الدعوجي & العيافي بدون ردود محاورة ناريه

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الدعوجي

هلا يامرحبا فالليله اللي نورها وضاح=تراحيب(ن) تسلي خاطر الشاعر وجمهوره


نبا نلعب على بيض المعاني والقلوب اصحاح=وجمّال الجمل موثق شداده من على كوره

شايع العيافي

يدوم لك البقا يالشاعر اللي تو نـوره لاح=ورى جده يشوفه من سكن في راس تنوره

هقاوينا كبيره والبخت في ضفنـا مـاراح=قرينا فالصحيح ابواب... والقرآن كم سوره


الدعوجي

ياسباح البحور الهوج مثلك فالبحر سباح=ولا يهتز من موج البحور الهوج بابوره


بعد قدر الذبايح بالذبايح يالعيافي فاح=اخذ من حولها بعد استوت في قدرها دوره


شايع العيافي

لو اغصان الشجر تثمر ثمر وتطلع التفاح=لقيت الفاكهه مع عالمٍ فالحـال ميسـوره

تبى تضحك عتيبه فاول المشوار يافتـاح=وبعده تبكي العتبـان منهيـه ومامـوره


الدعوجي

لو الايام تصفي للعرب ماكان قام وطاح=ابو مشلح وابو باكور محني راس باكوره


بلشنا وابتلشنا في علوم السارق المزاح=عسى الموت الحمر يزتطه الليه بحنجوره

شايع العيافي

يا هل علط الرماح اللي يبى الناموس مايرتاح=وانا اشوف اطيب العتبان كن ايديه مكسـوره

لك من العمر ساعه لا تضويني وانا سـراح=يقولون العرب عاد السعـه للنـاس معمـوره


الدعوجي

عسى ربي يبارك فيك فالمسراح والمرواح=يارع الديره اللي من سنين الوقت مدهوره


على الغله قفلت الباب بالظبه وبالمفتاح=وهو معذور والشعار والصفين معذوره



شايع العيافي


انا شوف المحاجي سدها فيه العرب بطـاح=ماغير اوحي كلامٍ فيه صوت ولا معه صوره

ياليت الوعل ابو قرنين يسلم قرنـه النطـاح=قبل يالدعوجي سحب الزناد وتسمع الثـوره


الدعوجي

تشوف اللي نشوفه والفلاحه مهنة الفلاح=يولع نار دافوره وماتت نار دافوره


ياشايع حوتة الحوات طاحت في فم التمساح=وهذي حالة الحوته عسى الاحوال مستوره


شايع العيافي

انا ماقول غير اعطو ولو فرصه ياهل سداح=اخاف الصبح ياخذها وكبد الحر ممـروره
اظن المشكله فالطايره من حضرة المـلاح=وانا ماشوف الكابتن الا ليله ماهيب مقموره

الدعوجي

ياكم فرصه خذاها والهوى ياهل الهوى فضاح= فضحها الله وانا صاحبك حتى بانت العوره


تموت الحيه الرقطا ويفسد سمها الذباح=وحفرة راسها فالارض من قبل امس محفوره


شايع العيافي

مابه طير يطير معا الهبوب الا ومعه جنـاح=لكن بعض الطيور القشر يابن وصل مطيوره

ياساتر قبل اصلي للجنازه والعيـون شحـاح=واعزي في قناة الساحه اعضاء مجلس الشوره


الدعوجي

يطير الطير مادام الفضا للطير ساحٍ باح=ولكن المشكله جاب المرض واحتار دكتوره


نعزي فالقناة العازمي ونعزي القرقاح=وابو خنفور ماله غير لطمه فوق خنفوره


شايع العيافي

ليالينـا لقـاح ويعلـم الله وش ورى اللـقـاح=تجيك الصبح بعيالٍ تـدق الهـرش فـي زوره

عسى الله يجعلك في الجنه الخضراء يابن شلاح=ماخليت الوصاه اللي معـا العربـان ماثـوره

الدعوجي

من الزند المولع ولعي ياشمعة المصباح=ماودي فالعرب من يقرط ابهامه وخنصوره


بني قحطان في تال الزمن ماتت بغير سلاح=وشايع والسحيمي من بني قحطان مقهوره

[/poem]

تسلم يابو جابر

اخراج ومجهود تشكر عليه


تحياتي

لاهنت يابو جابر ديما لك مجهودك المميز...

ابو فارس وبو عبد الرحمن

امتعتونا بهالمحراف الله يبيض وجيهكم يامبدعين


لكم التقدير ولاحترام

بيض الله وجهك يابو جابر مجهود رائع جعل عمرك سالم

و بيض الله وجيه الشعار و صح الله السنتهم و عز الله العزيز انهم جبال

تحياتي

اخوك

ابو جابر لاهنت

على المجهود الرائع


صح الله السنت ابو فارس وابو عبدالرحمن


تحياتي

مشكور يابو جابر على التنسيق والمتابعه

الشكر لكم جميع بدون تخصيص

بيض الله وجه ابو فارس بياض يشيع مع كل ريع على حضوره المميز

تحياتي للجميع

رووووووووووووعه

ياحمد والله يعطيك الف عافيه على الاخراج المميز

ميه ميه ياخوي



/

الدعوجـي

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياكم فرصه خذاها والهوى ياهل الهوى فضـاح =فضحها الله وانا صاحبك حتى بانـت العـوره


تموت الحيه الرقطـا ويفسـد سمهـا الذبـاح =وحفرة راسها فالارض من قبل امس محفـوره [/poem]


شايع العيافي

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مابه طير يطير معا الهبوب الا ومعـه جنـاح = لكن بعض الطيور القشر يابن وصل مطيـوره

ياساتر قبل اصلي للجنـازه والعيـون شحـاح = واعزي في قناة الساحه اعضاء مجلس الشوره [/poem]


/

لاهنتوا

ياالدعوجي وياالعيافي

وربي استمتعت كثير

لاعدمناكم

محاورة نارية
بين علمين

لله درهما

أرحب يابو جابر


لاهنت على هذا التنسيق الطيب يالقرم


وماشاء الله أعلام من أعلام المحاوره ابوفارس وابو وصل صح الله ألسنهم

جزله جداً وممتعه


الله يحفظكم

يا الله أنك لا تهينهم

بيض الله وجيهكم يا الربع...طاروق طيب

الدعوجي + العيافي

و اللواعيب أصحاب خبره ...و باع طويل

بانتظار الجديد...من المباشر

تحياتي...

تم نقلها الى المحاورات النخبه