محاوره بين محمد الردعان وغازي البراك

جرت هذي المحاوره في يوم الخميس الموافق 4/1/2007


مكان المحاوره ديوان مجعد بن متعب
[poem=font="Simplified Arabic,7,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

محمد الردعان

يا مرحبا والله يحيكم رجال ٍ غانمين = والليله اللي تجمع ارجال الوفا يا طيبها

يا غازي البراك لو اني عرفتك من سنين = عطيتك علوم ٍ توديها معك وتجيبها

غازي البراك

ابك البقا ياللي ترحب ياعسى ربي يعين = وانت العلوم الطيبه يا صاحبي تحريبها

جيت متعني لاجل تدريبي على علم ويقين = هات العلوم اللي تبا واللي تبا يدريبها

محمد الردعان

نبي نسلمك الامانه مير قلبك لا يلين = لا خيلت سود المزون وسيلت بشعيبها

الحي يبقا حي والميت رفيق الميتين = وانته علومك وافيه والوافيه وديبها

غازي البراك

الله يقدرنا على علم الرجال الطيبين = انت تعرفنا والعلوم الماضيه تدريبها

الحي يتبع سنة الميت على سمن وسمين = يا مدرسة جزل المعاني عالم ٍ في غيبها

محمد الردعان

بعض السوالف مبهمه فيها الخوافي ما تبين = وشيب عينك من تصاريف الزمن وشيبها

لا شفت زولٍ من يسار وشفت زولٍ من يمين = ان طعتني لا تلتفت واذنيك لا توحيبها

غازي البراك

اديارك اللي فوق تنشد عنك يا ذرب اليمين = لا تترك ديار الجدود اللي تعشى ذيبها

الذيب يلقاله طريق ٍ زين والقاسي يلين = ومساجد الشيعيه ليا مريت ما صليبها

محمد الردعان

انت اعتبرني عسكري في خدمة اهل القريتين = والله يخلي للهنوف ام الجدايل صيبها

ما ينطح القالات غير اللي معه ضلعٍ متين = يالله تجمعني معه في ليلةٍ نسريبها

غازي البراك

ترا الجمل يقدر يشيل مع الحموله حملتين = وام الهنوف ان كان فيها عيب نستر عيبها

هذا الكلام الصدق ما صار الرغى مثل الحنين = وشيب عينك من تحدي صاحبك وشيبها[/poem]

الله لا يهينك ياو عبدالله

والله يابن ردعان هذا داهيه من غير قصور في غازي

ابو عبدالله انت واسط عمد النداوي

لا عدمناك ولا عدمنا حضورك الغالي



مشهوووور...

بعض السوالف مبهمه فيها الخوافي ما تبين=وشيب عينك من تصاريف الزمـن وشيبهـا

تشكريابو عبدالله
على وطنيتك الزايده
وصح لسان الشعرا ء محمد الردعان وغازي البراك