طاروق من مجلس النداوي بين كلٍ من الشاعرين حسين الحارثي وخولان بن عامر

السلام عليكم ورحمة الله وبركاتة

رب صدفةٍ خيرٍ من الف ميعاد

على غير وعد

تصادف الشعراء حسين الحارثي وخولان بن عامر في المجلس الصوتي

واليكم المحاورة

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حسين الحارثي
ياسلام الله سلامٍ غير عن كل السلامي=فيه تنتيف الشوارب ثم تقليع الضروسي
وين خولان ابن عامر شاعر الخمسين عامي=اشهد اني من زمان العام له حديت موسي

خولان بن عامر
مرحبا في مرحبا في مرحبا والحظ قامي = يوم شفت حسين جر صوت والعالم جلوسي
أدري أنك ياحسين الحارثي توك غلامي = بس حاول لا تجرحك الركب ولا البقوسي

حسين الحارثي
البقا ثم البقا بك والرجال اللي حشامي=وانت رجالٍ طموح وعلتك فكر وهجوسي
كان متعود على الابقاس مثلك مايلامي=لاتناطح والمناطح طبع من طبع التيوسي

خولان بن عامر
الحقيقه لو توكل لك على الدعوى محامي = الذهب عند التجر والورد فالبيت مغروسي
ياحسين الحارثي مانته من كبار الاسامي = ياهجوسي أسمحي له لو تعدى ياهجوسي

حسين الحارثي
المصيبه فيك من سن العصيمي والزلامي=درسوك العمر كله ما استفدت من الدروسي
احمد الله في طريقي والخُطا حسب النظامي=يوم بعض الناس راسه مال وتعدته روسي

خولان بن عامر
ابك حنا اللي دخلنا السوق يوم السوق حامي = قبل شعار الدعايه والتغطرس والفلوسي
وأنت مادري ويش عندك يالحجازي والتهامي = الله أنه لا يبارك في ضعيفين النفوسي

حسين الحارثي
مانذمك ياطويل العمر في وقت الزحامي=مير ياشاص البدو غطت عليك اغلا الجموسي
التهامي في دياره والحجازي له مقامي=والضعافه للضعوف اللي تطول فالحسوسي

خولان بن عامر
تدري ان شاص البدو يطلع طويلات القعامي = وانت ياجمس الحضر ماغير قرباع التروسي
كل ماحاولت ادور لي على تفاح شامي= طمخت الصندوق من لبنان واثر الصنع روسي

حسين الحارثي
انت جيبٍ منتهي يالله لعلك للعدامي=والجموس اليوم تصلح للجبال وللطعوسي
اثرك اللي دوم يتحلم ومات من الحلامي=مايشوف ولاسمع وش يقصدون به العسوسي

خولان بن عامر
ياحسين الحارثي كم رميةٍ من غير رامي=تحسب انها حلقة (ن) ابطالها فاتن وبوسي
والله انه مالعب في سوقنا غير الحرامي=والمطر ماجاب علمه للعرب غير العسوسي[/poem]

مشكووووووووووووووور

يابو جابر

بيض الله وجهك

بياض يشع مع كل ريع


لاهنت

اخوك

سهيرالليل

ياسلام

تابعنا هاطاروق على الهوى شعار وطاروق ممتع


تحياتي

لاهنت يابو جابر


لعله افتتاح مبارك وبيض الله وجهيكم كلكم على راس ابو ثامر