مشهور العيافي

دام البقا جيت وأنا في المناعير ما خير
لكن شرواك له تقدير فالقلب مربوط
حكمت لك حكم جاير ليه يا الوالد البار
ياللي عليك الزمان أعطاك باقي حموله

ياصاحب قد وطاه الوقت بالشر والخير
حظك نقض حبله وحبل اكثر الناس مربوط
الرجل مثلك يعرف المسجد ويعرف البار
لا تقرب البار دامك من رجال و حموله

مدري تصف الكتب ولا تصف الطوابير
أختار فيها ترا مالا يناسبك مقطوط
الغطرسه في حياة الناس قدرٍ بما فار
وليا أنتثر من تحيل فيه ما حال حوله

احدٍ بنا رجم واحدٍ فالمسيله طوا بير
لكن من يعرش من العظم والعظم مقطوط
يابن الدحابيب لاتلعب مع القط والفار
كم واحد يدعي علمٍ ولاهوب حوله

الفارس اللي يعن الخيل ويغير ويغير
تغير الوقت به والحظ في لوح مخطوط
ياطير ياللي تصيد طيور طير العنى طار
كلٍ يدور على شفه ومقصد ميوله

من يقنع اللي بقلبه غيره ووده يغير
ايخط له خط فالدنيا وللعالم خطوط
اقول من يطرب من الزير مايكره الطار
يومي براسه طرب والجسم صابه ميوله

الكبر لله والأنسان ظالم وشرير
وفرعون في متحفٍ في مصر فرجه ومحنوط
بعد تكبر غرق فالبحر والبحر جبار
من سلطة الواحد الجبار وأمره وقوله

الله الله

بد المكامخ والهجاد يارب سترك

ماكفاكم مواجه النعيريه ههههههههه


تبون الصراحه




والله انكم وافين ومبدعين اخلاق وشعر

عساكم على القوه وانا بالمدرج واتفرج ومنصت ومستمع للابداع




للجميع سلامي وتقديري ومتابعتي

ياملا المعزه يابوبدر

الله يحيك يالقرم وجودك مكسب عزالله

ارحبو كلكم


وصح الله السنتكم يا مبدعين

مشكلتكم عينين في راس


متابع ومحايد ...

والبقا يابومرحبا ملايين

أبوفهد والله أن متابعتك وسام يالقرم