(( نخبه من محاورات النــــــداويه )) من غير ردود

السلام عليكم ورحمة الله وبركاته

هنا اخوانى الاعزاء

سيخصص هذا الموضوع للمحاورات اللتى تمت فقط في شيخ المنتديات النداوى بين شعراء النداوى الافاضل

وسيكون الموضوع للتصفح فقط

وارجو من الاخوه المشرفين المساعده في هذا الموضوع و الرجوع الى ارشيف النداوى والخروج بالدرر المكنونه


من محاورات اعضاء النداوى واضافتها الى هذا الموضوع اللذي سيسجله التاريخ يوما ً من الايام لهذا الصرح المبارك

وبسم الله وعلى بركة الله

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]

محمد بن حوقان @@شايع العيافي

بن حوقان
سرى الليل .. هات العلم .. وين انت يا مشهور=هذا الليـل عنـدي لـك علـومٍ علـى بالـي
الله يرحـم الحجـاج بـن يوسـف المشهـور=ويخلف علـى بغـداد .. فـي كـل الاحوالـي
العيافـي
هـلا مرحبـا وليالنـا مـن لـيـال الـنـور=يهـل الشهـر ويـبـن لعيـونـك هـلالـي
تحـب العيـون العمـي والا العيـون العـور=انــا كــل مابـرقـت جـريـت مـوالـي
بن حوقان
ليـا قـدر الله نلتـقـي والـزمـان يــدور=تراني وسيـع بطـان يـا الصاحـب الغالـي
اشيـل الحمـول الجايـرة وافهـق المحـذور=لا تقـرب حبالـي ثـم تلـوي بـك حبـالـي

العيافـي
انا اعرف جمـال الحمـل لا وقـف الطابـور=واظـن الجمـل زومـان بيـديـن جمـالـي
ياليتك يابـن حوقـان تسمـع نصيـح الشـور=قبـل تصفـق بدلـوك مـن الجـال للجالـي
بن حوقان
يوم انه بدا النجم الخضر .. قلت راح الجـور=وغنيت لـه بالصـوت مـن زيـن الامثالـي
لكـن الليالـي دائمـا تكـشـف المسـتـور=فرحنـا بـضـل ٍ مالـنـا فـيـه مقيـالـي
العيافـي
ترانـا عجزنـا لا نثـبـت سـنـام الـثـور=نقـول اعتـدل وليـا اعتـدل بعدهـا مالـي
عيـال الذيابـه ماتخـلـي بعـدهـا ســور=وضـان البـدو مـن حظهـا مالهـا والــي
بن حوقان
سقى الله زماني .. يوم كنت اشتغل هاااامـور=ابيـع اشتـري ... واعانـد النـاس بريالـي
وشف حالتي هالوقـت بيـن يـدي الدكتـور=بعد ضـاع مالـي ويـن ادور علـى مالـي ؟
العيافـي
صلاة استخارة والعوض فـي بنـات الحـور=مالك تحت نور الشمـس لـو ربـع مثقالـي
طريـق الفقـارى يلتـوي كـنـه البـاكـور=من الكسـب يالله ترجـع بـروس الأموالـي
بن حوقان
كبـر بحرنـا لكـن فاضـت عليـه بـحـور=وعـود يحاسبنـا علـى الـمـر والحـالـي
توكـل علينـا فـارس فـي يـده سـاطـور=يمـارس علينـا رغبتـه فـي خـلا خـالـي
العيافـي
محل الموالـك مـن جزيـل العطـى معمـور=بهـم ناقـل الحربـه عـن الفيـن خيـالـي
الى طاح حظـك مانتهـض حضـي المثبـور=لكـن خلـهـا تلـقـح وتاتـيـك بعيـالـي
بن حوقان
رقد .. عمي الطيب .. نهض... جدي المسحور=وردنـا وصدرنـا عـلـى كــل منهـالـي
مسير.. مخير.. ماانت فيمـا حصـل مجبـور=عيونـك علـى قحطـان يـا طيـب الفالـي
العيافـي
انا الآمـر الناهـي وانـا المنهـي المامـور=ولـولا الضمـا مـادار حبـلـي بمحـالـي
عسى المر مايطغي علـى السكـر المعصـور=اليـن اجلـس بجنـب بـن حوقـان بلحالـي [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]

