مايسد اللزوم الا عيال الحمايل

الاخوة النداويه

الله يحييكم جميع

الدعوه عامه والطارف منكم سديد







ياسلامي سلامٍ ريحته عود جاوي ^ يالرجال الكرام اللي بساح النداوي ^ احترى الرد منكم ...لاتطول الحراوي ^^*^^ مايسد اللزوم الا عيال الحمايل




سلام الله سلام فيه عدل الميل *** سلام فيه عدل الحال لامالي

سلام للنشامى معه بن وهيل *** بلاتحديد ..كلٍ عندنا غالي

ارحب ارحب



مرحبا مرحبابك يازبون المغيره000 يا رفيق ٍ ليا شفناه ماريد غيره000باخص ٍبالكبيره باخص ٍبالصغيره000ولا يسد اللزوم الا عيال الحمايل


هلا يامرحبا والكيل نوف الكيل (()) ترى كل ٍ معـــه للشعر مكيالي

لكن الليل ليلك قوم سر الليل (()) ترى ربك هو الرازق والوالي

[تم تعديل الموضوع من قبل السيف بتاريخ 06-08-2001 الساعة 01:53 AM]

ارحب انت

هلاوالله ومسهلا




استلم






جيت يالسيف في وقت القصيد المناسب ^ فرصه انّا انتفاهم بالشعر وانتحاسب ^ وانت ناجح بساح الملعبه ماانت راسب ^^^^^ مايسد اللزوم الا عيال الحمايل



تحزم يالعتيبي ثار عج الخيل *** وطب المعركة رجلي وخيالي

ترى موضوعنا ذالليل حط وشيل *** ثقيل الحمل يبغى زحول ورجالي

يا مدور حسابي قــبل ادور حسابه 000 شاعر ٍ لا سألته وافي ٍ في جوابه000 من رجال المروه من رجال المهابه 000ما يسد اللزوم الا عيال الحمايل


ليا منك دفــعت الخيل شــــــد الحيل (()) تــرى الايام رحــــال ٍ ونـــزالي

ونا من عادتى مركض ورى التطبيل (()) ابرر موقفي واتعب على اقوالي

الله الله




استلم


هيه يالصدر ياللي باول اللعب فوّح ^ الحساب القديم اللي له اعوام روّح ^ مانبانفتح حسابات قيس الملوّح ^^^ مايسد اللزوم الا عيال الحمايل





ابانشد عن علوم جات تال ابريل ^ علوم توها تطري على بالي

نبا قول الحقيقه مانبا تاويل ^ تعال وفلها ياسايق الرالي

لايفوح ضميرك وانتبه في مصيرك 000خل عقلك وعرفك في طريقك بصيرك000 وخل شرك بقلبك لايوصل قصيرك 000ما يصون القصير الا عيال الحمايل


انا بنصحك لاتسمع وكالة قيل((())) وبالك تستمع في كل قوالي


ترى به ناس محترفه على التضليل ((())) تحذّر ياعريب الجد والخالي

استلم يابوالمنذر




ولاتنسى نصيحتي المشهورة


-تحلَّ بالروح الرياضية-





لاتجيب الحجج حتى تعرف التواهم ^ ولا تهقوى بحرب القوم حتى تراهم ^ طيع شوري يابوالمنذر..تعال انتفاهم ^^^^^ مايسداللزوم الا عيال الحمايل




مدير القسم ملّ الكشط والتعديل *** على كثر الاسامي جاه غربالي

ومادام ان الاسامي مالها تعليل *** دخيلك قل لنا ويش اسمك الحالي

طيب طيب يابو حزام




النصيحه من اول تشترى بالجواهر 000 وين نصحي معك ياللي بك الحمق ظاهر000 تحسبنك فطين وبالكاعات ماهر 000 ما يسد اللزوم الا عيال الحمايل


انا معروف ظاهر مثل نجم سهيل (()) وتعرفني وتعرف ماض الافعالي

ياراجح كثر التحميد والتهليل (()) عسالك في طريق الحق مدخالي

ترىالبساط احمدي يالسيف


واستلم




ابك خل النصيحة للرجال الحكيمة ^ دام نيتك ماهي يالعتيبي سليمة ^ لا ارتكب فيك قدام الخلايق جريمه ^^^ مايسد اللزوم الا عيال الحمايل





اعرفك يالعتيبي من زمان الفيل *** على طول الدهر نزّال رحّالي

نصيحة لاتلوى في مسيل السيل *** ترى الموت الحمر في السيل لاسالي

ابدا خذ راحتك ابو حزام


لا يرد الا العجز

استلم

والله انك صدقت تقول إن النصيحه 0000 تستمعها الرجال اهل العقول الفليحه0000 وانت شكلك فضيحه وانت قولك فضيحه 000 ما يسداللزوم الا عيال الحمايل

غديت اكبر مصيبه وسط هذا الجيل ((())) مولي جعل فالك ماهو بفالي

ونا عندي طريقـه تنفعك بلحيل ((())) نبي نخلط لك المره على الحالي

ابوالمنذر : عذرا على التاخير




واستلم يالذيب








يالله اني طلبتك في العفو والسموحه ^ " شيبة عبيله " الليله بااداوي جروحه ^ وكان مافاد طبي فيه طلّعت روحه ^^^^ مايسداللزوم الاعيال الحمايل



تجيك السالفة بالشرح والتفصيل *** عن الاول يجيك العلم يالتالي

تجمّع مُرّك وحاليك في البرميل *** وتقعد تجرعه بالمهمه الخالي

مرحبابك يابو حزام

خذ راحتك الدعوى سعة صدر


استلم


جعل حظك يطيب وجعل روحك تطيبي 000 الكلام المدبلج منك ماهو غريبي


000كيف تال الزمن تطلع خبير وطبيبي 000 ما يسد اللزوم الا عيال الحمايل


عسى الله يحفــظك ياشمعة القنديــل (()) حقــــيقه قلتها مـــــا هويورالي

كشفــتك يالنـجم ياللي طلع له ذيل (()) ليـــــامني نصحـــته ماتـــــوحالي

هههههههههه






استلم استلم







ايه دكتور واداوي النفوس المريضه ^ شهرتي في مجال الطب شهرة عريضه ^ وانت خلك بوسط الدار وادّ الفريضة ^^^ مايسداللزوم الاعيال الحمايل




علىوضح النقايالصاحب الحلحيل *** عسى الله يحفظك ياسمح الاقبالي

انا ذاخرك للتنزيل والتحميل *** ياشيال الحمول اخفاف واثقالي

الله الله يابو حزام

ماشاء الله على ابداعك اثرك منت هين



واستلم اخر بيت


الله انه يعزك يالنفوس الابيّه 00000 عند كل العرب يوجدلها قابليه0000والله انه يخسك يالنفوس الدنيّه 000مــا يسد اللزوم الا عيال الحمايل


انا خابرك تعطي ماتصير بخيل (()) كريم ٍ بالعطا مجلــسك بالعالي

ولكن نختصر ها مانبي تطويـل (()) سوالف والسوالف تأتي اشكالي

ياسلام عليك








الله يعطيك العافية يابوالمنذر




وعلى دروب الخير نلتقي




تقبل تحياتي