(( نخبه من محاورات النــــــداويه )) من غير ردود

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
سعد ابن حبشان @@عبدالله بن عتقان

سعد ابن حبشان
سلام رده من هجوسي للرياجيل الحضور =ردة وفا للي يشوف العلـم والا يسمعـه
ان كان ابن عتقان سمع العلم ماهو بمعذور =وان راح ابن عتقان قبل العلم قلت الله معه
عبدالله بن عتقان
يامرحبا ترحيب غالي فالورود وفالصدور=ترحيبةٍ مقدارها مثل الذهب من مصنعه
صاحبك عبدالله سنافي لا يلف ولا يدور= والكلمه اللي ماتبا تقضي غرض ماتقنعه
سعد ابن حبشان
الناس قالوا في المثايل كل زور ٍ فيه شـور = والواجب انك تنطح الماجوب مانت بتتبعه
وانا ادري انك ياوسيع العرف شاعر ومخبور= غير المواجه سنّـه الله للنشامـا وشرعـه
عبدالله بن عتقان
بعض العرب فالمجتمع ياكثر حبه للظهور=وأنا يأبن حبشان مالي فالمظاهر مطمعـه
عندي عليك ملاحظه عديتها بين السطور=مدري سعد قصده كذا وألا خطات المطبعه
سعد ابن حبشان
مأحد منعك من الثقه بس الثقه غير الغرور=مدري علامك ضايق ٍ خاطرك والدنيا سعه
لو تدري ان الطيب مثل العمله اللي ماتبور=ماقلت ياهل المنتدى هذا الرجل ويش اسنَعه
عبدالله بن عتقان
وش حاجة البستان لولا فيه نفحات الزهـور=ينسام بالمليون لـو سعـره ثلاثـه واربعـه
ياصاحبي لا تحسب أفراد الحرس مثل المرور=فرد الحرس نتعب معه ساعات حتـى نقنعـه
سعد ابن حبشان
مايدهم وجيه الهموم الا وسيعين الصـدور=وان طاعك الميقاف ياطير السعد والا طعه
صاحبك لو طال المدى ماجاك من يمه قصور=واليا بغى سوق الغلا مانته بقـادر تمنعـه
عبدالله بن عتقان
شف ياسعد ياصاحبي زال اللحم وسط القدور=أهم حاجـه للبنـادم كيـف بطنـه يشبعـه
غابوا عيال الشايب الفارس سنه وأربع شهور=الصيف في واد الدواسر والشتاء فالمجمعـه؟
سعد ابن حبشان
اليا شبعت من اللحم ! فأنا على الشده صبور=بس أحمد النعمه يابن عتقان والشوف ارفعـه
احفظ حلالك ينفعك ترى الزمن صابه دبور=حنا ليا منّا وصلنـا الحبـل مأحـد يقطعـه [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
الدعوجى @@ جمل القحطاني

