مرحبا بالشاعر اللي مانشوفه غير مره ....مطر

استلم يامطر

مرحبا بالشاعر اللي غاب فالانظار مره

.............. وذكروه النا نزل ماليزيا مدري ورها

زر خلق الثوب زره يامطر قدام الزره

.............. واسترح في ديرتك وركد وربع في رباها

[تم تعديل الموضوع من قبل سرحان الوذيناني بتاريخ 08-16-2001 الساعة 02:13 PM]

البقا يالشاعر اللى كل علم مايغره
..................والفوايد فالسفر والنفس تبحث عن هناها

من يطول شعر راسه يالوذيناني نعره
..................غن ياسرحان لو الناس ماتدرك رضاها

استلم

كيف تنزل في صحاري وانت حاجز في مسره

..............اردع النفس اللعينه ياعميلي عن هواها

عيش معنا في وطنا واحتمل برده وحره

.............وشتبى فالديره اللي وجهاها كنه قفاها

انت كنك مونس فالكبد ياسرحان حره
....................والاانانفسي على التقوى ترى ربي هداها

والوطن غالي عسى الله يحفظه بحره وبره
......................امنا اللى مانقصنا قدرها والا غلاها

استلم يامطر

من يشيل الشر قلنا الله يكاف الناس شره

............... وان تمادا ماردع نفسه لعناله ثواها

الحكيم اللي يحكم السالفه لله دره

............... يدرج الامثال بالحمكه وتاصل منتهاها

استلم.

ياعسى ربي يضر اللى يدور للمضره
.....................وبارك الله فى عميل قال كلمه واحتماها

الصديق اليا صدقنا ماله الا اللى يسره
.....................وان كذب قلنا ترانا نعرف البير وغطاها

استلم يامطر .

الكلام اللي تقره يامطر حنا نقره

.............خذ وسيتنا قصيه في مثل ذي وسواها

احتم الميدان وعرف يامطر كره وفره

.............وانت تدر البير مايرد فيها الا حصاها



[تم تعديل الموضوع من قبل سرحان الوذيناني بتاريخ 08-26-2001 الساعة 10:47 PM]

انت مالك حق ياسرحان حتى انك تشره
.....................لا تشب النار دون اسباب ثم تصلى لظاها

من يشيل الملح بيدينه على عينه نذره
......................لا تسير الرجل فالطرقه قبل تحسب خطاها

استلم
كل ماضاقت عليك الارض جر الصوت جره

.............واعنى روح المعني ياعميلي واعناها

من سري له مع بطن وادي وناحر راس حره

............. الدليله مايضيع امع الدروب اللي مشاها

ابشر اني مرجهن البال قلبي فى مقره
......................ولاحسبت حساب بعض الناس لو يكثر غثاها

انته ابخص دام لك فالدرب ياسرحان جره
......................لا تعود مثل من يبغى يكحلها عماها

استلم

كان بالك مرجهن اقول لا ينباح سره

...........خل قلبك مع قلوب طيبها يسبق رداها

النجوم الساهره تبدي وترجع فالمجره

............ انشد اللي جرب الايام قبلك وشتكاها


[تم تعديل الموضوع من قبل سرحان الوذيناني بتاريخ 08-27-2001 الساعة 10:45 PM]

الوداعه عند اهلها والمسيره مستمره
...................والتفوس اللى تحب الزوم مانبحث خفاها

الزمن ياصاحبي سرحان بيد الله يفره
...................وان بدا نور القمر غطا النجوم اللي تراها

استلم

راعي الناقه يشمل ديسها ولا يصره

........... ماعلينا منه خل الناس لا تبحث بلاها

طر علم في ضميرك له ثلات اسنين طره

........... لا تنسينا السوالف والعلوم اللي نباها

انت ياسرحان لوسويت فى الشارع مبره
......................ماشفعتلك من لهيب النار والا من لظاها

وانت حاسدني على النعمه وحالي مستقره
......................مير صدق الناس ياسرحان ماتترك وذاها

الاخ الزميل .الشاعر مطر الروقي

شكرا لك وحقيقه ماقصرت .والوسيمه خذت حدها

التغيير عندك .مانويت اجنب عنك .مهما صار الامر

والميدان .يامطر