خولان بن عامر @ وسعيد الحازبي
سعيد الحازبـي
سلام في صـرح النـداوي للبعيـد وللقريـب=ردية(ن) لا درهم المعنـى عريـب(ن) جدهـا
قولوا لخولان ابن عامر لا حضرنـا لا يغيـب=والمعضلات الكايدات انـا اشهـد انـه قدهـا
خولان بن عامر
اعداد ماغرد بـه القمـري وغنـى العندليـب=يامرحبـا ترحيبـةٍ كـن النـدى فـى خـدهـا
خولان بن عامر حظر ولاحظر شـي غريـب=على الوفـاء يالحازبـي مـد الكريمـة مدهـا
سعيد الحازبـي
اما كـذا ولا كـذا والله علـى خلقـه رقيـب=والناس لاهلحين ماعرف مزحهـا مـن جدهـا
عجز المداوي والدوا والطب في الجرح العطيب=والسالفـه ياصاحبـي خـولان باحـت سدهـا
خولان بن عامر
ياكبرها ياعبرها بيـن الخطـاء ولا المصيـب=الهجمة اللـي شاتهـا ماجـد ولا حـدٍ صدهـا
الجرح ما حصل يابـو ديـه دواى ولا طبيـب=اللـي نقـل لـه كلمتيـن جابهـا ثـم ردهـا
سعيد الحازبـي
ان صار فيها ياوسيع المعرفـه شك(ن)وريـب=امـا انتبـه ولا انتبـه ولا فـمـر وعـدهـا
خابرك ياخولان في الشدات حـلال الصعيـب=وعـدك تعـدا حـروة الطيـب وعـدا عدهـا
خولان بن عامر
انا ادري ان شيبك غزى راسك قبل حل المشيب=والله ما الومك مير هد افكـار راسـك هدهـا
اخلص وكثر في الدعاء ربك كريـمٍ يستجيـب=والعين عن بعض الامـور اللـي تشـره لدهـا
سعيد الحازبـي
انا اتعجب منك ياشهم النبـا وامـرك غريـب=وام اليتامـا ملقهـر قامـت تفـطـر كبـدهـا
لكن تراها مثل ماقـال المثـل حـظ ونصيـب=وانته يابـن عامـر تزعلهـا وتكسـب ودهـا
خولان بن عامر
انا ادري ان شيبك غزى راسك قبل حل المشيب=والله ما الومك مير هد افكـار راسـك هدهـا
اخلص وكثر في الدعاء ربك كريـمٍ يستجيـب=والعين عن بعض الامـور اللـي تشـره لدهـا
سعيد الحازبـي
انا اتعجب منك ياشهم النبـا وامـرك غريـب=وام اليتامـا ملقهـر قامـت تفـطـر كبـدهـا
لكن تراها مثل ماقـال المثـل حـظ ونصيـب=وانته يابـن عامـر تزعلهـا وتكسـب ودهـا
خولان بن عامر
ماني وانا خولان بن عامـر بغـدار الصحيـب=الاجـواد نكتـم سـدهـا ولانبـيـح سـدهـا
انا اخبر انك نمـر لكـن تالـي الايـام ذيـب=والناس لطابت فانا ادري ان طيبها مـن جدهـا
سعيد الحازبـي
ياذيب ياللي كل ليل لك علـى المرقـب قنيـب=شيمتـك غـدر النـاس ونيابـك وراك تحدهـا
وان كانها بالفهـم والحكمـه وبالعقـل اللبيـب=فانتـه يابـن عامرتجيـب السالفـه وتـردهـا
خولان بن عامر
الحمـدلله مامعـي فيكـم قريـب ولانسـيـب=عندي صقور لابـدا المقنـاص قمـت اهدهـا
ولا انت في وقت اللوازم وش تودي وش تجيب=شفـرة يمانـي ذيلهـا متمكـن مـن حدهـا[/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=0 line=0 align=center use=ex num="0,black"]
خولان ابن عامر.......مفرح ابن بداح
خولان ابن عامر
يامفرح بن ابداح لو تسمح تعال=بيني وبينك عِلم ياشاعر سبيـع
اصرف ذهب ياللي تبيع وتشتريه=العمر يفنـى والليالـي دوبهـا
مال الحمول الكايده غير الجمال=والمعرفه عند النشاما ماتضيـع
المشكله في اللي من المعنى يتيه=والعمر يفنى والليالـي دوبهـا
مفرح ابن بداح
خولان بن عامر من كرام السبال =حسب الطلب جينا وحلم الله وسيع
يا حبني للـي كلامـه يحتميـه =والعمـر يفنـى والليالـي دوبهـا
اللي لهم في الوقت حيله وأحتيال =لبد يرضونك ويرضـون الجميـع
ولا يشكك في العلوم إلإ السفيـه -=والعمـر يفنـى والليالـي دوبهـا
خولان ابن عامر
العذر هذا اللي تقوله مايقـال=ياخوفتي يلحقك مشرووهٍ وريع
وانت يابو نواف لك راي وجيه=والعمر يفنى والليالي دوبهـا
خليتني بين الحقيقه والخيـال=بين الصحافه والاذاعة والمذيع
امـا كـذا ولاكـذا ولاكذيـه=والعمر يفنى والليالي دوبهـا
مفرح ابن بداح
وراك مستعجل كذا يابـن الحـلال=أصبر علينا وأبشر بحسن الصنيع
الحرص وش سوى مع أدم يا نبيه=والعمـر يفنـى ولليالـي دوبهـا
اليا وصلك الفـال يقفـاه العقـال=لكن لا تحرص على الرزق السريع
زعلك يا خولان بن عامر ما ابيـه=والعمـر يفنـى والليالـي دوبهـا
خولان ابن عامر
يامفرح بن بداح طال الوقت طال=لاشجرة خضراء ولانـوة ربيـع
واللي كذا ترى العرب تشره عليه=العمر يفنـى والليالـي دوبهـا
ان كان هذا الفال ياكثر الجـدال=اهل المزارع والعمائر والقطيـع
خمسة عشر دولار ماتسوى جنيه=والعمر يفنـى والليالـي دوبهـا
مفرح ابن بداح
دنياك هذي في نـزولٍ وأرتحـال=مرً وراى المكسب ومرّ من الرجيع
واللي سواتك للسماء يرفـع يديـه=والعمـر يفنـى والليالـي دوبهـا
النصر والاهلي والآتـي والهـلال=أولى من اللي شنته تقـرع قريـع
انت بـدويٍ مخـره جـده وأبيـه=والعمـر يفنـى والليالـي دوبهـا
خولان ابن عامر
مابغاك تشرح لي سواليف طوال=اختار من الثنتين تشري ياتبيع
ولاعطيتك بدلتك هي والبرييـه=والعمر يفنى والليالـي دوبهـا
المعرفه والعرف تبقى راس مال=ولا اللكاعة دايم عرف اللكيـع
مانعرف الاتي ولانعـرف بليـه=والعمر يفنى والليالـي دوبهـا
مفرح ابن بداح
ابيع وأشري والفت انظار الرجال=بالعرف والمعروف والقدر الرفيـع
ومن لا يعرف الصقر قال بيشتويه=والعمـر يفنـى والليالـي دوبهـا
انت الذي تحرص على مس الحبال=وتقول انا يا ناس رجـالٍ شجيـع
لكـن مـن لا تقـدره لا تنتويـه=والعمـر يفنـى والليالـي دوبهـا
خولان ابن عامر
يامفرح بن بداح مال الشد مـال=ياليت ابو عمار ما وكـل قريـع
الله يبيض وجه بيضان الوجيـه=والعمر يفنـى والليالـي دوبهـا
انت تقـول الشـر زال ولايـزال=بين الرجاء والياس ياعبد السميع
جاك الخبر الاول وجاك اللي يليه=والعمر يفنـى والليالـي دوبهـا
مفرح ابن بداح
تبغا الصراحه مـال وانهـى بعتـدال=لا وا وجـودك وجـد شالـح للفديـع
لا جات من علوى وش تسوي ( بريه)=والعمـر يفنـى والليـالـي دوبـهـا
يا ذيب لا تقنب علـى رؤس الجبـال=حتـى ولونـك مـن الدنيـا مجيـع
ذبحك ترى راع السـواري محتسيـه=والعمـر يفنـى والليـالـي دوبـهـا [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]

