سلامٍ يقضي الرجال من ديّانه الرجال .......!!

حسين معروف

حضور مثلك غالي والله الشاهد يالاصيل

ياهلا مليون وصح بدنك


بدر

مرحبا الووف يابنت ناصر

صح بدنك وتخيري في واحد من الصفوف وامسيكها


تقديري

البقا فيك مرره ثانيه
وتقبل الله من الجميع


[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا مدري من انت ومن ربوعك والوفا لك فال=ليا علمتني جتك الجزيله واسر ياساري

كبار القوم واجد يابدر مابين عم وخال=ومن يعط الاصيله جته اصيله واسرياساري[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا ربعي هل الكسرات من مبطي والى هالحال=وكل رجال ينظر في حصيله واسر ياساري
لمثلك والله اني ماسفطت الا قراح إزلال=ولكن مابقى لي فيك حيله واسر ياساري[/poem]


لاهنت ياحسين ولعب مع شرواك عز وشرف

الختام عندك يالاصيل

تقديري

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
نعم فيهم وفيك ولو قمركم لايزال هلال=لو انتم من رياجيل الجميله واسر ياساري


ولايهل المحطه بثكم ماوصل الارسال=وانا عزمت باذن الرب ازيله واسر ياساري[/poem]

صح الله لسانك واعلا شانك
وبيض الله وجهك
اخوك ومغليك
سهيرالليل

[poem=font="Simplified Arabic,5,blue,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
بدر غازي
سلامٍ يقضي الرجال مـن ديّانـه الرجـال=عدد مالاحت بروق المخيله واسري ياساري

انا شاعر وابي لي شاعرٍ مايخلف المـوال=وكل دربٍ يبى رجلٍ دليله واسـر ياسـاري

حسين الحارثي
هلا يامرحبا ترحيبةٍ تبقى عليك اعقـال=وتبقى نارها راس الفتيله؟واسرياساري

تقدم والجبال الشامخات الراسيات اجبال=ماحركها نسيمٍ هب ليله؟ واسر ياساري

بدر غازي
عسى تبقى وعقالي ياعميلي ماعليه جـدال=لكن الهرج في شيخ القبيله واسر ياسـاري

الا ياحسين علمني علام الحكم فيهـا طـال=نشوف الزير في عين الجليله واسر ياساري

حسين الحارثي
انا بتبعك واقص الاثر لو كان لـك مدهـال=على عدٍ درج ياخوك سيله واسر ياسـاري

ولايا بدر غازي يامسى الخيرات كيف الحال=ترا دربك عسر دور بديله واسر ياسـاري

بدر غازي
تقول ان المطر وارد ليامنـك لمحـت خيـال=ولكن مابقى شـئٍ تخيلـه واسـر ياسـاري

لزوم انه يعرف المخرج اللـي ودّه المدخـال=ومدام انه جهل قل وش يجي له واسر ياساري

حسين الحارثي
الا ياخوف قلبي لاتكـون التاجـر المحتـال=ومن هذي سواته ياحليله واسـر ياسـاري

بغينا فوق راس المال مكسب وين راس المال=ومشروعك غدا مابه عقيله واسـر ياسـاري

بدر غازي
الا ياحسين لاقلت إلك ابيك تحط لي المعدال=عسى مدتك ماهيّه بخيله واسر ياسـاري

نشدتك عن كبير القوم لا راحل ولا نـزّال=تكانفه الحلول المستحيله واسر ياسـاري

حسين الحارثي
انا مدري من انت ومن ربوعك والوفا لك فال=ليا علمتني جتك الجزيلـه واسـر ياسـاري

كبار القوم واجد يابدر مابيـن عـم وخـال=ومن يعط الاصيله جته اصيله واسرياساري

بدر غازي
انا ربعي هل الكسرات من مبطي والى هالحال=وكل رجال ينظر في حصيله واسر ياسـاري

لمثلك والله انـي ماسفطـت الا قـراح إزلال=ولكن مابقى لي فيك حيلـه واسـر ياسـاري

حسين الحارثي
نعم فيهم وفيك ولو قمركم لايـزال هـلال=لو انتم من رياجيل الجميله واسر ياساري

ولايهل المحطه بثكـم ماوصـل الارسـال=وانا عزمت باذن الرب ازيله واسر ياساري[/poem]