حسن الوطري وجبار السبيعي

[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حسن

ابلشتني يا صاحبي جبار مع ربعك سبيع = حطيتني مابين نار وغار وانا في سعه

اسبيع تنشدني عن الموضوع يالرجل الشجيع = تقول هات العلم يالوطري ومنك نسمعه


جبار

ما تبتلش مادام تشري مع هل العرف وتبيع = وان كثرت اسباع الجزيره معك سبع المسبعه


علم الصحيح المعتبر لا بد ما يرضي الجميع = والكل لا شاف الحقيقه علم صامل يقنعه


حسن

صحيح يبقى الحق حيث الحق له سدٍ منيع = قيل الحقيقه نور واللي غير هذا معمعه

ربعك تحسب ان الحقايق ذاعها ذاك المذيع = ما تدري ان قول الاذاعه كم واحد يخدعه


جبار

امانة الله مع رجال العرف دايم ما تضيع = ما يسمع الرجال علم الا يثبت منبعه

انا ابن صامل وعمري غصني من الشجره رفيع = يوم الغصون افنودها كلٍ يراجع مرجعه


حسن

يا وسع حلم الله على خلقه وحلم الله وسيع = ناسٍ تحط النير يا جبار حول المجمعه

السيف قالوا شذرته دايم لها برق ولميع = والسيف مثل الحق لامن ناش له حد اقطعه


جبار

سبحانه العدل الرقيب الواحد الحي السميع = الكون خلقه والبشر من كان مع ربه معه

ما فيه شك الصدق بالمضمون كالحد الوريع = احدٍ ينزل هامته فعله والاخر يرفعه


حسن

ما تعمله بكره تبا تلقاه باليوم المريع = يومٍ يرّوع قلب منهو ما ذكر من روعه

الطيب يبقى حيد ثابت شامخٍ في وسط ريع = والجهد والتكله على الله فاز منهو ودعه


جبار

ما يعمل الانسان في دنياه محصيه الوديع = والناس في نعمه وغفله والليالي مسرعه

رحماك يارب السماء يامالك الملك البديع = يا الله زدني علم في ديني وسبل المنفعه


لكم تحياتي[/poem]

الشاعر حسن الوطري


الله لايهينك على النقل الطيب



وصح الله لسانك يابوعبدالله ولسان الشاعر جبار السبيعي



تقبلوا تحياتي واحترامي

صح الله لسانك يابو عبدالله انت وجبار ولاهنتوا



شكراّ لك على النقل



طارووق جزل

الطيب يبقى حيد ثابت شامخٍ في وسـط ريـع

والجهد والتكله علـى الله فـاز منهـو ودعـه

تحياتي

الله عليكم


وصحت السنتكم



جميع


من احسن الطواريق



لاهنتوا

ابوعبـــــدالله

صدقني قريتها اكثر من مره

ابيااااات جميله ولها طاااابعها الخااص


تقبل اجمل التحايا

ابو عبدالله

الشاعر/ حسن الوطري

صح الله لسانك واعلا شانك
وبيض الله وجهك ووجه الشاعر / جبار السبيعي
محاوره رائعه سبك وحبك وحياكه معنى ومبنى
هذه المحاورت التي يستفاد منها ويحق لها ان تبقى هناااااااااا
اخوكم الصغير سهير الليل

ابو عبدالله

صح لسانك وصح لسان جبار

بيووووووووووووووووووت ذهب لا انت ولا هو ماشاء الله عليكم

اعجبني البيت هذا سلملي على جبار وقله يقول شايع ونعم ياجبار وصح لسانك:
انا ابن صامل وعمري غصني من الشجره رفيع
يوم الغصون افنودهـا كـلٍ يراجـع مرجعـه


لا هنتوا مره اخرى



مشهووووور.....

عز الله انكم مبدعين

الله يبيض وجيهكم

تحياتي

هلا وغلا في ابو مبارك

صح ابدنك

ماعليك زود

اشكرك على التواصل

لك تحياتي

محراف كايف

ونعم في شعراؤها الوطري والسبيعي

استمتعت بتمعن في قراءة الشعر الحقيقي