حمد السحيمي @@ فالح الشلوى
فالح الشلوي
ياسلام الله سلام ٍ للسحيمي في محلـه=وياسلام الله عليكم ياجماهير النـداوي
ياحمد تبشر بسيف مذهب وفنجال دله=واشهد انك يابوثامر من بعيدين الهقاوي
حمد السحيمي
مرحبا ترحيبة تروي الكبود المضمحله=جيتك ياصاحبي عندي من كبار المناوي
كان فالح بشّر بعلـم سميـن الله يدلـه=خابره شاعر ومن قوم يحلون الدعاوي
فالح الشلوي
الهدف مركوز قدمك وانتبه رميـك يزلـه=وان غطاك الليل جاك الذيب ياذيبان ضاوي
يابوثامر مـن عقـد للحبـل لابـده يحلـه=والقلوب اللي مريضه مالها طب ومـداوي
حمد السحيمي
السحاب اللي من القبلـه مزونـه مستهلـه=حن رعاده على الحـرّه وبراقـه سنـاوي
شفت صورة صاحبي فالح على ظهر المجله= بس ما ادري محترف والا على ماقيل هاوي
فالح الشلوي
انت شاعر لك حضور وكل علمـي فاطنلـه=ومشكلتك انك تناسا في الصياح وفي العزاوي
ياطويل العمر ميز في النجـوم اللـي مطلـه=وانت اعرفك ماتطيح الا على الارض متساوي
حمد السحيمي
علمك اللي تدعي عارفه انـا دقـه وجلّـه=والمشاكل ماوراهـا الا مناقيـد وبـلاوي
لو نميز فالنجوم اللـي تبـاري لـل اهلـه=شفت لي واحد ورى الثاني يجي للقاع هاوي
فالح الشلوي
الخـوي الطيّـب نحبـه ورفقـه مانمـلـه=والردي حضه تردى وبين خلق الله شقـاوي
المشاكل ماتجي الا ان كان في الموضوع خله=العن ابليس اللعين ولاتطـاوع كـل غـاوي
حمد السحيمي
ياعسى فيك الشجاعه ياعسى مافيك ذلّه=لا دحمت القوم بالجنبين لاترحم وتاوي
الجنابي ما يميزها سوى مقضب وسلّه=والله انه يرحم شليويح وبخيت العطاوي
فالح الشلوي
طيرشلوى شامخ وغير النداوي ما نزله=يمكن يخاويه ولافيه مدري ويش ناوي
الله انه يرحم ابن هريس في ايامٍٍ مضله=الغنائم فادها مقبول مردودٍ وحـاوي [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
سعيد الفهرى @@ ابراهيم الشيخي