جمل القحطاني
مرحبا عدّ ماغنّى المغنّي من جديد وقديم =وعدّ من يكتب الكلمه ويعرف عن تحاليلها
يابن وصل العصيمي خذ نصيبك من تمور القصيم =دلة الكيف نحرت ثم صبت لك فناجيلها
الدعوجى
البقا يالمرحب عد ماهبت هبوب النــــــــسيم = وعد وبل المزون اللي سرت تهمل هماليلها
ياجمل يتعب الطرقي وحاله من زمانه سقيم = وش يفيد القلوب اللي عطـــيبات تعاليلها
جمل القحطاني
يالعصيمي ترى النيّه مطيّه وانت قلبك سليم =مير بقعا تلحّق راس شاريها بهاذيلها
البدو باعوا الديره وحلّوا وسط حيّ النظيم =ودهم بالتجاره والتجاره وش محاصيلها
الدعوجى
ياجمل جر صوتك ماعليه وانت عقلك فهيم = دمــــــــــعة عيون بقعا ماتكفيها مناديلها
التجاره شطاره والعطايا من يدين الكريم = مار حسبي على العقال ماتردع جهاهيلها
جمل القحطاني
جرّة الصوت ماتنفع لكن بلعن بليس الرجيم=قبل ماتزوج العذرا ولبسها خلاخيلها
الشطارة غدت بك يالعصيمي والله اللي رحيم =رحمكم ياصغار القوم والحيّة شطا ذيلها
الدعوجى
جعل جدة عيال ابليس تبقى ياصحيبي عقيم= مالها قابليه والعرب ياهــــون تضــــليلها
ابن عمك على الحــمله يقولون الهواجر زعيم = بعد كبرت على جنبه وراسه كيف تنزيلها
جمل القحطاني
الله اللي نصرنا ثم نصركم بعدنا ياعصيم =افتح اوراق جدتك العجوز وشف تماثيلها
ابن عمي على ماقيل دقّ العظم واصبح رميم=وانطفت ديرةٍ كانت تضوي لك قناديلها
الدعوجى
ياهل المعرفه عمي جمل شاعر لكنه غشيم = ياحليله وبعض اعلومه اللي جات يحليلها
اثركم ماتغيرتوا على العهد القديم القديم = الحسد فالقلوب الحاسده مافاد تغسيلها
جمل القحطاني
انا عمك وهمك مير خذها كلمةٍ فالصميم=السما مانت واصل للسما بحلامٍ تشيلها
اشهد انا هل العادات مانسرق حلال اليتيم =يوم بعض العرب طاحت ولا قامت على حيلها
الدعوجى
العما في عيون العم الاقشر دامت انه لئيم = والسبب دلعتك العمه اللي بارك فيلها
ياهل العاده الدنيا فنا ماحد عليــــها مقيم =واليدين الطويله مابقا الا غير تكبيلها
جمل القحطاني
كل شيء تحت منظارنا حتى التمر في تميم =وعمّة الناس من يبغى حلاواها عسف خيلها
كل شهرٍ ولك شرهه ويسبق كل براق غيم =مير كل لقمةٍ تمشي على دربك وتمشي لها
الدعوجي
اثر عينك على التمره بعد والله غفور رحيم= والعرب في ديار القطع مدري ويش ناويلها
لو ديارك ليا هبت عليها النود تصبح صريم=وش تسوي بها وام الكباير وش تسوي لها[/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
عبدالله بن شايع @@ محمد السليس

عبدالله بن شايع
سلام الله سلامٍ فيه للشعار حـب خشـومولاهـو بكلهـم للـي يثمنهـا ويثنيـهـا
أشوف البنت قام يحوفها من كل صوبٍ قومحدٍ كفولّها وأحـدٍ كـذا بالنفـس مغثيهـا
محمد السليس
هلا يامرحبا ترحيبة الزيزوم بالزيزوم=نيابه عن رجال العرف الى قمنا نكفيها
ترى من حكمة الله ليت الاول غير ليل اليوم=والا ياليتها تقصر على ليلى ومغليها
عبدالله بن شايع
أقول إبك البقى رديّة الشغموم للشغمومي=جي دون الرجال اللي يكفّيها ويوفيهـا
يقولون العرب مايرتكي للقوم غير القوم=ومن لا يحتميها يا محمد يبتلـش فيهـا
محمد السليس
علامك يابن شايع تاتشب النار وسط الدوم=وحنا ندعى الله دارنـا بالغيـث يحييهـا
الا ياصاحبي ماقلتلك دون العلـوم علـوم=وانا ما اقول غير الله بعد خربت يسويهـا
عبدالله بن شايع
أنا ثبتهـا وأعلنتهـا يـا القـرم جعـل تـدوم=وخبري بندق الحنـاش مـا تخطـي مراميهـا
وأنا أشرّه على اللي ف البحر ماهو يعرف يعوم=يطب بغبتـه ويغـوص مـا يحسـب قوافيهـا
محمد السليس
انا خابرك رجال مجرب ما تبـي تعلـوم=تعرف الطرقه اللى يكسب النوماس ماشيها
لون السالفه ملبوسها ضافي عداك اللـوم=ولكن لو نكحل عينهـا هاللـون نعميهـا
عبدالله بن شايع
يدور بنا الفلك وأيامنا في عقدها المنضوم=على الدنيا تقلبنـا ونوخذهـا ونعطيهـا
تهون السالفه بيني وبينك والهدف مرسوم=بعيدين المدى يالقرم ماتخلـف مماشيهـا
محمد السليس
ليا تمت شهاده مع صلاه ومع زكاه وصوم=بقت حجة ومن يقدر لها لازم يأديها
وبعدين ان قنصنا للفلا هدت طيور الحوم=تبي تظهر لك الارنب ولو تجحر بأذانيها
عبدالله ابن شايع
تحت دبرة جليل الملك في كف القضا المحتوم=نسير ومن حكـم نفسـه وحاسبهـا ينجيهـا
أشوف الطير الاجهر ياعميلي في زمنا اليوم=مع شقر الحرار اللـي عريبـات مجانيهـا
محمد السليس
ماهوب الحالك اللى من زمانه مشتقي مهموم=ترى مثلك رجـال عايشـه منبـذ خافيهـا
ولكن كان شفت اهل اللغا واهل الخطا والزوم=تجنب دربهـم والنـاس معروفـه بأساميهـا
عبدالله ابن شايع
خذينا حكمة العاقل ويبقى عندنا محشوم=وعيني للرجال أللي بعيداتٍ هقاويهـا
ليا جانا الكلام نثمنه ونزود فوق السوم=ونعطي كل لحيه قدرها من قدر راعيها [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
ناصر النفيعي@@ سعيد الحازبي

