المواصفا ت والشروط000 حسب المقاييس السعوديه

ودي بشاعر ٍ يفهم جمـــيع المعــاني /// في طريــــــقي يخاويني ويبذل جهوده


وسط سوق المعاني مشتهر بالسماني /// غير هــــــــذا تــراني ماتقبل ردوده

سلام عليكم 000 اسمع سمع

يا سلامي على سيـــف الحكم والغناني((0))داخل الملعبه ماشفــت شي ٍ يكوده
يا عساني على الهقوة معك يا عساني ((0))والا فاقبل من الجيد اذا جاد جوده


[تم تعديل الموضوع من قبل عوض_القرني بتاريخ 06-01-2001 الساعة 05:31 PM]

ارحب ارحب

مرحبا في حضورك يا سهيل اليماني //// عد ما لاح برقه ثم دندن رعوده


جيتك فرحتني واحدٍ من خــــــواني //// وكل علم ٍ يسر النفس فانته تقوده

اسمع اسمع










البقى يالصديق ومثلكم ما يهاني ((0)) غالي ٍ في صدوره غالي ٍ في وروده

انشد الطــيب واهله من مكان لمكاني((0)) وابذله في زماني واتحرى وفوده











--------
عوض

ياعوض تلها وامسك عنان الحصاني //// واعرف الجو يتقــلب حراره بروده

كـــان خطــك كتبته كان خطك لفانـي //// تبشر بــرده ولا زدت والله نزوده

اسمع اسمع





درهم الخيل يالسيف الصليط العماني ((0)) خيل دهما ً في الهيجا سبوقه هدوده

تدرك الفوت وتنال الظفر والرهاني ((0)) ما تراها العيون القاصره والحسوده










-------
عوض

جعل ربي يوفقنا طريـــق الحساني //// من تعاهد معانا مـا نخالف عهوده

وخيلنا تقطع البيدا رفاع وطماني //// وانت خيلك على قو الطراد امعدوده

اسمع اسمع








كلمتي من لساني حكمتي في قراني ((0)) منهج الحق وامشي فيه والزم حدوده


كل فارس ليا جينا يشد العناني ((0)) وانت خيلك في الميدان ما هيه شروده








------
عوض

يا عــــوض وقتنا هــذا ترى قلباني /// وانت عارفك رجل ٍ ما تراخا عضوده


اتشره على شخص ٍ عزيــز ونساني /// دون ذنــب ٍ جنيته وش سبايب صدوده

اسمع اسمع




ودي اعلمك علم ٍ عيانا بياني ((0)) ما تغبى حروفه ما تغبى شهوده


جعل منهو نساك يبين فيه الزماني ((0)) يالقلوب النظيفه يالقلوب الودوده











-------
عوض

جعل تسلم ولا يسلم ضعيف الكياني /// يــــــاوفي المواقف والخصال امحموده


جيت ابا جيه لكن عنه سلمي حداني /// قلت جعل الليالي يوم راحت تعـــــــــوده

وتصبح على خير يابو سعد


ونكمل غدا
الى اللقاء

اسمع اسمع




خوة الطيبين امثالكم في ضماني ((0)) يلتزمها من الزم بوه قبله جدوده


وسلم الاجواد واحد شام والا يماني ((0)) لكن الصاحب اشوفه يبيح سدوده










-------
عوض

صار لي مدة ٍ ياراعي الطيب اعاني //// ويوم جاله مجاله قلت نطلق قيوده


حسبي الله على اللي في عذابه رماني //// معه نفسي وفيه بس نفسه جحوده

اسمع اسمع







يابن الاجواد لو تنفع كثير المناني ((0)) كان حتى المصلي قالها في سجوده



ودي اني مع خلي واراه ويراني ((0)) لكن الوقت يا بو منذر ارسل جنوده











---------
عوض

يابن الاجواد لو تنفع كثير المناني ((0)) كان حتى المصلي قالها في سجوده


الله الله الله عن مية بيت يابو سعد


اشكر اللي خلقني واشكر اللي عطاني //// نفسي اللي كل الشدايد صموده


وانت قولك ليامــنه كتبته كفاني //// كنك التــاجر اللي ماتخلص نقوده