سعيد الفهري
ياسلامي سلامً منزله فالسماء=المجره تزاحم فيه بنجومها
ياعسانا ما نارد عد ما فيه ماء=لو تبل المطيه نص حلقومها
ابراهيم الشيخي
بالنيابه هلا من دون كيف ولماء=عن رجالً نشاما تعرف اسلومها
انت تارد على عدً يبيح الضماء=تشهد الناس حاكمها ومحكومها
سعيد الفهري
جعل عين تضلك بلغلط للعماء=ابتلش فيك خادمها ومخدومها
لو تشد العصب والا تفور الدماء=القحاطين واصلتك وباسهومها
ابراهيم الشيخي
لا تسب الهدف والرامي اللي رماء=اهل بيض النوايا تظهر اعلومها
ياقحاطين لو جيتوا في حول الحماء=اهجدتكم صقورً فالسماء حومها
سعيد الفهري
ربما انك تعود لمرجعك ربما=لين تصدر عليك اسليم مرسومها
لا تحرك لسانً لاصقً فالجماء=ثم نصحي عيال ابليس من نومها
ابراهيم الشيخي
انت تحكم وتخطي والرجال احكماء=لا تخل العرب تخرج من هدومها
سادة القوم ما تحسب حساب النماء=طالما يحمي الوقفات زيزومها
سعيد الفهري
من تعود على حفر الحفر ماسماء=والمسيكين امه زود اهمومها
كان تبغى السطوح استخدم السلماء=لين تعرف جبال الأرض واحزومها
ابراهيم الشيخي
طالما بيتك من أقزاز لا ترجما=عينة الشرق فوقك دنة اغيومها
بارك الله في منهو حماء واحتماء=ولعنبوا ساعة الفتنه ابو يومها[/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
حمد السحيمي @@ وسعيد الحمالي
حمد السحيمي
مرحبا ترحيبة واللعب لـه لعابـه=قلتها والوقت ياشعار دوبه دوبـه
الحمالي شاعر كل يحسب حسابه=ويش رايه بعد مالبس النداوي ثوبه
سعيد الحمالي
البقا بالشاعر اللي له جنـاب ولابـه=وبيتٍ مشيد علي المعروف طوبه طوبه
السحيمي للعـلا دايـم يحـث ركابـه=والنداوي زاهـيٍ بالحلـه المرتوبـه
حمد السحيمي
دام عزّك يارفيع الـراس ابـو جلبابـه=انت رجلٍ عارفٍ طيبه وأعرف ادروبه
لو نشدتك في خطاب الشيخ ويش إعرابه=قلت هـذا مبتـدأ فـي جملـةٍ مقلوبـه
سعيد الحمالي
وش مصير السيف لولا سلته ونصابه؟=العصا تثلمه دام ان هيبتـه مسلوبـه
لا تنشد وأنت راعي العلم وأنت أدراا به=رابيٍ في نجد منته مـن بـلاد النوبـه
حمد السحيمي
لاتعد السيف ياللـي تنقلـه بجرابـه=ماذكر له فعل كود الغزوه المنكوبـه
ان ومنّا حضرتك صرت أول النهابه=مادريت انا كشفنا الخزنه المسلوبـه
سعيد الحمالي
سيفي اللي يوم أحطه بيّنٍ مضرابه=ما يذمه غير رجلٍ قصته مكذوبـه
كيف تامنّي ونفسك ياحمد مرتابه=كل يوم وكل ليله خزنتك منهوبـه
حمد السحيمي
غرّ تِك نفسك وشور العالم النصّابه=طيعني قصر علومك لاتصيرأعجوبه
لو كشفنا سرّك اللي ما يقفـل بابـه=رحت لاهذي ولاهذي وقلت التوبـه
سعيد الحمالي
أنت مثل اللي سبر للقوم فـي مرقابـه=وما معك غير الصياح وناقتك محلوبـه
السحيمي ما خبرته يومـي بمشعابـه=غير في وجه الرفيق اللي عرف ماجوبه
حمد السحيمي
ماخبر حي على عمّه يمـس اشنابـه=وانت تلعب لعبةٍ من قبلكـم ملعوبـه
أثرك اللي لا لقى احبابه نكر فاصحابه=باعهم بيع السلع لاروحـت مجلوبـه
سعيد الحمالي
ماخبر تيسٍ على السرحان سن أنيابه=كل واحد مختلف في منهجه واسلوبه
ياحمد تالي زمانك طحت وسط الغابه=وأنت رجل ما تداني كلوتك معطوبـه
حمد السحيمي
الله اكبـر يازمـان العالـم الكذابـه=وان نشدنا عنه ما قالوا ياكود الكوبه
ياعشيق البرتقالـه سكبتـك جذابـه=ضاعت علومك مع الدلوعه الرعبوبه
سعيد الحمالي
للسفن ربانهـا والخيـل لـه ركّابـه=ولو طفت ضوّ الهداني ضوّنا مشبوبه
لو خنقتك يالسحيمي ما تقول الجابـه=ومن يبور بصاحبه لا يامن من الحوبه [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=0 line=0 align=center use=ex num="0,black"]

