وين الفارسه

ياصباح الخير والدعوى بنات في بنات
__________________ اقربي يالفارسه والله على الطاغي رقيب


اليالي لو تبسم ماعلى الدنيا ثبات
__________________ شعرة من راس لبوه وشعــــرة راس ذيب

حي الله فتنه
عدلي بيتش الثاني(من راس ذيب) ولا تهونين


يا صباح النور والدعوى على سكّر نبات


,,,,,, واقلطي يافتنه السكر نبي فوقه حليب



والليالي دبرة المولي قبول ومقفيات


,,,,,, ريشتين في جناح غراب لا يمكن تشيب



الفـــارســـه

سامعه لي علم والظن ماهوب الثبات
___________________ يبطي المسلم على الظن قلبه مستريب


العرب شافوا لهم ذيب لابس جلد شاة
___________________ مانقول الا عسى الذيب شمسه ماتغيب

فتنه علامش غيرتي الطاروق كله

هذا لحن غير الي بديتي فيه

لكن ما يمنع من الرد عشان مع الممارسه تقدرين تقضبين طاروقش


ما كذب من قال يا فتنه على شط الفرات


,,,,,, شفتها بالعين تزهمني لها صوتٍ عطيب



ان قسمتيها بقا من جرمها فت الفتات


,,,,, وان تركتيها تبي تفتن صحيبٍ من صحيب




الفـــارســــه

مالي قلب لكن اسمعي


فارسه والفارسه للخيول المسرجات
____________________ مير شلوها وحطت على غارب هديب


ابتلشتي والجرر مقبـلات ومقفيــات
___________________ بالاشاره وافهم العلم ياقلب اللبيب

روحي الله لا يعاقبنا تغطّي بالعبات


,,,,, تستر المطلوب لكن مايخش اللبس عيب



قصّي الجرّه ولكن لا توديش الفلات


,,,,, وابشري باللي تغنّي يا تصيب ويا تخيب


فتنه صح لسانك

حاولي تكثرين اللعب حتى تتمكنين من الطواريق

لش مستقبل ما شاء الله عليش

صح لسانش


الفـــارســــه

[طامح]

احتري تماسكن بالشعر ...




لا تسوين تشذي ...ولا تسوين تشذاك ...


بس والله كلامكن زينون...يعني حلون ...يالله غيروا الطاروق ...حشا ما صارت محاوره صارت عرض ازياء كل دقيقه مغيرين شكل ..



طـــا ـــح