ناصر النفيعي
ياسلام الله على قحطان ماضين الفعايل =اول المبدا سلام الله وعندي علم ثاني
ياعوال الشايب اللي حاز نعم مع القبايل =الجمايل مايضيعها عتيبي وقــ ح طاني
سعيد الحازبي
مرحبا ترحيبة(ن) فيها الوفا والشك زايـل=والعلوم اللي على بالك بعد هـذي تبانـي
ما عليكم زود ياهل الطيب وافين الخصايل=والكلام العذب له مبدى وتزهـاه المعانـي
ناصر النفيعي
تالي الايام ياكثر المصايب والهوايل=رب خارجنا من اهوال الزمان الشقلباني
ذنب جدي ماحتداكم فالشمال وزان حايل=ردكم يمين واجنبتوا جنوب من حلباني
سعيد الحازبي
تالي الايام ياشهم النبا كيـف انـت قايـل=عقب دورات السنين وعقب لوعات الزماني
لو سئالت المجد والتاريخ وعيال الحمايـل=علموك بما حصل والعشر بتعـود ثمانـي
ناصر النفيعي
ماسلت نفس الشقاوي لو تسلوى بالمثايل =انتبه من تحت رجلك لايثور الجبخاني
البعير المشبهاني مايشيل الحمل مايل =ماذكر في نجد كبره ياسعيد ومشبهاني
سعيد الحازبي
لاتهذري با السوالف وانت ماعندك دلايل=ما التفتنا لالهزال وما ذبحنا الا السمانـي
من هدير اشعيل تالي الليل شديت الرحايل=وراحت اسنينك تماني في تماني في تماني
ناصر النفيعي
من هو اللي يذبح الحايل ويلطم كل عايل =خلها ماطى جمل يالحازبي والا حصاني
سمح الله درب سمحه والدروب الها دلايل =حثها بالعرق الاخضر واحدها بالخيزراني
سعيد الحازبي
منهو اللي من فعوله شفتـو انجـوم القوايـل=انشد عتيبه عن اللي صار في ماضي الزماني
المطيري قالها في ما مضـا والشـد مايـل=والنفيعي ما سمع شوره ولا صار ادعجانـي [/poem]