حمد السحيمي @@عريمان السبيعي

حمد السحيمي
يامرحبا حييت ياعريمان=نـداويٍ بيـن النداويـه
قالو لي انك شاعر بطران=قلنا نجرب معـك رديـه
عريمان السبيعي
دام البقاء يامزبن الضيفان=ياربعنا اللي نارهم حيـة
لاوالله ألا زان علمك زان=أبشر من عريمان عيديـة
حمد السحيمي
الله يديمك يارفيع الشان=يالشاعر اللي نيتك نيـه
عيديتي شوفتك ياكحيلان=ياراعي الروحات والجيه
عريمان السبيعي
علم الحياء والطيبين يبـان=تشهد قطر وارض السعودية
الله يديم البيـت أبوعمـدان=لاجوله العربـان طرقيـة
حمد السحيمي
اتعبت رجلك تنشـد العربـان=يالله عسـى حاجتـك مقضيـه
قبل امس من بين المعز والضان=واليوم فـي صـف الشريطيـه
عريمان السبيعي
دون الولي ماصكت البيبـان=مادامها فـي يديـه مرجيـة
ماني مع ظروف الزمن بلشان=ولاني بنادب فيصـل العيـة
حمد السحيمي
جاب الخبر لي صاحبك سلمان=شافـك مـع شلّـة حراميـه
لاتحسبنـك شاعـر السبعـان=ياللي وطيت الـداب والحيـه
عريمان السبيعي
الظاهر انك ياحمد غلطـان=لاتنشبون فـلان ووخيـة
جيتك وانا ياصاحبي ظميان=أندب عرب قحطان كليـة
جمد السحيمي
ماتنفع الحجه بلابرهـان=والسالفـه ذالليـل مقفيـه
افلان مدري وش يبا بفلان=يمكن تكون أخبار سريـه
عريمان السبيعي
ترى العور كبتن مع العميـان=يشوف كـل الطـرق ملويـة
ردد لحن وضحى وابن عجلان=ألفين بيـت(ن) فيـك مرثيـة [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
الدعوجى @@ ومضواح بن شتوى
الدعوجى
ياخناذف ياخـناذف جاوبوا صوت المنادي = المنادي من شبابه والشبابي تعــــرفونه
الشجاعه راس مالي والوفا شربي وزادي = والكلام اللي بنيته في ضميري تسمعونه
مضواح بنشتوى
ياشبابه ياشبابه حسب ظني واعتقـادي=حسب مانسمع من التاريخ واللي يذكرونه
من يغير في التواريخ القديمه والجـدادي =يلحقه يالدعوجي لوم ومشاريه ومهونـه
الدعوجى
حسب ظنك واعتقادك واجتهادك واجتهادي = امش يامضواح والعب والخطر لا تقربونه
القياده في يدي وانت اتبع الرجل القيادي = خل حبك في ذراه وخل زادك في صحونه
مضواح بن شتوى
يالشبابي لاتراوغ تحسب الموضوع عادي=تحسب ان الوضع قافٍ يالعصيمي تازنونه
من يحط اذنه ويتوحى بها من كل رادي= تصمك اذانه ويمكن بعدها تعمى عيونه
الدعوجى
مانغير فالنصوص ولا نغير فالمبادي=اذكر الله واشكره والراس ثابت في متونـه
وان حصل شي بسيط استحمله كب العنادي =طبع فيكم كل شي من يمّنا تستحملونه
مضواح بن شتوى
بعد ماعدلتها يالدعوجي وين انـت غـادي=انت مدري جيت راس الرجم ولا جيت دونه
اثرحبك للقشـر حـب المجاهـد للجهـادي=جابك الله في يدي ياشاعر تقـرع سنونـه
الدعوجى
الحقـــــيقه مابغيت ازعلك ياحبة فؤادي = الصديق اللي كماك احرص على وده واصونه
القشر ماهو بلي هذا الكلام اللي وكادي= وان لقيت الوعـل ابو قــــرنين اكســـر له قرونه
مضواح بن شتوى
كل ماحاولت اخوض البحر وان البحر هادي=والبحر ماهو بهم ٍ عنـد نـاس يسبحونـه
ينثني غصن الشجر لاهب نسناس البـرادي=كل ماهبت نسانيس الهوا مالـت غصونـه
الدعوجى
يشّر الرامي على المرتين من راس الزنادي =الســـــلامه طيبه ياهاجسٍ كثرت شطونه
البحر ياصاحبي مضــــــواح ياغاية مرادي=البدو وقت الخطر من هيبته مايشرعونه
مضواح بن شتوى
حظ نادي(وج) عيا يعتلـي بيـن النـوادي=لاتطـور مستـواه وكـل يـوم يهزمونـه
الغريب انك تصفق للنصر وانت اتحـادي=من يلومك في النصرجعل الخناذف يذبحونه
الدعوجى
طاب فالك وش طرالك صرت فالمشي امتحادي = ما ابتلش مجنون ليلي غير ليلى فى جنونه
ياحلــــيل اللي يفرق فالبياض عن الســـوادي = والســهر يتعب عيون الرجل وينفخ جفونه
مضواح بن شتوى
وانت فالك ريح عود وريح مسك وريح كادي=وادري ان سوق الذهب ماداج فيه الا زبونـه
انت تاجر بس في تالي الزمن صرت اقتصادي=والسبب تبغى تبيع وتشتري فـي كـل مونـه
الدعوجى
يابن شتوي في ظهر سمحان مشدود الشدادي=وان كسرنا عظم ساقه كيف بالله تجبرونه
العقـــــول الراشده تمشي على در ب الرشادي = والــرجل لن واجه الرجال لا يخلف ظنونه
مضواح بن شتوى
الجمل سمحان لو نطلقه وإنحل القيادي=قام يعثي في الدياروتاليتها ينحرونـه
لاتخيل بارق ٍ ماهد سيله كـل وادي=البدو ماتنزل الا في كـان يمدحونـه [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
حمد السحيمي @@والدعوجى
الدعوجى
ياسلام الله عليـــــكم عد من صلى وصامي =من هجوس الشاعر اللي كل طاروق يجيبه
السحيمي قال انا ناويك في قاف عصامي =مار اظـــنه ذل والذله على مثلــــه غريبه
حمد السحيمي
مرحبا بك يالمسلم عقب رديت السلامي=يالرفيق اللي تهددني ونظراتك عجيبـه
السحيمي قالها لك والفشق ملي الحزامي=قلتها وأعيدها لك دون شك ودون ريبه
الدعوجى
البقا ياشاعر في ماقفه حـــــــر قطـــامي =مار من زود القرامه طاح في جوف اللهيبه
كان ترمي بالفشق غيرك من العربان رامي = رميته بارادة الرحـــمن في قلب الضريبه
حمد السحيمي
ماعليكم زود واسمك فارقٍ بين الاسامي=دعوجيٍ طلباني مارضينا لـك غليبـه
لاتحرم فالحلال ولا تحلـل فالحرامـي=منت شيخ ٍ يالعصيمي فالفتاوي نقتديبه
الدعوجى
دام راسك ياجمل قحـطان موثق بالخطامي = ماعلينا منك لو تهــدر وعمانك عتيــــــــبه
يالشمالي جايك اللي جاء بناخيك التهامي =مالك الا السم الازرق في حلا التمرا الربيبه
حمد السحيمي
دمعةٍ جوف المحاجر جرحها ساطي ودامى=يإن ذرفتوها مصيبه وان تركتوها مصيبـه
لاتطير فالبدايه قبل ما اعطيـك الختامـي=وان تذكرني ورمحي بالسوابـع والتريبـه
الدعوجى
انت ذابحك الهوى والا معنـــيك الغرامي= يامدور للعشــــا ذيب الخــــلا يقنب قنيبه
جدك الله يرحمه قفى وهوجيعان ضامي = وانت مالك غير قبر العود مركوز النصيبه
حمد السحيمي
قسمنا يالدعوجي مماحصل راس السنامي=علّم القوم البعيـده علّـم القـوم القريبـه
وسم جدي تعرفه واسمه من كبار الاسامي=ومن تناسا فعل ذالك العود ياربي حسيبه
الدعوجى
مالكم قســـــم يسمى لاسنام ولا مسامي = ان رضيتوها بطيبة نفس والا بالغصيبه
كان ماتدري ترى لك ميسم فالنار حامي = اصبر ايام وليالي لين حتى تكتوي به
حمد السحيمي
يا عصيم اهل التجاير يا مسحرة الصيامي=ماهضم قسم الذيابة بعبعة تيس الزريبـه
ادري ان الشيخ منا فالخوال وفالعمامـي=وانت في ظل البقوم تنفض شراع الغليبـه
الدعوجى
ماتجرنا غير فيكم يامشرعة الخيامي =وانت اظنك واحد من اللي سحوره جوف جيبه
البقوم اللي تصور خلفهم مثل الحرامي=مار جــــــــعل الله يبارك للخطيب وللخطيبه
حمد السحيمي
يالعصيمي لاتجادلني بعد تسعيـن عامـي=انشد شليويح وابن فهيـد وكبـار الكتيبـه
ضاعت علومك وانا ماجبت لك باقي علامي=مدتك روس ا شهران وصار للأطراف هيبه [/poem]

