ياسلام الله على الصارم .. على الميعاد جيته

ياسلام الله على الصارم .. على الميعاد جيته .... يوم قالولي يجي في منتداكم في النداوي

شاعر جزل المعاني .. وين مااروح لقيته .... ان نزل نجد بدوي .. وان شد يم الشام شاوي

يامرحبا يالمبدع
استلم

مرحبا بالمبدع اللي طول عمري مانسيته

----------- شاعر يفتل وينقض فالعلوم وفالدعاوي

في السعوديه سعودي والكويتي في كويته

----------- كلهم جيران واخوه يابعيدين الهقاوي



[تم تعديل الموضوع من قبل الصارم بتاريخ 06-04-2001 الساعة 11:38 PM]

والبقا دام البقا .. باللي يرحب لانصيته .... وان تخاوينا نسوق القاف .. والخط متساوي


في زمان العولمه .. كل بدوي يشعب ونيته .... والديار دروب والغايات يالصارم مناوي

استلم يالمبدع

ياوسيع المعرفه لا جيت للماقف حميته

--------------- وانت شاعر تحتم المقياف لا وحيت العزاوي

لو تشكويلي زمان العولمه جيت وشكيته

--------------- الله احفظنا من الايام وصدوف البــــلاوي

خابرك ياذيب مابه رجم عالي .. مارقيته .... مار وينك غبت ذاك الليل عن ذاك الخلاوي

في زمان العولمه واللي كتبته ماقريته .... ياعميلي .. عولمه في عولمه .. والذيب عاوي

استلم يالمبدع

بعدعسيت المكان ورحت بدباشك رعيته

------------- طرش المندوب للاصحاب فالدار السناوي

والله اني لو لقيت اللي تقوله ماشنيته

------------ وانت يالمبدع تعرف اني ..طبيب اجرح وداوي

الصارم .. المعذره يالغالي .. عن التاخير .. واستلم دوك :

ياعميلي لاوطى وبل المطر ديره وطيته .... بدوي واشد وانزل .. لامقيم ولاجلاوي


موتري يوم اشتريته .. للمناهيج اشتريته .... والوعد قدام يالصارم .. على وارد عراوي

المبدع


الصارم


الصارم


المبدع

اسمين يكمن خلفهما الابداع الناضج.

محاورة كبار.

اسعد بمتابعتكم....................واستفيد

الاخوه / الشعراء

موفقين / للخير ان شاء الله

[تم تعديل الموضوع من قبل سرحان الوذيناني بتاريخ 06-09-2001 الساعة 01:05 AM]

الاخوه الشعراء

مطر . و سرحان

شكرا لكم علي المتابعه

ويشرفنا حضوركم ومتابعتكم

تقبلوا تحياتي
-------------
استلم يالمبدع

البدو تقرح بطار البر لا منك طريته

-------- بعد حركت المشاعر وشتغل قلب الهواوي

موتري مبطي موقف تو ما غيرت زيته

--------- امش ونا في طرف سنجار يالمبدع حراوي

الاخوان الشعراء مطر وسرحان .. متابعتكم شرف ... الله لايهينكم


وصح لسانك يالصارم وبيض الله وجهك .. لاهنت ياذيبان .. علمك غانم .. والله اني ودي اواصل بس ظروف العمل .. الوعد قدام


تحياتي