( مطلق الثبيتي & صياف الحربي ) بالصوت

السلام عليكم



هذي محاوره نادر وجودها في النت



اترككم مع الإبداع

[rams]http://www.qeef.com/6wareq/mtlaq_syaf_5.rm[/rams]

تحياتي

الاخ بدر بن شريده

عمالقة شعر الادب والمحاوره

كلام ثمين ومعاني جزله

مدرسه كبيره

الشاعر مطلق رحمه الله

وشاعر الخليج صياف السحيمس اسال الله له الشفاء

شاعر الخليج الذي بدا هذا اللقب يطلقه البعض على شعراء اخرين لايملكون مقومات

واساسيات شعر المحاوره؟!!

شكرا يابو شريده




هلا يا مرحبا في دار شيـخٍ يكـرم اللافيـن""عسى ربـي يعـزه كـل مـا دارن الايامـي
أنا اشوف الحريبي كل ما غنى يصـر العيـن""مـرار يلدهـا يـم اليمـن ومـرار للشامـي

لعل ابك البقا والعلم مثل السيف ابـو حديـن""وانا لاجيت احول فـالبحـر وليـاك قدامـي
أنا شوف الثبيتي كـل ليلـه يطلـع السكيـن""ويخفيها ليـا منـي قعـدت أفتـش حزامـي

الا يا سرع ما هونت يا راكـان ابـو حثليـن""بعد ما زريت تطلع دلوك اللي يروي الضامي
ترانا يا المنافق ما نحب الرجل ابـو وجهيـن""يصلي بالجماعة ميـر ياكـل مـال الايتامـي

الا يا سرع ما شفتك مقفـي راكـز الساقيـن""وشرك فـالليالي المقبلة مـن عمـك العامـي
من اول يا الثبيتي بالحجاز تحط لـك ربيـن""وهـالحينه تسميني منافـق بيـن الاسلامـي

تشيل الحب في خرجك ولا كنه يروح طحيـن""ليا دارنا راحانا فـوق حبـك شغلهـا حامـي
انا مسمع كلامك لـو تحـط الواحـدة ثنتيـن""كما أنك موترٍ في مقدمـه عشريـن صدامـي

ليا منا قفلنا الباب من دونـك تـروح منيـن""بضاعة والبضاعة بايـره مـا عـاد تنسامـي
عطيناك النصيحة وانت لا جاهل ولا مسكيـن""عليك الهون واخذ البندقيـة وانطـح الرامـي

دخيلك لا تورينا قرون الظبـي ابـو قرنيـن""وراس الظبي يا صياف دايم جلـد وعظامـي
بعد رحنـا وقفينـا علامـك تتبـع المقفيـن""كسف لون الجمل من تبعنا واحفيت الاقدامـي

نصرنا اللي نصر عبده محمد في بدر وحنيـن""ومن باع النصيحة ما نحط براسـه خطامـي
تحسبـن الاوادم يـا الثبيتـي كلهـم غاويـن""ومن يمشي على جرتك لا صلى ولا صامـي

علومك من عصور الترك وايام الشريف حسين""كما ضين الشواوي مالهـا قانـون وانظامـي
دخيلك ردهـا يـم البـدو والمعـز والضيـن""ولا ياشين بيـن اصحابنـا شيلـك للاقلامـي

من اول في ديركم درب واليومة لهـا دربيـن""بغينا نقطع ارزاقك لكـن الحـظ مـا قامـي
ليا منا نظرنـا يمكـم حتـى الحجـار تليـن""عسى ربي يعز اللـي بظلـه قلبـك ينامـي

غدى صياف عن دربي ولا شاف الطريق منين""ثقل دمه وحط الشيـخ فـي علبـاه محجامـي
حصاة رزاح ندحمها عـن العقـال بالمتنيـن""ولا يا زينهـا لـو كـان ننسفهـا بالالغامـي

لا تقرب للحصاة اللي تهدّم لك بيوت الطيـن""ابو عـرام يربـط عمتـه ويـروح عرامـي
تبعتك نصف ساعة وان عندك علم ماهو زين""تبا لك من رجاجيل الحروب جهـاد وزيامـي