[poem=font="Simplified Arabic,3,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
علي بن حمري @@ عبدالله الشهراني
على بن حمرى
يا اهل النداوي سلام 00وعِلم خير 00وشعر وشعور=حان الوعد00والعيون اصفوف 00والعلّيا طماعـه
حكمتك يارب هـذا نجـد لـه شهريـن ممطـور=واصحاب بيشـه لهـم عاميـن ماسالـت فراعـه
عبدالله الشهراني
ياهل النداوي عبير ومستكا وورود وزهور=وراوبع ماتنوش الارض دايم في رفاعـه
ابشرك هلت مزون السحاب وشعشع النور=لاتسحب انك وسط نعمه وحنا في مجاعه
على بن حمرى
تحمّد الله ترى الارزاق وهبه وانت مكبور=تبغاني احّسبك من الاولاد ولا ماألجماعه
أمش الهوينا ترى خط البلد محكم ومسبور=ولاّ مسكناك يامطوّع وظهرّنا ألطواعـه
عبدالله الشهراني
مدري قصدت الرجال اللي نواظر بعضهم عور=والا معـك منهـج تبغـي سلوكـه واتباعـه
واجبك عندي مبتل ياولـد حمـري ومدمـور=تبينـي اولمـه ذاللحيـن والاعقـب سـاعـه
على بن حمرى
مافيه شك ألجمل مشدود واما الداب معقـور=وأللي مهو سبع لايدخلـك يـاوادي السباعـه
ان كان جت للحقيقه رح وراك وصف طابور=اقولها وانت عندي لارصـاص ولا جراعـه
عبدالله الشهراني
لوكنت قدامها تبني قبـاب وترفـع جسـور=صدقت علمك لكن اللي مضى هوش وفراعه
والله لو ان الوسايط مالها في المجتمـع دور=مايشتكي راعي الدكـان وتبـور البضاعـه
علي بن حمري
ان جيت بطن المدينه والشوارع مابها نـور=فدر ان عزيز البلد معزول 00 والدعوه بياعه
فني الاشاعات يقلب في بعض الاحيان دكتور=من كثر ماقيل لك دكتور صدقت (ألاشاعه)
عبدالله الشهراني
خايف يطول "المعاني المستفيضة"نقص وقصور=والا خلطت التجـارة والصناعـة والزراعـة
لاتكتم الحق خلفك يابن حمري موت و نشـور=يمكن تبي تحرق الاعصاب قدر الاستطاعـه؟؟
علي بن حمري
قالو كتابك خطاه اكثير واشهود الحدث زور=كان ابن معجب قبل بيشه تحت كبري شباعه
ان كان ما الله معسرني معك ماني بمعسور=وان ردت امور مافي حكم مخلوقٍ جزاعـه
عبدالله الشهراني
ياناس لو جيت اباسكت عن علي ماني بمعذور=علي ابن حمري وشيطانه خوان من الرضاعه
متنا من الجوع مانجح اللحم والنـار دافـور=وعين ابن حمري على درب المحايل واللكاعه
علي بن حمري
لو ان عندك نظر قـد شفتهـا لكنـك مطيـور=انت تتشجـع علـي وانـا معلمـك الشجاعـه
يمكن تجي جنب سور القصر لكن طمرة السور؟=خطرٍ على اللي يفكر طمرته 000يُغّسل شراعه
عبدالله الشهراني
ارفق بنفسك معا طلعة كرى ياسايق المـور=الظلع راسي وعزمك كل ماله في انهزاعـه
لاصار ابن ريفه ايقلد سعد علوش في الجور=ويقول شعره ..هذاك الوقت تاخذنا قلاعـه
علي بن حمري
مدمت تضرب بنا الامثال فأقرب واسمع الشور=البحر خلك على شاطيه وازهل عنـك قاعـه
لوإن مال للبلـد قاضـي ولا للقسـم مأمـور=ان كان شفت الخصيم يجر خصمه من كراعه [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حسين الحارثي
لاسـلام ولاكـلام ولاهـلا حاشـا وكـلا=قبل نعرف وين شايع والعلاوه وابن شايـق

من عقب غبتو عن الساحه جزيل الشعر ولا=مابقى غير المعايـر والشتايـم والخنايـق

شايع العيافي
مرحبابك يا سهير الليل يا زبـن المجـلا=لو ماسقت السلام .. وفيك حسه ومتضايق

ان عبس وجه الزمان المبتسـم والا تـولا=لا تسل يا حسين عنها وانت تدري بالحقايق

حسين الحارثي
البقا ياللي ترحـب وانـت نجـمٍ قـد تعـلا=في سماء الابداع من ظمن النجوم اللي توايق

يالعيافي كم سيـوفٍ تعجبـك لاجـت تسـلا=وساع تحمى المعركه راحة يابو فارس طقايق

شايع العيافي
الليال الطيبـه تجمـع ملحقّـة المخـلا=مد خطلان اليمان وحظ من رب الخلايق