[poem=font="Simplified Arabic,4,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
شايع العيافي @@ وعبدالله بن عتقان
شايع العيافي
سلام رديه تعـم الحاضريـن مـن الرجـال=وان خصت السلمان ما يحتاج والمخرج ملي
انا مسوي لي من اهل العرف ربح وراس مال=يارب ترفع لي درجاتـي وترضـى بعملـي
عبدالله بن عتقان
يامرحبا ترحيبةٍ ترقى على روس الجبال=بالشافعي والحنفي والمالكـي والحنبلـي
المعرفه بين النشاما عز مافيهـا جـدال=منهاج ياشايع من ايام الزمـان الاولـي
شايع العيافي
اليا نوينا مايشيـل حمولنـا غيـر الجمـال=مير اوردي يالشارده وان ساعف الحظ اقبلي
ياسليم يا طول الصبر معكم ويا قصر الحبال=واقصى دعاوينا عسى ضيم الليالي ينجلـي
عبدالله بن عتقان
بعض الحمول اهوينه والبعض الأخر ما تشال=واللي عجز عنها محمد مـا يوصلهـا علـي
اللي يبا يارد على هداج يشـرب مـن زلال=واللي يبى حربٍ ضروسه فيه نـارٍ تصتلـي
شايع العيافي
اليوم يمشي من شروق الشمس لاوقت الزوال=والكسب يفرق يا سنام شعيل ياقـرن الطلـي
هداج عد فالشمـال يكودنـا يابـن الحـلال=والنار لو تالع نزلنا غصب في ساحـل بلـي
عبدالله بن عتقان
كم واحدٍ يمشي سنين من الجنوب إلى الشمال=يروح قحطاني ويرجـع فالنهايـه عبدلـي
عشره فناجيل أجمعوها أصحابنا وأربع دلال=وتوزعت بين الجماعه عند ميحـات الدلـي
شايع العيافي
قلنا الجبرتي مات واثر الله مورث له عيال=لكن ماشفنا بهـم واحـد نبـيٍ مرسلـي
علم يقال وعلم اظنـه لايـذاع ولا يقـال=دام السحيمي معك ربع الله يعين المبتلـي
عبدالله بن عتقان
أشدادنا فوق الجمل وقتٍ قديـم ومايـزال=اليوم وألا من على أيام الزمـان الجاهلـي
شايع من السرعه توسط بين جايز وإحتمال=لكن يابركـان ثـور ويابسيطـه زلزلـي
شايع العيافي
ياكثر ماوحينا المواذن ميـر ماتشبـه بـلال=وبلال في عصر الصحابه لاشبيـه ولا حلـي
نصف الشهر ولاّ ونصفه يحتري شوف الهلال=اما اضلمينا ياوجيه احظوظنـا والا اعدلـي
عبدالله بن عتقان
يازينها لو راعي الهرجه يحصل له مجال=افضل كثير شوي من قولة فلان مجملـي
الله واكبر يوم ياشايـع تحسـب فالليـال=ياعل خالي مطلع فحوى الكتاب المنزلي [/poem]

