اقلط يا سعد بن هيال 000000

الزميل القدير سعد بن هيال


دعوه الى محاوره مع شخصكم الكريم ان امكن


معتز قال الشعر والميدان يهل الملعبه//// والملعبه تفرح ليا حلوبها فرسانها


وين ين هيال السنافي للملاقــا نطلبه //// ترى الرسايل غالبا تفهم عبر عنوانها

ارحب مرحبا ملايين


أنا اتشرف باللعب معك انت وشرواك واشكر لك تواضعك بطلب اللعب معي. وآسف على التأخر لإاني ما فتحت الجهاز الا بعد المغرب .



أنا أتشرف بالذي شرواك والبي طلبه ^^^^^^ والملعبه ياصاحبي لا يختلف ميزانها


يا شاعر بيّن على روس الخلايق مذهبه ^^^^^^ يختار من جزل القصايد ذربها وسمانها



سعد

ارحب ارحب يا بو هيال

استلم لاهنت


الله يرفع قدركم يهل الفعول المعجبه //// سوق الفرس يا صاحبي وحرص لشد ابطانها


اللي يبا العليا ترى لازم حصانه يتعبه //// حقيــــقة ٍ عنــــد العرب كل ٍ شهد برهانها

اللي يبا العليا ترى لازم حصانه يتعبه //// حقيــــقة ٍ عنــــد العرب كل ٍ شهد برهانها


معتز
ابن هيال

الى الامام ومحاوره شيقه.

الاخ بن سفران حياك ياخوي

الأخ معتز استلم لا هنت


ياخوي تعرف صاحبك ما فيه داعي تجربه ^^^^^^ خابره لا جات المواقف واشعلوا نيرانها

يمشي على درب النقا ولا الردى ما يقربه ^^^^^^ ومن هان نفسه كل من جا له عليها هانها



سعد

ابن سفران هلابك

على تشريفك

استلم سعد


الغازي اللي يم دار القوم وجه مركبه //// بواخره وسط البحر تمشي بامر ربانها


لازم يخطط هجمته من قبل ياكل مقلبه //// لن الديار امحصنه من دونها شجعانها

الاستاذين القديرين : بن هيال ومعتز


شدوا الحيل ترانا في الصف والليل ساري






الله يعطيكم العافية

الاستاذ القدير


والشاعر الكبير

ابو حزام


يشرفنا تواجدك


تحياتي

ابو حزام يمسيك بالخير ومرحبا بك مليون .


الأخ معتز استلم .

لا كثرت الغارات صرت بموقفٍ يا ما اصعبه ^^^^^^ ودياركم يا صاحبي هدمت على سكانها

وما همنا اللي قاعد بالقاع يفتل بشنبه ^^^^^^ ضوّه طفت عوّد قعد يصلى على دخانها

طيب طيب

استلم سعد


الله يدره هالرجل يا مظفره يا مطيبه //// يبغي يحقق حاجة ٍ مضمون من حرمانها



السيف ابو حدين في يمناي ماسك مقضبه //// تبغى السلامه عانها تبغى القراده عانها

( الآن حمي الوطيس ) ولعي يانار في راس الفتيلة ولعي



حنا قطعنا الما عن اللي هاجموا والكهربه ^^^^^^ وقامت خفافيش الظلام تزيد في دندانها


أم المعارك قادها صدام والله خيبه ^^^^^^ واخوان نوره كتفوا يوم اللقا شيطانها




محبك / سعد

الله الله

استلم ابو هيال


صدام صدق فالمعارك مابه احد ٍيغلبه//// لين إنكب في نكبة ٍ وقــع على خسرانها


احفظ دروس الملعبه والباب لازم تقضبه//// لادندنت حنا هل الطولات في ميدانها

هلا معتز

استلم

المسألة ماهيب يا وجه السعد بالمنصبة ^^^^^^ واللي طغى تاليه يلقى عاقبة طغيانها


وبعض السيوف ليا بغيته في اللقا صار خشبة ^^^^^^ وارجوك خل علومنا اسفر لها كتمانها




سعد

هلالالالا ابو هيال
الله يمسيك بالخير


استلم

اللي بنا بيت السعاده ثم عود يخربه //// حقيقة ٍيعجز كبير العقل من نسيانها


واللي غزا هاك السنه ترى عرفنا مكسبه /// بعض البضايع يالخوي استر لها دكانها

يمسيك بالخير وحياك


يا خوفتي لو ان بينك انت والغازي شبه ^^^^^^ لكن مصيرك تنكشف لا ثار بك بركانها

واللاش ما الد النظر صوبه ولاني احسبه^^^^^^ مادام امنته وعوّد للامانه خانها




اخوك/ سعد