واحدٍ فوق الشداد وواحد ٍ تحـت يتـدلا=المثل هذا ضربتـه للشـداد وللعلايـق

حسين الحارثي
والله اني كل ما اذكر ماحصل دمعي يهلا=غابت الساعات واصبحنا نطارد فالدقايق

قبل شهر اوحيت لي علمٍ وجعله خير حلا=قالو ان ابو شنب جدد كروته والبطايـق

شايع العيافي
الزمان المنتحي ماله على الخيـره مطـلا=تبطي الفرحه ونسرقها من الدنيا سرايـق

البخيت اللي ليا سمع الندا كبـر وصلـى=والمطوع لا دخل في مسجد العباس.. لايق

حسين الحارثي
انت ياشايع من اللي له في الساحه محلا=مير مدري دين حدك والا حظك صار بايق

لاتجلي عن سوالي ماربح منهـو تجـلا=والمطوع من يطيع الله ولو ذقنه حلايـق

شايع العيافي
البعير شعيل لا شاف المكان الزين فـلا=البلا فالمبرك اللي لا طعام ولا وسايـق

ما دلهة من المقابل ويش حط وويش شلا=جاك علمٍ ماتسولف به مجمعـة اللفايـق

حسين الحارثي
البعير اشعيل عن مفلاه الاول قـد تخـلا=والمبارك ماتعيب اشعيل في وقت السبايق

ادري انـك يالعيافـي لاتهـاب ولاتـذلا=مير وصلها لابن شايق مادام البال رايق

شايع العيافي
ان بدا اللازم لابدك ياولـد حـارث تحـلا=وان عطانا الله غناه اقفت ركايبنا طلايـق

من نقل حمل السنين اشره علي اليا تسـلا=وانت مالومك يسوقك من ردي الوقت سايق
[/poem]

[poem=font="Simplified Arabic,6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مشعل بن عنان @@محمد السليس
مشعل بن عنان
يامحمد كيف حالك وحال اللي تحبه = ياعساك بخير والله يحقق ماتريـدي
الصديق اصدق معه ياولد والاش كبه = والصديق افيد والاش ماعمره يفيدي
@
محمد السليس
العلوم وكل الاوضاع عندي مستتبه = ياعساك بزود واللى ينقص مايزيدي
العميل اللى مناصح لنا ربي وربـه = والله العالم قريب امغزى والا بعيدى
@
مشعل بن عنان
ياعساها دووم والخير ليمكن تضبـه = وان غزينا ماجهلنا وغيرك مانصيدي
الحديد ان لأن مالان لك صلبه ولبـه = كان قلبك من خشب لايهشمك الحديدي
@
محمد السليس
انت يامشعل محول كذا في بطن غبه = وانت توك غر فالدار وثويبك جديدي
انتبه لانشعم النار وثويبـك نشبـه = بعدها نركنك فالزاويه حتى تهيـدي
@
مشعل بن عنان
اكتب المعروض بسمـك وعنوانـك وعبـه = وطرش المعروض وارسله مع ساعى البريدي
انت شاعر مير بحـر الشعـر لا لا تطبـه = ثم تغـرق فـي بحرنـا ولاتكتـب شهيـدي
@
محمد السليس
ياشعيل أكل العنب فالمثل حبه وحبـه = مار أكل بشويش قدام لاتكتب فقيـدي
انتبه من قرصة الداب يوم تحرش ضبه = يذبحك سم الحنش لادخل دم الوريـدي
@
مشعل بن عنان
مانسب الجاهل اللي تمادا لي بسبه = لين ربي ياخذه من ننا فرقاه عيدي
البعير اشعيل مثل الجبل يالي تذبه = وانتبه لايقطع الحبل مايردعه قيدي
@
محمد السليس
انت تطلب كل شاعر ولافي ايديك طلبه = تشعب ركابك كذيا بلا راي ٍ سديـدي
تشرب الفنجال لاكن على وجهه تكبـه = يرحم الله بنت ابوزيد يالقلـب البليـدي
@
مشعل بن عنان
وش علام سليس واقف لنا مثل المطبـه = والمطبه مانحاسب لها لو هـي بعيـدي
كان في راسك وجع ياولد ناتـي بطبـه = وكان في قلبك حزن ماتروح الى سعيدي
@
محمد السليس
دام بيتك في ثرى الحزم ماثبـت طنبـه = عيد والازيد واطرب على روس الجريدي
السليس اليا وقف ماقفه ماقمـت جنبـه = تاتجيك ام الركب ماتجيـك ام العبيـدي [/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حسين الحارثي
سلام الله سلامٍ نخص به القحاطيـن=قحاطين الحصاه قحاطين الجنوبي

