ابا اهني حمد والمنتدى حقه بشهر الصوم

ابا اهني حمد والمنتدى حقه بشهر الصوم
وشهر الصوم فيه الفضل والخير ابمقاديمه !

نطحت القوم يوم القوم تنقز في نحور القوم !!
وهالحينه صلاة ٍ كلها ركعة وتسليمه

ياسلام سلم الله يبارك فيك ياناصر حضورك فخر

يااسلام يا استااذنا الكبير نااصر النفيعي

وننتظر ابو ثاامر ليكتمل الابدااااع

هلا وغلا ياناصر ولاهنت على البدعه الرائعه

وفي انتظار شيخنا ابو ثامر بالرغم من كثرت ارتباطاته





للجميع سلامي وتحيتي وتهنئتي

اخوكم

فااااااااااااااااااالح

الله الله

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
تهانيك وصل مضمونها يا الشاعر المحشوم = أقوله عن حمد والمنتدى جعل الله يديمه
على قدر ومعزه حقك الوافي وكن مخدوم = وتلقا ما يسرك واوله ينبي خواتيمه[/poem]

تعلمنا من الدنيا واخذنا حقنا المقسوم
تباها مع كرى والا طريق السيل والزيمة

اخذناها على الذرعان ماهي من نهار اليوم
ونصبنا في فيافي نجد بيت الشيخ والخيمة

مرحبا استاذي حمد الدحابيب حضورك فخر واللعب معك شرف

وهلا وغلا يامحمد السليس 000 شرفتنا

وارحب ارحب يافالح الشلوي 0000 مشكور

ماعليك زود استاذي

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
على ما ينبغي مايبغي اللي فالبلد محكوم = دواليب الزمن تبرم على العربان تبريمه
يقولون الصراحه تفرق المعطى من المحروم = وأنا أقول الشعور أحيان لا نجرح تعاليمه[/poem]

الا يابحر فيك اللول الا ياضلع يامزموم
والا ياصاحبي كل ٍ يبا ياخذ مساهيمه

يبا يقلط حمد معنا وياكل قرصنا الميدوم ..!
وانا وسمي معرقاء ياعتابه في نحر ريمة

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
على مبدا التفاهم راجي الكرمه ما يرجي دوم = وهالحين البساط الاحمدي فرق تعاميمه
أنا مافزع مع الظالم ولا أعزر على المظلوم = واذا شفت الخطا حطمت ابيّه شر تحطيمه[/poem]

ليا كبرت لقمة فمك تنشب داخل الحلقوم
وهذي من رداة الحظ والوقت وكثر ضيمه

انا مااقول باقي في بني عمي مثل سلوم
لكن اقول كم غافل على براد تلقيمه

ابو بدر وابو جااااابر

ياسلام سلم

زين انك فكيتنا من ناصر ياحمد والا بيلتهمني في هالرمضانيه وانا مبطي من علومه .


متابع ومع الحدث منذ مبطي !!!!!

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لها فالارض مقدار السما وعلوم ماش علوم = يترجمها الخبير ويعتذر قدام تقديمه
تعلمنا من الدنيا تصبرنا على المحتوم = ياشين الصدة اللي تخلف الرجل ومفاهيمه[/poem]

هلا والله يابو ثامر

كل عام وانت بخير ... الواهس للمحاورة ماهوب زي اول يابو ثامر انت تخبر محاورة الجمعة فالشات لا اله الا الله

تابعنا

زرعنا شجرة الزيتون نبتت شجرة الزقوم
وابو عرام من زود الثقة يجمع مجاهيمه

تبا تسري بك الأريا قبل يسري بك الجاثوم
وانا اخبرك رجل ماانته قصيّر باع ورخيمه