سلام رديةٍ مثل العسل فــ الطعم و اللون

اخواني اخواتي شعراء النداوي السلام عليكم و رحمة الله بعد غيبة ليست بالقصيرة اعود للمكان الذي عشقته وللعمالقة الذين اقتدي بهم
اليكم هذا الطاروق و اللي يرد حياه الله [poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلام رديةٍ مثل العسل فــ الطعم و اللون = رديةٍ للرجال اللي على تقوى و دينا
واللي يجينا يجي واكون له شاكر و ممنون = ومن لا يحسب حسابه لا نجيه و لا يجينا [/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامرحبا بالنيابه عن هل الطالات ونمون = باللي كلامه مغلف بالذهب سعره ثمينا
عوم البحر يالمغني واحترص لاتقرب النون = اضفر بلوله ولايغشاك موجه يالذهينا[/poem]

يا سلام


يا سلام



مبداء جمييييييييل


و


رد أجمل





موفقين يالنشاما..





نتـــــــــــــــــــــــــــــــــــــــابع







,,




,,

لازياده على ماقاله

أخي

مفرح بن بداح

تحاياي

بالتوفيق للجميع

الشاعرين الرائعين


عبدالله بن خبزان الحارثي وسعود القت



عساكم على القوه


حنٌا متابعين وماسكين الصفوف


واصلوا ونحن معكم وبالتوفيق

مساء الخير للجميع
سعود القت مرحبا بك وفرصة سعيد للقاء معك وإن رأيت ارسم الموعد اللي يناسبك لنكملها والليله
استلم طال عمرك
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
دام البقا والامانه ياعساها عند مامون = بمشي معك يا سعود القت و الخافي يبينا
اما لقينا بحر ياسعود فيه الدر مكنون = والا صدرنا وقلنا يالله تعوض علينا[/poem]

مفرح بن بداح
عريمان السبيعي
بدر السبيعي
هادي بن عسكر
مروركم متابعتكم شرف لنا واتمنى ان تقدم ما يروق لكم
تحياتي

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بنك المعرفه رصيده ياوسيع العرف مضمون = يمدي مع اهل الشكاله وان دحم جنبه متينا
عان الهدف في حجا شاهوق ماله ظل وركون = له جنب هريان لو ان جنبه الثاني سمينا[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اخاف للبنك ذا يطلع معي ذا الليل مديون = ولو يعرضونه على التجار ما هم مشترينا
ان كان عندك هدف واضح عباد الله يشوفون = وان كان ما به هدف حول مع الدرب اليمينا[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لاشك دربي يمين ولاطلبت من العرب عون = وضحت رمز الهدف لهل المعرفه مستبينا
عن الفكر واجتهد للنايده مادونها دون = وان فترت خطاك لاتزمل من الناس استعينا[/poem]

[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا راعي الدرب الأيمن قل لنا وشلون وشلون = اعجل علينا ما مادام ان السوالف في يدينا
وان كان عقتها يالقت انا ماني بمغبون = بافارقك يا صحيبي واعتبرنا ما التقينا[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
المعدن الفذ مايترك صحيبه مير بالهون = قال المثل من عجل مخذ بثاره يالفطينا
قايس خطاويك وانته رجل عندك قلب وعيون = اشتال حملك مدام تقول لك جنبٍ متينا[/poem]

اخوي الشاعر مساك الله بالخير
أولاً اعتذر على تأخري بالرد في الأيام الماضية بسبب انشغالي
ثانيا فرصة سعيدة التقيت بشاعر في حجم سعود القت واتمنى ان نلتقي في طواريق قادمة بإذن الله
ثالثا كل عام وانت بخير و بلغنا الله واياك و أعضاء النداوي و جميع من نحب شهر رمضان و اعاننا على صيامه و قيامه و تقبله منا
لك تحياتي

الى جميع الاخوان اللي مرو على هالمحاوره القصيره
لكم جزيل الشكر ولاهنتو
اخوي عبدالله فرصه سعيدة ولايصير خاطرك الا طيب
مع خالص التحايا