الدعوجي الله لايهينك

لاهنت يالشريفي

حلت البركه الان الساعه 2 وراي دوام والدوام لله

اذا بغيت نكمل غدا لامانع عندي

تصبحووووون على خير جميعا واشكركم على المداخله

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الاجابه عندكم وابغى تجيب سوالي=دام عندك حظ وعندك سمعة ن مرموقه

ليه ماترفع رصيدك مع هل الاموالي=كل ليله وانت تنفخ قربة ن مشقوقه[/poem]

الاخ الكريم الغالي وصل بن صالح

مرورك واتاحة الفرصه لي محل تقدير

والله لا يهيينك ولا يهيين من حضر

شاعر علم ويستفاد منه الكثير

تصبح على خير وراجع الخاص


سبحانك اللهم وبحمدك استغفرك واتوب اليك

بيض الله وجيهكم


واافين لاعدمناكم امتعتونا


تصبحون على خير

الشريفي
ياسلام الله سلام فـي محـل ن غالـي
عد همال السحاب اللي تلـوح بروقـه


يالعصيمي وانت شاعر لك مقام ن عالي
كل شاعر نعرفه مـن مبتـدا منطوقـه


الدعوجي
مرحبا بك يالشريفي ياعريب الخالـي
شاعر بعد انتصف ليله بـدع طاروقـه
ماعلى شرواك زود وسوقهـا طوالـي
والرجل لا يشتري من سوق ماهو سوقه


الشريفي
البقا ثم البقا واصرف ذهب واريالي
ياوصل وكبودنا من وقتنا محروقه
كيف يابيت الزعامه صار ماله والي
دهنته سرقت ونبته انقلع بعروقـه


الدعوجي
ابشر ابشر واعلم انه وافي ن مكيالي
واسلم من الباس والدنيا ترى ملحوقه
حسبي الله كلها من سبة الجهالي
خلت الحنشل تمص الدهنه المسروقه

الشريفي
واهنيـك واهنيـك مستريـح البالـي
وان بدا لك راي جريت اللحن واطروقه
انت من جاب الجمل في ديرة الجمالي
كيف ترمي ياوصل باوراقنا الموثوقـه

الدعوجي
احمد الله واشكره في خير حظي عالي
حافظ حقوقي وغير ضايعات حقوقه
البعير الي ربطنا في يداه عقالي
طاح فالحفره وحمله يالشريفي فوقه

الشريفي
اجتمع شمل الاحبه فا المكان الخالي
كل منهم فوق راسه طاقت ن مطبوقه
يامكافي من مديلات الزمان التالـي
مرة ن يسوق جنه ومرتين تسوقـه


الدعوجي
اسمع الامثال ياللي تعرف الامثالي
نعنبوها نعنبوها اللحيه المحلوقه
البلا شفته صراحه بالموديل البالي
الصدا في رفرفه والزيت في صندوقه

الشريفي
الاجابه عندكم وابغى تجيـب سوالـي
دام عندك حظ وعندك سمعة ن مرموقه
ليه ماترفع رصيدك مع هل الاموالـي
كل ليله وانت تنفخ قربة ن مشقوقـه


الله الله الله

صح الله السنتكم شعراء تشرفت بمرافقتهم في هذا الطاروق الرائع


لاهنتم

الاخوان الغلاه فهد بن ماجد

حمد الدحابيب

مروركم الخير كله والله يبيض وجهكم