يدوس الشور لابد ينداسي
ترى همنا ياسعيد الاول نوايا القوم=وباقي العلوم الها حلبات وابقاسـي

سعيد ابو ديه =
نبيها مزارق طيب ماهو بـزرق سهـوم=ياهيه انتبه لي زين لا تجرح احساسـي
عسى الله يعيض بخير يالخادم المخدوم=ماتدري ان عذوق النخل ضميت ويباسي
خولان بن عامر =
الا يالشباب اللي ذبحكم كثيـر النـوم=مداكم ورى البحرين ولا بني ياسـي
لمنه كتب ربي لكم في البنود ارقـوم=تعالوا وقوسوا البحر حتى انه ينقاسي
سعيد ابو ديه =
عزانا الوحيد الحاكم اللي عساه يدوم=جبل شامخ زيزم للعـدل نبراسـي
ونور القمر مايحجبه في سماه غيوم=لكن انت واشكالك مواليف واجناسي
خولان بن عامر =
انا ونت في فيت ذرا شامخ زيـزوم=تهب الرياح العاتيه والجبـل راسـي
اشوف الصقور الحايمة ياسعيد تحوم=عسى الله يعز الدين من كل الانجاسي [/poem]

صح والله قلوبكم يا شعراء المعنى


أبداع لا يضاهيه أبداع من شعراء نطرب لمحاوراتهم تشرفت بمتابعتها مباشرة ولم أستطيع التشجيع

تحياتي لقلوبكم النقيه ومتابع لكم اي ما ذهبتوا ولاهنت على الجهود الجبار أخي عبدالله وبيض الله وجهك

ياراعي الوداعه

صح والله قلوبكم يا شعراء المعنى


أبداع لا يضاهيه أبداع من شعراء نطرب لمحاوراتهم تشرفت بمتابعتها مباشرة ولم أستطيع التشجيع

تحياتي لقلوبكم النقيه ومتابع لكم اي ما ذهبتوا ولاهنت على الجهود الجبار أخي عبدالله وبيض الله وجهك

ياراعي الوداعه

هلا والله وغلا


وابشر بالخير


ترى عندنا الوداعه صعبه ولازم نوفي بها


واللي يجينا يعين خير



تحياتي