جبااار السبيعي مطلوب

لاهنت يا جبار نبي محراف


ســـــلام رديةٍ من نورها يغتاض نور الصــباح

ابدا بها فاول ايام الســـنه والطيــــب يبرا لها


اقرب ياجبار والعب والضماير يالسبيعي صحاح

واعلومي افطن لها ياشاعر السبعان واصحا لها

طيب طيب


ابوو عبدالرحمن

سجلنا حضورك المترف مع بداية هذه السنه المباركه

جبار شاعر وخطير

وانا في صفه يعني رايح فيها رايح فيها يابو عبدالرحمن

وينك يابو محمد

الليل الليل

ابو وصل

عام طيب إن شاء الله


وفالك أنت وعريمان أطيب


حضرت للفائده من العمالقه وأنا في صفك على ابومقعد على شان المليون


اللي هو خابر


الله يرعاكم

أرحب يالدوعجي : وأستلم طال عمرك
يامرحبا من مجرب مايقول الأ الكلام المباح = ويقدر أهل الوفا والمعرفة ويكرم أسبالها
من بعد جينالكم هات المثايل والفلاح الفلاح = اليا بديت المعاني يابن وصل يجيك معدالها

الزملأء الأعزاء شايع العيافي وعبدالله بن شايع
أ رحبوا يا أصل العرب ولأهنتم
حضوركم معي يشجعني
لأتتركونني تراني شايب وحالي ركيك
والشاب خطير يغلبني

هلا يابو فارس هلا

وجودك شرف لنا وانا لي الله وباقي الربع في صفي ههههههههههههههه

الله يساعدني على العملاق جبار

تحيتي

تبقى لمغليك يامن كافح ايام الدهر ما استراح

واكبر دليل اختلاف الغتره البيضا عن اعقالها


وش مكسب الفارس المغوار عقب انه رمى بالوشاح

واللي ســـــواته من العـــربان فال الله ولا فالها

هلا ومليووون يابو شايع هلا

تشرفت بو جودك ومتابعتك نوماس لنا

بس خلك في صفي ضد ابو فارس

الدوعجي كيف رمعت هذا الموضوع
أستلم

ياللي تطرقت لك موضوع هيضني وهاض الجراح = أظاهر أنك معك جن الأوادم يعرف احوالها
أعلومنا مثل حلم الليل راحت مع هبوب الرياح = ولأكل منهو بغاله حاجتٍ حسب الطلب نالها

ههههههههههههههه جنك اقوى من جني

استلم لاهنت

تبرى جروح المصاب اللي سببها ضربه من السلاح

الاّ جـــروحٍ بقلبه من زمان العـــام مشتالها


وارسم لحاجتك خطه محكمه تضمن وراها النجاح

قدام فرحـــــتك في دنياك هم الروح يغتالها

ياسلام سلم

لقاء العمالقة ودكاترة المحااااااااااااوره

ابو وصل وابو محمد

وانا مما لا شك فيه في صف جبااااااااااااار السبيعي

وضد المدعو الصديق اللدود العنيد اللي دايم يحوسني في المحاوره

صالح العصيمي بين قوسين ( الدعوجي ) والدعوجي نسبة الى الشخص الحبيب اللبيب المسالم الي حكاه شوي >>> ما ضنيته


تحياااااااااااااااتي

ياسلام سلم على حضورك البهي يابو ثامر

الا هالمره انت في صفي في صفي بالطيب والا باللي حريفه يااعز الاصدقاء الاوفياء

انت مثل اللي يقول احوسه في كل محاااااوره وماهو قدي لكن ابشر بمحراااااااااف مجنون

انت وابو فارس كلكم ضدي نكبه مابعدها نكبه هههههههههههه

الله يعين ويساعد ويخارج من جبار

استلم يالحبيب
صاحبك طيب ومطعومه حلال ومشربه من قراح = ماشاف غير المعزه في جنوب الأرض وشمالها
مانخلف العهد الاول كان صار الجد زل المزاح =وسلـومـنا من شـريـعـت ربنا مانـقـبل أبـدالـها

أبو ثامر
مساك الله بالخير
ولأهنت كلامك طيب وأنت أطيب
والبليه هذا هجدنا وأنا عندي دوام
والوعد باكر بالليل اما بيته والأ على الدنيا
السلام أستودعكم الله
والى اللقاء

ياسلالالالالالالالالالام عليك

ياراعي الروضه الخضراء ليا هبت عليها الرياح

يابس حياها ويقلع شجرة الكافور وظلالها


انا ادري انك سواة الحر تكفخ فالفضا بالجناح

مار الشبك لف رجلينك وجود عقدة احبالها