(( يالقعيمه جاك من بيته يجب العظام ))

ياسلام الله على اللي يردون السلام
..................................... والمعاني يالقعيــمــه فتحنــا بـــابــها
يالقعيمه جاك من بيته يجب العظام
.....................................والمعارك بيننا كشــرت عن نـــابــها

مرحبا ترحيبةً عـــد بـــراق الغـــمــام
.....والمعاني ياعميلي حسبــت حــســـــابها
اسمعوا هرج الصبي يارفيعين المقام
......الخطيه ياهل العرف ما نرضـــــا بـــها

الله الله




اسلم واستلم





يابن عمي جيت أبلعب معك حسب النظام
.......................................... والخطيه يالقعيــمــه وش اللــي جابـــها
غير مثلك يابن هادي نعــذره مـــا يــلام
......................................... شاعر وشعار ذا الوقت تنسى أصحابـها

كان عندك علم ياصاحبي شد الحزام
...... لعن ابوها لحيــــــةً ماتعز اشنــابــها
أكثر علوم العرب لا حلال ولا حـــرام
...... وكل ذودً ياعميلي نعرف نصــــابــها

الله الله





اسلم واستلم





والله اني خابرك محزمي يوم العسام
............................ تسلك الدرب الطويله ولا تشقى بها
ليلنا بيطول ياصاحبي مابه منام
........................... شبت النيران والنار من شبابـــــــــها

والله اني خابــــر النور جلاي الظلام
.......... والجزيله خابرك ياولد تزها بهــا
قسمنا ياسعود بن ناصر علو السنام
........ وكانها شبت عدانا ترا مانهابها



والله اني مشغول يالعماج فرصه طيبه وانشالله ان الجايات اكثر وتصبح على خير

لا هنت يالقعيمه






ونتلاقى على خير انشالله