سرحان شفته مثل نجم في سما

من عقب طول غياب جينا نسلم ،،،، وين المعلم وين نلقـــا المعلم

اللي ليا جاب العــلوم يتكلم ،،،، هذا الصحيح وقولوا اللي تقولون

سرحان شفته مثل نجم في سما .... يالله عساه بيـرضي الزعلانيه

ماقلتهــا شرهه ولـــــكن انـما .... شفت الهبايب هزت الأغصانيه

الاخ العزيز سهم المنايا

لو تدور والاتنشد النداوى بتلقى رسالتين موجهة لك وانشد منك ولا جانى منك اى رد ولو مانت غالى ما نشدت عنك .. على العموم ما حصل الا خير يالغالى وترانى متابعكم انت وسرحان وعساكم على القوة....

القرناس

هلاا بك يالقرناس وتنشد عنك العافيه

انا لي فتره مضيع رقمي السري حق البريد واعتبر رسالتك وصلت والله لايهينك ياخوي

يامرحبا .ياسهم المنايا .من طول الغيبات جاب الغنائم .

وينك لك مده طويله مانشوفك ..

يامرحبا ترحيب من هيض بالي .. ترحيب ينقد مثل نقد الريالي

للصاحب اللي غائب اله ليالي ..هذا الصحيح وقولوا اللي تقولون

يامرحبا ترحيب تطف الضما ... من عدنا اللي يروي الضميانيه

سوق المعاني ياعميلي ريث اما .. يبين وجه العلم والعنوانيه

وابك البقا يا سرحان ن ماتفقد غالي ونشدت عنك العافيه تعرف اجازات ومشاغل وحن ياربعك بدو ،


وابك البقا ياللي عزومك قوية .... يالصاحب اللي ماتناسا خويه

أنته تباها طبخ والا شويه .... هذا الصحيح وقولوا اللي تقولون

ياصاحبي سرحان والله قل مـا .... ناجد مثيلك يحكم الميدانيه

شفت البدو شدو عليها عند ما .... وصلت هروج فلان صوب فلانيه

استلم ياسهم المنايا

ياصاحبي سهم المنايا تهرج .. مهيب ضاقت عليكم تخرج

واللي وقف وسط المدرج تفرج ..هذا الصحيح وقولوا اللي تقولون

مدام مافيها مصاويب ودما ... الهرج مايثر علي الضلعانيه

المنتدى كله عوارف وعلما ... تعطيك فتوى الاوله والثانيه

هلا بالغالي سرحان

عذرا عذرا عذرا اخي الغالي لعدم تفرغي خلال هاليومين

اخي سرحان ، اعتقد هالطاروق مات رحمة الله عليه

مارأيك بمحاورة في المجلس يتم التنسيق لها والترتيب مسبقا بيني وبينك ،،

سهم