مرحبا ياخوي المطاليق

الاخ الشاعر /خوي المطاليق

مرحبا بك مراقب مرحبابك شاعر ضمن هذه الكوكبه الفريده
من الشعراء ويطيب لي ان اخذ معك محراف والمغذره تراني اغيب
عن الشاشه بعض الوقت لظروف العمل

مرحبا من ضميري مرحبامن لساني

كلها من صميم القلب والهجس عنا

كل الاخوه تبارك لك وترفع تهاني

الف مبروك منهم والف مبروك منا

[تم تعديل الموضوع من قبل سرحان الوذيناني بتاريخ 05-27-2001 الساعة 12:24 AM]

مرحبا والله ومسهلا يا سرحان هذا يوم السعد طال عمرك
لكن شوي شوي علينا يخوك

البقا بك وتسلم ياعريب المجاني

حي سرحان يوم انّه على الطرق غنّا


بارك الله فيك وكان به علم ثاني

هات مبداه واغنم فرصةٍ لك تسنّا


خوي المطاليق

استلم ياخوي المطاليق

بارك الله في رجل يصيغ المعاني

---------------- المعاني تسيس والمثايل تبنا

ياخوي السعد يالشاعر المرحباني

--------------- كن حاصل مع الاخوه تشره وظنا

الله الله

كان مات السعودي طاح راس العماني

وكان ون الكويتي زادت دبي ونّا


هرجة الزور يا سرحان وسط المحاني

فرقت شمل بعض الناس منّا ومنّا


خوي المطاليق

استلم ياخوي المطاليق

ترجم العلم وارخوي للاصيل العناني

---------------- الوفا في وطنكم والوفا في وطنا

كلمة الزور لاجت ماعليها ضماني

---------------- خلها فوق صاحبها تثنا تثنا

كان ودّك بعلم الجد خلّك وزاني

واطلق الشوف صوب الشامخ اللي تدنّا


راعي الجود جاب الضيف وسط المباني

وضيّع الضيف هاني عقب ضيعة مهنّا

خوي المطاليق

استلم
السوالف اليا طالت لها ترجماني

---------- والحسد شين لوهو ذيب يمديه اكلنا

علم اللي يبى شقر العصى الخيزراني

----------- ونصحه ياوسيع العرف لا يمتحنا

الله الله

ان نصحنا تصدد ما يبي ما يداني

ما بيرتاح لين يشوف حربٍ تشنّا



والله انّه سوات اللي يجر السواني

في مناحيه في روحه وجيّه تعنّا


خوي المطاليق

استلم ياخوي المطاليق والمغذره علي التاخير بسبب الانتقال

يازمان الشقى وش حصل المودماني

------------ طول عمره مشقى طول عمره معنا

من دعيته علي درب المراجل دعاني

----------- امش بالهون خل السالفه ترجهنا

الله الله

معذور طال عمرك

يبلش الناس من كلمة تراني تراني

صار بالهرج راسه ينطح انسٍ وجنّا


علم كايد نحبسه دون قاصي وداني

لو فتشناه راعي العقل خطرٍ يجنّا


خوي المطاليق

استلم

الجروح الجروح اقصاص والحق باني

-------------- كل عين بعين وكل سنن بسنا

اشطبو سيرته وقطع عليه الاماني

------------ مثل هذا فراقه عزنا ماحزنا

اسمع

ذمتي ما تحمّل وصف ظالم وجاني

مير كلمة سبورٍ دنّت القلب دنّا


لا رفاقه ولا ربعٍ ولا هم عواني

كلٍ بشورته لو حط في الكف حنّا


.........

خوي المطاليق

الاخ الشاعر / خوي المطاليق

المحاوره خذت حدها
وانت ماقصرت شاعر ياخوي المطاليق وانته غني عن شهادتي

شكرا لك والوسيمه الثانيه من عندك غير الطاروق

تقبل تحياتي واعجابي وشكرا لك من الاعماق

ياسلام عليكم



تراني متابعكم من البدايه بس ما حبيت اقطع طاروقكم



واصلوا