[poem=font="Simplified Arabic,4,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
حسين الحارثي@@مطر العضياني
حسين الحارثي
سلام الله على استاذنا في ماض الايام=عدد مالاح برق السحاب وهل مايـه

تقدم يامطر واعتبر من وضع صـدام=ترا ماكل رجلٍ قـدر يبحـث خفايـه
@
مطر العضياني
هلابك يالمسلّم عدد ذرات الأنسام=أعلمك القرايه وهذا هو جزايه

انا مانيب يالحارثي عبّاد الأصنام=تبا تبطي يابو زيد ماتلحق مدايه
@
حسين الحارثي
يدوم الك البقا مير لاتخدعك الاوهام=ترى المغرور ماتقنعه حتى المرايـه

انا مسلم و ديني من اول دين الاسلام=ولاني يالعتيبي مسوي لـي سوايـه
@
مطر العضياني
أشوف الحارثي غرته يالربع الأ حلام=يفكر عقب مافطر يبي يسرق عصايه

نصيحه لا تزرفل ورا صيحات الأعلام=ترى الميدان ماهو مثل فرض الكفايه !
@
حسين الحارثي
ترا بيض الصحايف عماها شوف الاقلام=وانا لامن كتبت ابعضهـا هـو دوايـه

ولايافارسٍ ماظهر من ماض الاعـوام=وهالحينه ظهر حامـلٍ للحـرب رايـه
@
مطر العضياني
انا معي القلم وأكتب بصفحتك يا غلام=نجاح حسين من عقب.... ماحقق منايه

احمل أسيوفنا اللي صداها ياصل الشام=ذخاير لابتن فعلها فالوقت / أأأأأأأيه
@
حسين الحارثي
ياكبر الفرق بين الحكي وافعولٍ اجسام=ياراع الضايعـه ماتنقـص مستوايـه

انا ماذم ربعك رجال اقروم واحشـام=لكن ربعي خذوهم من الماضي شوايه
@
مطر العضياني
عسى الله يستر الناس ياهل الناس بالخام =قبل لا يزعل حسين ويطش... العبايه

متى خذتوا عتيبه تكلم قبل لا نام=تكلم كان عندك على الدعوى درايه
@
حسين الحارثي
عسى من لامني فيك في شرواك ينلام=يالّباس العبي ياعسى روحـك فدايـه

خذيناكم بواد الرشاء وإقيا؟ لنـا رام=وياكثر البراهين باقـي لـك معايـه
@
مطر العضياني
قبل لا تكذب امنول أنتم مثل الأ يتام=من شيوخ القبايل على الحرث وصايه

ولا لك بندقيه ولا في كفك أحسام=كذا عشتوا ومتوا تحت رجوى عطايه
@
حسين الحارثي
انا مااحسبك تجحد فعايل تاج ووسام=لنا بين القبايل لكن منجـوم تايـه

