يسهيــل وينــك ؟

الشاعر سهيل اقرب لا هنت


يسهيل يسهيل وينك يا رفيع الجاه رد الخبر

من عقب موت السوالف يارفيع الجاه بقبورها


ما بيك تحفر على ما راح يا رجال راس القبر

مير انقض هروج بعض الناس كانك خابرٍ زورها



..................


خوي المطاليق


[تم تعديل الموضوع من قبل خوي المطاليق بتاريخ 05-30-2001 الساعة 05:41 PM]

الله الله

.. يا مرحبا والنقا مجرود والدنيا كفااح وصبر ** والميته ميته فأغيابهااا ياذيب وحضووورها



.. مانيب ألد النظر واللى كبر يوم المواقف كبر ** اترك وابترك عباااادٍ للسهوم تعرض انحووورها

[تم تعديل الموضوع من قبل سهيل بتاريخ 05-30-2001 الساعة 06:01 PM]

الله الله


العبره اللي لها مقصود جات تقول من يعتبر

اما كشفت الخفا والا حذفتك من ورى سورها


بيني وبينك دعاوي قرّبت خيطان صوب الخبر

ياعل عميان ذيك الدار ما تحكم على عورها


..............
خوي المطاليق

الله الله


.. الشبهه اللى لها مضمونها فى كسر ولا جبر
.. غنت وجابت لحونٍ ماعرفنا وزنت بحوورها


.. خلك من الهرج والتصنيف واخذ الشافى المعتبر

.. صاحى وواعي واقدر رفقتي ياذيب ما ابورها

يا قو باسك يا سهيل

استلم

جاك السبور المعنّى مير ليته ما لفا بالسبر

قلّع نيوب الذياب الفازعه لا يبتدي دورها


وان شبّروها يرد ذراع ابن صوفان عقب الشبر

عزّااه يا قوم شفت ذراعها ما توفي شبورها


............

خوي المطاليق

اخواني الشعراء خوي المطاليق . وسهيل الله يعطيكم العافيه على

هذا الطاروق الشيق ولكن ارجو دفن المعنى اشوي ( تراء على قول المثل ماخش في التنور يبدي على الضيفان)والسابقه تطلع بيدها


اخوكم حسن المسعودي

اخي المسعودي

شعار كبار

لكن ازيدك من الشعر بيت

ترا المحاوره كانت ضعف ماتراه

ولكن سياسة الحذف انقصت وزنها للنص




الفـــارســــه

اختي الفارسه شكرا على المداخله . وخوي المطاليق ’ وسهيل شعار
اكبار وانا اعرفهم زين ولآ يحتاجون للتزكيه

ولكن كلامي مجرد تصويب على هدف يابنت الحلال وهم يعرفونه وللمعلوميه\

انا واعوذ بالله من قولت انا . للي في هذا الفن مايدفعني للمداخله الجريه لماقضيت من العمر في هذا الفن


شكرا


حسن المسعودي