يجي خولان والا العيافي واحد الاثنين=وباق الناس مالي عليها من دروبـي

شايع العيافي
هلا يامرحبا وانت مثل الخشم والعيـن=وانا صادق ولا اهرج مثل هرج الكذوبي

انا من دون خـولان والربـع المواليـن=علـى ماقـال الأول مناوبنـا ينوبـي

حسين الحارثي
يدوم الك البقا عقب مارحبت بحسيـن=ترى ثوب الوفا والكرم والصدق ثوبي

كفو من ماضي الوقت ياشايع وذالحين=لكن وش معك فالبنك من غير الجيوبي

شايع العيافي
يا بوبندر ترانا على صف المصلين=وصوتك لا تنطحه صلفات الهبوبي

ليال الضيق تتعب مجمعت الملايين=الى ضدتك الأيام رد العلم صوبـي

حسين الحارثي
نويت انهي حبيّب وبن ريفه والالفين=وافرق كل جمهورهم شرق وغروبي

كفاهم هيّمنه وانت والفهري مطيعين=وبن شايق ضحية منفخة الذروبـي

شايع العيافي
كثير الناس وده يفادي عن فلسطين=يروح بطيب ويعود بالياس مغصوبي

ترانا نصرة الدين وصعوط المجانين=لا ترخي خيزرانك وتاكل من جنوبي

حسين الحارثي
بحرر/ ساحة الشعر بسلاح وقوانين=عزمت ادرج رحاتي على كل الحبوبي

ياشايع لاتلد النظر ليسـار وايميـن=وبراق المخيله تشوفـه فالنصوبـي

شايع العيافي
تقوله وانت مالك مع الشعار يومين=مغير شيوخ حارث تلبسك الذنوبي

عجزنا نطبع العلم بقلوب المساكين=يتوب ابليس وحسين عيا لا يتوبي

حسين الحارثي
انا توي ولالي كماك اعصـور وسنيـن=لكن رعبـي دخـل يالعيافـي فالقلوبـي

بعد جمعة بارود مـع شعلـه وبنزيـن=حسب لي شايع ومن معه غصبٍ حسوبي

شايع العيافي
انا عاقل واميز مابين الزيـن والشيـن=واذا شفت المصيبه عرفت اضبط سلوبي

لكنك عقب بكره تبـا خامـه ومتريـن=وخلق الله من الغبن صايحهـا طنوبـي

حسين الحارثي
صحيح العقل نعمه و لاكن نعمة الدين=ماتبغى ناسٍ اضعوف واتهاب الصعوبي

وانا لي قلب صامل ولي تفكير وايديـن=لساني فالمعاني مثل سيـف الحروبـي

شايع العيافي
عتيبه منك زعلت وزعلت الموازيـن=مولع نار حربك على العالـم شبوبـي

تعيش وعينك تطالع علـوم وبراهيـن=وفالك فال صدام .... ياشمس الغروبي

حسين الحارثي
ليا طاح ابن هادي وطيحنا ابن حثلين=نبي نلقى مع امطير وعتيبه ركوبـي

ولا يالبندق اللي تسمى بام روحيـن=ترا صوتك وقصرك من اكبار العيوبي

شايع العيافي
معك ثلث الثلاثـه وخلـق الله ثلاثيـن=توقف بـاول اليـوم واخرتـه تحوبـي

