أرررررحبوا000 أمرقوا

ملخص المحاورة بيني وبين الدحابيب وهي قديمة



[poem=font="Arial,6,indigo,bold,italic" bkcolor="transparent" bkimage="" border="none,4," type=2 line=1 align=center use=sp num="0,black"]
شجاع


ياسلام الله سـلامٍ فيـه خيـر وفيـه ضـده=خير لأهل الخير والثاني يطم إللي يريده


وين بلقى لي بعيرٍ ينهض بحمله وشده=المعرب ماوني عزمـه ولـو يبعـد مديـده


حمد


مرحبا ترحيبة المسلـم بمسلـم بعـد مـده=لا سعى لرضا الرشيد ولا سعى لرضا زبيده


جر صوتك وعرف أن الله يمد اللـي يعـده=ذخر له فالمقبلات ويدحض الشـر بعبيـده



شجاع



البقـابـك يالمـرحـب عــد جــزر الـمـا ومــده=جعل عمـرك ياحمـد يكتـب لـه سنيـنٍ مديـده


إن بغيت أرسم لك أهداف السفر ولا أنت قدّه=اللحـن مجـرور لـكـن نبـغـي رســومٍ جـديـدة


حمد



بارك الله فيـك والمعنـى دليـه فـوق عـده=يسحب الورّاد ويصدر علـى مـراء وريـده


جيت أجاوب صوت ذيبٍ مزح علمه جنب جده=وأنت في قلبـك خبـر لكـن قلـي يالوليـده



شجاع



ياحمد هبّ الهوافي وسط جوفي ويش بـرده=خفنـي ياخـوك وأرث لـي مشاكـلـه الجـديـده


الهوا جا من جنوب الشرق مدري ويش ردّه=كان عنـدك حـل فعجـل خابـر أرياكـم سديـده



حمد



أباغير الطاروق والعب علـى معنـاه=علشان نبحث ما جرى والله الوالـي


بدا في قناوات التلفزون مـا نخشـاه=لكن ويش رايك وأنته الصاحب الغالي



شجاع



أبمشي معك من مقدم العلم لين أتلاه=طبيب المعاني فول العلم والتالي


وعسى الله يخارج من يخافه ولايبلاه=وذا الشر معنا في المدن والخلا الخالي



حمد



انا داري انك كفو والحلو يا محـلاه=ومن معه سكر يشتكي حلوه الحالي


أجل يا شجاع ؟ أيشوه الدين من يبغاه=تساهيل ما يرضى بها كـل رجالـي




شجاع




زمان اليسد والفهد والذيب ولاّ وجاه=زمان الدياكه يجعل الحر يهتالي


يقدم ثعلها قدم راع الوفا والجاه=وتمشي الشيوخ أهل الظفر خلف الأنذالي



حمد



أجابتك عند أهل البحر كنها الحصباه=غلاها غلا يا الغالي المقدم العالـي


زمنا كريمٍ شح والشح مـا نرضـاه=لكن السبب وحلوله أعراض وطوالي



شجاع



ترى الحل ماهو بيد من غيروا ممشاه=عداة العقيدة عزّها قرش وريالي


هل الطار والمزمار ياعين ياليلاه=ألا ياهل التوحيد من يحتمي التالي




حمد



لو أن باشة الشريا يظلي على شرياه=كفانا وكفينا عن السيـل لا سالـي


لكن المصيبة في رجالٍ تقول أشباه=معه محتمين حده المجـرم البالـي




شجاع



نجوم السما غابت وغطا الفضا غدراه=تهاوت نجومه والله يصلّح الحالي


لكن من سعى لابد ينجح مع مسعاه=يكر ويفر ولا يحسّب للأقوالي



حمد



عسى الله يمد بعمر من عز ذكر أبناه=وسوا لهم في ساحة العلـم منزالـي


وعسى اللي تصنع بالتطور يكون فداه=ولا يمتثل فـي طاعـة الله دجالـي




شجاع



ترى من مشى في طاعة الله ثبت مبناه=تجيـه العواصـف والـزلازل ولا مالـي


على شرع ربي مشيهـا وتهتـدي بهـداه=رجـال ٍ تخـدم الديـن بالـروح والمالـي

[/poem][/QUOTE]

أهلين وسهلين وحي ذا العين
محاورة طيبة من وجيه مبروكة
بيض الله وجيهكم

تحاياي

مرقنا يابو عمر

حصلنا الجزاله وعلوم الرجال

بيض الله وجيهكم

الاخ شجاع الاكلبي المحاورة بينك وبين الدحابيب
لو هي قديمه تعتبر جديده حيث ان الجزاله والرجوله
التي من صفاتكم لاتفنى وتحمل حب الجميع لكم

تحياتي

تسلمون جميع
شعراء قمه
ومنطوقهم جزل
هذه المحاوره بنكهة بيشه اليس كذلك ياشجاع؟
الله يجمل حالك وحال الشاعر الجزل الاخ العزيز/حمد الدحابيب

الاخ العزيز الشاعر/ شجاع بن عمر الاكلبي


الاخ العزيز الشاعر/ حمد الدحابيب




هذه المحاوره من علوم الرجال إذا عدوا علوم الرجال



الجزاله والذوق وبعد النظر والهدف السامي والمنافسه الشريفه وقوة المعنى كلها عناصر لابد منها وقد وجدناها


في هذا الحوار الجميل بين عملاقين من عمالقة الشعر


فعلا استمتعنا واستفدنا


صحت ألسنتكم وابدانكم وجعلنا مانعدم حضوركم المشرف



الذي نسعد بمباشرته للارتواء من عذوبة ماتكتبونه أيها الشعراء الكرام


لكما تحياتي وشكري وتقديري حفظكما الله

ابو عمر


مرقنا واستمتعنا بقرائة هذه المحاوره الجميله


لاهنت ولا هان ابو جابر


تحياتي الغاليه



مشهووور...