يالدعوجى موال بينى وبينك.

الله الله

اسمع اسمع


الدعوجي مايقرب من الملاقيف === اللي تخطف العلم مثل الخطاطيف


يبعد عن الشكات والريب والزّيف=== هذا الصحيح وكلمة الحق تنقال



انته تقوله وغيرك ناس يقلون === ولا بقى غير تذّن فالمناره


لو تضحك الناس عنك تقول مجنون=== مجنون يصفق يمينه في يساره


ــــــــــــــــــــــــــــــ


( د 0 ع 0 و 0 ج 0 ي )

استلم.....اخوى.......الدعوجى

يالدعوجى لا تعتصم غير بالله.....واللى عقد حبل المشاكل يحله

اقلط على عود ومفطح ودله.....هذا الصحيح وكلمة الحق تنقال

اثرك يالدعوجى شاعر ودندون ## سواة ذيب يعدى فالزباره

مجنون عاقل ولوبكره يطيعون ## ان كان اعينك عمده وسط حاره

السسسسسسمع


ياراعي الدله وراع المفاطيح === ياللي تسوق الخيل والفطر الشيح


من الرجال اللي لها هبة الريح === هذا الصحيح وكلمة الحق تنقال


ياالروقي اللي عن الزلات مصيون === انته بعد ماعلى مثلك قصاره


دام ان حيفا ويافا عند صهيون === تبي تظلي وزير ابلا وزاره



ـــــــــــــــــــــــــــ

( د ع و ج ي )

حنا ندور كلنا للغنايم.....تروح منا ماتجيك الظلايم

جعل الوفاء مابين الاصحاب دايم.....هذا الصحيح وكلمة الحق تنقال


كلن بفعله نهار الحشر مقرون....مير اطلب الله وصل الاستخاره


اخذت غزه وريحا مير شارون.....ماهوب معطيك رخصه واستماره

السسسسسمع


ياللى تدور للغنايم وتشقى === تبي تموت وخالق الكون يبقى



لكن شد الحيل من شان ترقى === هذا الصحيح وكلمة الحق تنقال



اهل الدبش للحيا دايم يحيلون


====================== والسيل ما يتبع الا الانحداره


شارون ***** وايضا بوش *****


====================== من حبهم في مطر هدّوا جداره


ـــــــــــــــــــــــــــ


( د ع و ج ي )

ان كان ماتشقى ماجبت الغنيمه...والعمر فانى والليالى مقيمه

يالدعوجى ترى النوايا سليمه......هذا الصحيح وكلمة الحق تنقال

اهل الدبش خلهم معها يفلون....والسيل ياخذ مع الشعب استداره


احذر ترى الوضع له ياذيب قانون....وان كان خالفت زعلت الاداره

السسسسسسسمع

يانعنبوها من غنيمه وانا اخوك----اللقمه اللي فالنحر كانها الشوك



على مصادرها محاذير وشكوك ---- هذا الصحيح وكلمة الحق تنقال




حال البدو يامطر من دون في دون



===================== شفت الدهر حولهم ينفض غباره



وان كنت في حبهم عاشق ومفتون



==================== لابد ماتشرب الماء فالغضاره



------------------------------------------


( د ع و ج ي )

اخوى الدعوجى

استلم واعذرنى عن التاخير

انصحت لك يالدعوجى بالنصيحه ...والفكر واعى والعباره صريحه

يالدعوجى خل النفوس الجريحه ....هذا الصحيح وكلمة الحق تنقال


حال البدو زين كل الناس يدرون ...تطوروا من بداوه فى حضاره


الامر للرب بين الكاف والنون ....يا صاحبي جتك غاره ضد غاره

السمممع وآسف للتأخير وانت تعرف الصيفيفه وارتباطاتها



تنصح ولو انك على النصح مسبوق === يالروقي اللي جيت من ضاحية روق


مافات شي وكل مطرود ملحوق ==== هذا الصحيح وكلمة الحق تنقال




وشلون ياصاحب الرحمن وشلون


=================== تدري بهم وانت في راس القراره


اظن حبك وحب القوم مطحون


=================== في كيس واحد وتحسبها شطاره



ــــــــــــــــــــــــــــــــــــ


( د ع و ج ي )

اهم شى ان النصيحه تفيدك....قدام لا سود الليالى تبيدك

والا ترى الروقي قريبك عضيدك....هذا الصحيح وكلمة الحق تنقال

تقول يالدعوجى حامض ياليمون....عقب المزارع شبعتوا من ثماره

اى والله احب دايم كل مزيون....واحتاج فالحب وقفه واستشاره

مطر الروقي

الدعوجي

منكم نتعلم

ونراقب ماتبدعون وكأننا تلاميذ لنستفيد

ابداااااااع



الفــارســه

السمع

نعمين يافزعة بخيت العطاوي === ياللي عن اسهوم التجاره غناوي


لكن عينك فالشحم والكلاوي === هذا الصحيح وكلمة الحق تنقال



اسرعت بالحيل وافتر الدركسون === اثرك ياصاحبي سواق طاره


راجع حسابك وخل السر مدفون === كسر الجمل صعب تلقى له جباره


_______________________________


( د0 ع0 و0 ج0 ي)

اختى.......الفارسه

اسعدنى...........تواجدك.....وانتى معلمه..ولا هنتى

اخوى.......الدعوجى.......اعذرنى عن التاخير....واستلم

انا عيونى للسماء واطلب الله ... والله هو اللى عنده الخير كله

والا انت تطمع لو بفنجال دله....هذا الصحيح وكلمة الحق تنقال

بالهون ياصاحبى بالهون بالهون $$ النار دايم بدايتها شراره


طولتها مير عان السيف مسنون $$ الرمى وشفيك ما تخلف عياره

السمع


ياللي تعاين فالسما والنجومي === خايف عيونك من سهرها تنومي


وان كان حالم ضيعتك الحلومي === هذا الصحيح وكلمة الحق تنقال




اصحابك اللي يشيلون ويحطون


====================اهل نجاره صناعتها النجاره


نزيد معكم ليا صرتوا تزيدون


==================== والرمي قي دومة ابليس وحماره


ـــــــــــــــــــــــــ

د ع و ج ي

استلم..

الحمد لله نظرتى فالسماء فوق...والله ماذل النفس وانا ولد روق

ما فاد فيك الطب والقلب محروق...هذا الصحيح وكلمة الحق تنقال

اصحابى اللى ليا نصحوا يعقلون && والا انت عاصى وتعلنها جهاره

زيدوا وعيدوا ولو ضقتوا لاترضون && لو كنت لاعب ماتنقصك المهاره