طرق جديد في النداوي.داخل السعوديه

اليله الشاعر ولد سفران...توه دخـل وسـط السـعوديه

غريب فالديره يبي فنجال...سبحـان رب البيت سبحـانه



مشهور ولا ولد ابـن شهران...والفارسـه والنيه النيه

ومافيه قاصر في هل الافعال...سبحان رب البيت سبحانه

لاهنت والله يا راعي الطاروق


ماهوب ليل وعندك الميدان ,, الشمس في كبد السما حيّه

اقلط ومن دون الوجار دلال ,, سبحان رب البيت سبحانه


قيل الفرس ما هي تضد حصان ,, تتلاه ماموره ومنهيّه

هات العلوم وشرّف المنزال ,, سبحان رب البيت سبحانه



الفـــارســــه

ياسلام عليكم

كبار كبار

واصلو يا مال الغنيمه ترونا نتابع

خوي المطاليق

اخوي خوي المطاليق اتشرف بحظورك..
.
.
.
.

انا ادري ان هاذي هروج لسان...والقلب صافي ميه بميه

والفارســه بنتً عـلى رجال...سبحان رب البيت سبحـانه



ترى الفرس محكومةً بعنان...والـي حـكمها فـيه ماريه

وانا اشهدانه صادقً من قال...سبحان رب البيت سبحانه

تسلم خوي المطاليق نتشرف والله


غلطان يا بادي الخطا غلطان ,, تمشي على درب الحراميّه

تراك صرت مطفف المكيال ,, سبحان رب البيت سبحانه



خلك على ما بان لك يفلان ,, لا تنطح الحسنات بالسيّه

بعض الغطاوي توزن الف عقال ,, سبحان رب البيت سبحانه



الفـــارســـه

الطير مايــرقى بلا جنحـان.....والعــلم واضحــتً معـــانيه

انا ادري ان العلم فيه امثال....سبحان رب البـيت ســبحانه




اعــوذ بالله والـعن الشـيطان.....قـدام لبعث فـيه برقـيه

جاهل وربـعه كلهم جـهـال.....سبـحان رب البـيت سبــحانه






[تم تعديل الموضوع من قبل ابن سفران بتاريخ 05-26-2001 الساعة 09:31 PM]

الطير والله طير ابن برمان ,, اللي لفا راعيه بالحيّه

الضايع اللي طاوع المرسال ,, سبحان رب البيت سبحانه


يا قصرنا يا ثابت السيسان ,, ما زعزعك حفر الحصينيه

واقصر قصيرٍ لقامتك ما طال ,, سبحان رب البيت سبحانه



الفــارســه

[شفق]

اعقبي يالفارسه

الطير والله طير ابن برمان0000000اللي لفا راعيه بالحيه


لا عاد ليلك صحيح

تجبرين اي شاعر محاوره على محاورتك

بن سفران

يا قصرنا يا ثابت السيسان 00000ما زعزعك حفر الحصينيه

تراك لا زلت قدام واصل والله معك

شفق الله يحيك تو مانور الميدان.



اشـوفها نــارً بلا دخـــان....والملعبه ذاليل ياميه

ومعاند الاجواد جاه جفال....سبحان رب البيت سبحانه



ياقصرنا ياشامخ البنيان....عزك على هـاذا وهـاذيه

يحرم على البواق والمحتال...سبحان رب البيت سبحانه

مرحبا ياشفك ومسهلا
ولو ان فيه كلمه ابرك من قولتك(اعقبي) لكن تشرفنا بوجودك



الذيب ما يقرب من الرعيان ,, ويشوفهم في كل عصريّه

وان قرّبو يرقى على ما طال ,, سبحان رب البيت سبحانه



اللي وطا الرمضا وهو حفيان ,, يدحم خويّه يبغي الفيّه

انذال بعض العالمين انذال ,, سبحان رب البيت سبحانه



الفــارســـه

الموضوع تحت

[تم تعديل الموضوع من قبل ابن سفران بتاريخ 05-27-2001 الساعة 12:27 AM]

الذيب سلطاته على المرحان...ويسـجها في روحه وجيه

والشك يابنت النشمى زال...سبحان رب البيت سبحـانه



في خاتمتها عدت للوطـان...ولا حصــل فنجــال بـريه

لكن ربحي فوق راس المال... سبحان رب البيت سبحانه

**************************************************
ههههههههههههههههههههههههههههههه
************************************************** *
الفارسه لا هنتي لاهنتي لاهنتي على تلبيه الطلب في البدايه

واستفدنا الكثير من معاليكم ((( معا اني تركت البيت الاخير منك والقلوب شواهدبسبب اني سوف ابدى هاليومين في دوره مغلقه لمده كم يوم ولنا ميعاد انشالله )))) والله لا يهين الي حظر وسمع ....تحياتي للفارسه ...ابن سفران

صح لسانك ولاهنت

يعلم الله اني العب وانا اتعلم منك

الي دمحته مهوب لك فديتك خله بيروح لراعيه

اللعب معك مكسب




الفــارســه

الحر تكفيه الاشاره
.
.
.
.
تحياتي للجميع



ابن سفران