طال وقت الرقاد

طال وقت الرقاد
محاورة بين الشاعرين جبار مقعد بن جبر السبيعي وفهيد ربح بن مـصلح السبيعي . والشاعر فهيد من الشعراء المعروفين والبارزين في فن المحاوره والعرضه والنظم ، طرق جميع أغراض الشعر العام والخاص وأجاده ، نورد لكم هذه المحاورة معه.

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
جــبــــار :
يا فهيد بن مـصلـح طال وقت الرقـاد=من يـصـح الأوادم من مـراقـيـدهـا
الكـواكـب تصـف وصـفـهـا بـزديـاد=وأهل الأرصاد ما ترصد مـراصيدها
فــهــيـــد :
يا بن جبر أعبد الله لا تـعبد الـعـباد=من عرف صدرها يعرف مواريدها
الـمـوشر خسر فالـمـال والأقـتـصـاد=والهوامير ما نعـرف مـقـاصيـدهـا
جــبــــار :
عابد الله ومـاشـي في طـريـق الـرشـاد=والـمـعاني بليغه جعلك أتـصيدها
لا حصل صحت الأبدان وأمـن الـبلاد=زارعـين العنب تـجني عـناقـيدها
فــهــيـــد :
الـمعاني بـلـيـغـه والـبـيوت الجداد=ريـدهـا ريـدهـا يا كيف ما ريدها
طـاح راع الردوف وطاح راع الشـداد=والـذلـول طلـعت من بينهم سيدها
جــبــــار :
دام وقت الربـيع ودام وقـت الـبـراد=الـفـلالـيـح ما تـعرف مـعـاويـدها
والدهر لا أشلهب ورف طير الـفـواد=يـنـكر أمه كريمه من رضع ديـدها
فــهــيـــد :
ياهل الزرع ما للـزرع غير الحـصـاد= لـو سـبـاع الـخلا تاكل عجاريـدهـا
علم اللي يعزك وأحتـسـب للجـهـاد=الأعــادي مـجـهــزةٍ بــواريـــدهـا

جــبــــار :
أعلم أن كل نـار تشـب تـرجـع رمــاد= كـود نار الحـجارة من مـواقـيـدهـا
ونـاشـرين الـبياض مـحاربين السـواد=عـزوة اللي نـخـتـهم في زغاريـدهـا
فــهــيـــد :
أترك اللي مضى وإلبس ثياب الـحداد=كـل دولـه تـحـط حـداد لـشـهـيدها
أنـت مـالـك ومـال الـظـن والأعـتقـاد=قـيـدوهـا دقـايـق وأطـلـقـوا قـيـدها
جــبــــار :
ما تركنا الشرف والعز فـي كـل مـاد=ليت بـعـض البـشر تدرى مناقـيدها
عالمٍ مـا تـعـشـا مـن عـمـود الـجـراد=مـن شـقـاهـا تـقـدى في مـقـاريـدهـا
فــهــيـــد :
من عـرض قـصـةٍ للـنـقـد والأنـتـقـاد=أحـتـمـل شـجـب خلـق الله وتايدها
ومـن يـقـدم لـك الـدلـه بـلـيـا قـنـاد=لا تـقـدم لـهـا يـمـنـاك قـل عـيدها
جــبــــار :
قلت أفد وأستفيد وهاجسي ما أستفاد =مـن يـبـدد هـمـوم الـنـاس ويفيدها
منهو اللي بـحومات الـوغى والـمـزاد=تـقـتـديـبـه رجال العرف ويزيدها
فــهــيـــد :
أنت ياجب عليك الحذر والأبـتـعـاد=لأنت أبوها ولأنت أخـر مـوالـيـدها
أخـتـم الـقـاف يا جبار عـنبر وكـاد=غـطـهـا قـبـل لا تـكـثـر حواسيـدها[/poem]

.

ابو محمد

بيض الله وجهك ووجه ابو متعب


محاوره رائعه ويوجد بها لمسات للمتذوقين


لك تحياتي

أشكرك على الرد والمجاملة

يا بو عبدالله

وأرجوا منك ومن الزملاء الأعزاء

النــقــد الــصــريــــح للأستفاده و الأرتقاء الفكري

اخى الفاضل

جبار السبيعي

صح لسانك ولاهنت انت وفهيد بن ربح

وارجو منك توضيح اين جرت هذه المحاوره

لان المحاورات المنقوله من منتديات اخرى غير مسموح بها فالنداوى

وانتظر ردك لاهنت

ابو علي

المحاوره جرت خارج عالم النت


لك تحياتي

الأخ الزميل محمد السليس

أخبرك بأن المحاورة أخذت من واقع الميدان

ولم تتنشر في أي موقع إلا النداوي

وشكراً على ملاحظاتك وأهتمامك

أخوك

أبو محمد