تخض الماء على الماء وتذكر يوم حطين=تبي لك زبد.. والمـا معيـي لايروبـي[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
هادي بن سعيد@وسالم بن وحير
هادي بن سعيد
حسب العوايد والمعاريف القديمـة والجـداد=يامرحبا ياسالم بن وحير والمخـرج ملـي
ترى العلوم الطيبة تبغى من الرجل اجتهـاد=وانتة على خبري شلي وانا مااحب الا الشلي
سالم بن وحير
حسب العوايد والتجارب ماعلى الدنيا اعتماد=دام البقـا والعـد وراده يعـلّ وينهـلـي
ترا العلوم الطيبه تقدح مثل قـدح الزنـاد=نار الشهامه والكرامه يالفليحـي تصتلـي
هادي بن سعيد
ان كان تبغى زبدة الموضوع والعلم الوكـاد=هات القلم والبوك يالمري وسجـل مايلـي ؟
الزم خطام شعيل واحرص لا تطيح من الشداد=قدااام تصبح من ضحايا سيف ابو طالب علي
سالم بن وحير
مانبغي الاّ زبدة الموضوع والراي السداد=والجدي وسهيل اليماني كلها له منزلـي
دام الشداد مثبتاً برماح وسيـوفً احـداد=حنا أولياه أهل الولا والله على خلقه ولي
هادي بن سعيد
يابو محمد راحت ايام العزاوي والطراااد =والهرج ماغير تواريخ الزمان الاولي
والحجة اللي ماعليها شاهدين واستناد=ماطولت روس تحت علظ الرماح النحلي
سالم بن وحير
لاعادت ايام الحرايب والطلايب والعنـــــــــــاد =يوم العرب راسين راس اسفل وراس(ن) معتلي
يالهاجري .. بيض النوايا مايجي فيها ســـواد =اقلط على ظهر الجمل والاّ على راس الطلـــي
هادي بن سعيد
ترى الضعيف اللي يجلا من بلاد اليا بلاد= الدار يابن وحير مافيها سبيعي وسهلي
الكلمة اللي ماتزيدك عزم من بين العباد= ماترفعك ياهية لو صدرك من الغيض ايغلي
سالم بن وحير
ترا الجلوّه ماتعيب .. العيب من قوّم وعــــــــاد = في ماقفً من كل متشمــت يغيــض ويمتـلــــي
تضـحك على السهـران وعيـونك تروّت بالرقاد= يلـي سلكــت المذهبيـن الشـافعـي والحنبلـــي
هادي بن سعيد
المشكلة عند اغلب الشعار كثر الاعتقاد = والشك والريبة كثير الناس فيها مبتلي
انا احمد الله مالحقني من هل الشان انتقاد = والا انت في تال الليالي مثل مياح الدلي
سالم بن وحير
اثرك ياخيّال لك صولات في ظهـر الجـــــــــواد =تقــول ماخليت احد .. لو انت في جوّ (ن) خلـــــي
راســك بحـر الشمس والاّ اقـدام رجلك في براد =ياداهليــن أرض الثرا فـوق الثريــا مدهلــــــــــي[/poem]

[frame="8 80"][poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
محمد السليس @@ ابراهيم الشيخي