غديتو من فعل ربعنا ياعتيبه اقسام=وصرتو شارةٍ للبنـادق والرمايـه
[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
محمد بن ردعان@@سعود العبدلي
محمد بن ردعان
انا ما عرف ألا سعود الله يبارك في سعـود = وان قالوا اي سعود قلت اعني سعود العبدلي
ياقف على راسي ويومي فوق راسي بالعمود = يمسي وهو مرتاح باله مير يصبح مبتلـي
@
سعود العبدلي
لاقالو العربان ويش العود قلت العود عود = عودٍ كبير وقدره اكبر لابعيـر ولاطلـي
عزّالله اني خابرك مثل القديحه والزنـود = بين المضّحى والمعشّى نار والقدر يغلي
@
محمد بن ردعان
مانيب ضايق لو يلوح البرق وتحن الرعود = وما هوب جايز ياخذ التالي مكان الأولـي
عز الله انك شاعرٍ معروف وتحل العقـود = انته قنعت بمنزلك وانـا قنعـت بمنزلـي
@
سعود العبدلي
حنا ندوّر زودها مير النقيصـه ماتـزود = وانته ليا حصلت فيها نقص كمل مايلـي
العام يوم اشريم ينفخ جمرته في راس عود = لاقلت ياعبس افطنوله قلتو المخرج ملـي
@
محمد بن ردعان
يااهل العلوم الطيبه لا تقلبون البيض سود = احترت فيكم ما عرفت الشافعي والحنبلي
مافيه مشكل بالنزول المشكله عند الصعود = والطيب اللي لا عتلينا فالطويلـه يعتلـي
@
سعود العبدلي
ماانته مكلّف يامحمد فالصوادر والـورود = انته نصيبك فعملك وانا نصيبـي فعملـي
تبا توصّيلك موصّا من جدود ليـا جـدود = طرّف علوم مسيلمه عن علم ابوطالب علي
@
محمد بن ردعان
انا ضميري حي ماعمري تعديت الحدود = والله بلاني فالحموله عقب ماضاع جملي
الكايده راس الجبل ولا المساري ماتكود = علم جهينه يا سعود العبدلـي ولا بلـي
@
سعود العبدلي
الليله انته كبدك الحمرا مهي مثـل الكبـود = وانا على بعض العلوم اجهل وياشين اجهلي
كلن يمد الحبل مير الحبل ملوي ومعقـود = والي تمرّح يامحمد فالخـلا ماهـو خلـي
@
محمد بن ردعان
حنا نبي ذيك الليالـي والليالـي ماتعـود = لو كان عادت كان بن ردعان ما جاله حلي
عز الله انك يا المطيري لا محب ولا ودود = تاقف على راس الصحيفه لين تفليها فلـي
@
سعود العبدلي
من خلقة الله كلّكم شجعان مافيكم شرود = حتّى الغمامه غمّها معكم نهار وينجلي
حنّا عرب نصحالها لاغافلين ولارقود = مافالدّيار المشوكه طعمة عسل يالعيسلي
[/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
حمد السحيمي @@ وحمد الدحابيب

حمد الدحابيب
يا السحيمي كل صبح أشوف نكك يا السحيمي"="مير مدري ويش ورا ها الصبح والطله غريبه
أذكر أنك منشغل في مشكلة وضـعٍ قديمـي"="بين طالعها طلـوع وبيـن مخفيهـا مغيبـه
حمد السحيمي
السحيمي ياحمد جابر ترى وضعـه سليمـي=عينه تـروم البعيـده مـا يناظـر للقريبـه
تذكر اني ..واذكر انك .. والروابع سيم سيمي=الطريق الملتـوي بالله قـل لـي وش تبيبـه
حمد الدحابيب
يا طويل العمر ما ينشد عن أحوالك خصيمي"="وأن توقعته مصيبـه وأن تخيلتـه مصيبـه
يا السمي من كثر ما سموك أبوقلبٍ حليمـي"="أختلف ظنك وتفكيرك بـدا يتهـم صحيبـه
حمد السحيمي
ماخبرنا رخصة السواق تصرف للغشيمي=وانت رجل مادخلني فيك شك وفيك ريبه
لو تحيزم بالسواري لو تحيزم بالقديمـي=مارضيناها على مثلك يابو جابر غليبـه
حمد الدحابيب
صاحبي لو طال لليله قلت خلك مستقيمي"="ماينولك شر وأنا صاحبك والشك سيبـه
الدعاوي وبيني وبينك لها وضعٍ حميمي"="راجع المخفي وتلقا المخطيه قبل الصيبه
حمد السحيمي
صاحبي لو صاحبي صيحة حشيم في حشيمي=والله انه ما يضام اللي حمد والله صحي بـه
الدعاوي ذاعها اللي في الرياض وفالبريمـي=ومن تناسها يابو جابر عسى ربـي حسيبـه [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
الادهم بن على @@ وعريمان السبيعي

الادهم بن على
بجوّد شوشـة عريمـان ألعّبهـا بحـد المـوس=و أضحي به بعد زل الضحيه*و اسري يا ساري
بلشنا في صداقه ضاع فيها الطيب و النامـوس=يمر بلا سلام و لا تحيه*و اسري يـا سـاري
عريمان السبيعي
آنا لاشفت الادهم قمت أرحب به وابوسه بوس=عسى من بعدها يرضى عليه .. واسر ياساري
صداقة مايسرك ذكرها بعهـا بـدون فلـوس=وصية عن ثمانمية وصية .. واسر ياسـاري
الادهم بن على
قريت الفاتحه تبغى زوال الحلم و الكابـوس=و كبدك تاكل الطليان حيه*و اسري يا ساري
ليا قلنا الحقيقه يا ملا شفنا الوجيـه عبـوس=و لا به من يحلّون القضيه*و اسري يا ساري
عريمان السبيعي
آعرف الشاعر المرهي وآعرف الشاعر الدنفوس=ولانرضى الخطيه والرديه. واسـر ياسـاري
ليا قلت الحقيقة يـا البنـادم والرجـال جلـوس=تموت العنصرية والحميـة .. واسـر ياسـاري
الادهم بن على
رماني بعد علمته قوانيـن الوتـر و القـوس=و عاملني بكيد و عنجهيه*و اسري يا ساري
بعد ذقت الثراء خذ من تجاريب الحياه دروس=و ابن حنبل بكوه الحنبليه*و اسري يا ساري
عريمان السبيعي
ترى من طالت أظفاره يجيه اللي يحوسه حوس=و تلقاله فضيحه عالميه*و اسري يـا سـاري
عسى حظ الشجاع يقوم و كبود الرخوم يبوس=تموت له السمينه و اللّقيّه*و اسري يا سـاري [/poem]