محمد السليس
الا يالنداويه عليكم سلامى=نردة لنجمٍ من النجوم المطله
الا ياولد زهران شد الحزامى=وهاك الثمين ومارخص منه خله
ابراهيم الشيخي
هلا مرحبا عداد ورد الحيامـي=من الهاجس اللي ماتجي منه زله
ولا يامحمد جيت واللعب حامي=ولن جبت غالي العلم يفداك كله
محمد السليس
يدوم البقا والعلم ماهـوب طامـى=متـى الله يبـدل بالاهلًلـه اهلًـه
ترى الجرح مابين اللحم والعظامى=بسيطٍ دواه وليـت احـد فاطنلـه
ابراهيم الشيخي
اثاريك طامع في كبار الاسامي=تبي تقلع احدهم وتقعـد محلـه
ترى كل شيٍ عندنا له نظامي=ولاكل من فيديه سيـفٍ يسلـه
محمد السليس
اببدا براس شعيل نابى السنامى=على راسه امسي مزنةٍ مستهله
واصدر على ابراهيم مرسوم سامى=وكم من خليلٍ بفرقه دون خله
ابراهيم الشيخي
ولا يامحمد مانت جايع وضامـي=على شان تقعـد للمناعيـر علـه
ولن كنت تونس لك بخشمك عرامي=ترى قدمك اللي كـل عقـدٍ يحلـه
محمد السليس
ملا عين ابن زهران صحـن الايدامـى=وربعـه شبـابـه تعتبـرهـا مـذلـه
واذا قلت ابا افزع مع (خناذف ) عمامى=مصير (السحيمي ) يوم تمسي عشاً لـه
ابراهيم الشيخي
انا ماجتنب فرضي ولاجرح صيامي=وحب المراجل في ضميـري جبلـه
ولا ياجملنـا ياكبيـر العظـامـي=لاتهزا بغصنٍ مبركك تحـت ظلـه
محمد السليس
وفالختم احب اقول بعض الكلامى=ترى بان لك مله ويخفـاك ملـه
لعلمك لعلمك كان مغزاى سامـى=مع الوقت تفهم ويش انا عانىٍ له
ابراهيم الشيخي
صلاتي على المختار مسك الختامي=ولابعـد هـذا العلـم ليتـه لعلـه
تفقد كلامـي ليـن تفهـم مرامـي=وبكره يبـان العلـم دقـه وجلـه [/poem][/frame]

هذه المحاوره جرت بين العمالقين

خولان بن عامر

وعلي ابن الحمري

[poem=font="Simplified Arabic,4,black,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]

خولا بن عامر
ابن حمري كل ما شاف السحاب وقرب حوله=قال هاذي نوةٍ مايـروي الضميـان ماهـا
علمولـه بالسوالـف والقضيـه علمولـه=البروق تلـوح والدنيـا كفانـا الله بلاهـا

علي ابن الحمري
انت هوله والشعر هوله ومبدا العلـم هولـه=والبشر فى الارض والحمري متيّم في سماها
لاتعلمني وانا ياخووك دولـه عنـد دولـه=عن قنوفٍ سمع راعدهـا ولا بيّـن نباهـا


خولا بن عامر
انت قلته بس غيرك يمكن انـه مايقولـه=والبنادق تالي الايام يـا مقـرب مداهـا
ليت وان زيدان ماسجل على الطليان قوله=اجتهد يبغى البطوله والبطوله ما خذاهـا

علي ابن الحمري
عطني الرابط مابين الحمل واعيال الحموله=والبنادق والاوادم مايحدد مستواها
بس فى التمثيل تبقى يابطل راعي بطوله=والحقيقه من حِرم من مرها يُحرم حلاها


خولا بن عامر
ويش هوله تاخذ الرابط وتدخل ويش هوله=تدري ان بعض المواقع وجهها يشبه قفاها
وانت في غبة بحر تسبح وتاتينـا بلولـه=ماذبـح لليلـى وخلاهـا كذيـا الاهواهـا

علي ابن الحمري
الله يسامحك يالطفران في سب السيوله=البشر حاجه ماتقدرها .. مهي ترضى علاها
البحرخاويت حوته والوطا نشعب ذلوله=غن ياخولان (يالله طالبك خلها كماها )

خولا بن عامر
السيوله في المخابي والمعرفه والرجوله=الله اللي قسم الارزاق وهو اللي عطاهـا
انت شاعر كل ماجاء في المنصه صفقوله=صفقوا له صفقوله الله اعلم وش وراهـا

علي ابن الحمري
ابن عامر عنده من العود الازرق نصف توله=والجماعه نص توله ماش ما تدهن لحاها
صملةً تو الملك تسوى مية صوله وجوله=اوقف نيابه عن افراد القبيله وومراها

خولا بن عامر
ابك انا بحر عميق يتعبك عرضه وطوله=واللحا ندهن بعضها والبعض نسحن دواها
الا ادمي وان سمح الله في مهماته قبولـه=المدايـح ماتفيـد اللـي بيوتـه مابناهـا

علي ابن الحمري
يابحر غبتك ماتغرق وموجتك إمعقوله=كم لحاءٍ عن علمها تعجز وعن ردة بقاها
صبو لخولان مالبراد الاصفر واحقنوله=دام مايمدح مدايحها ولا يرثى رثاها

خولا بن عامر
البحر مايختفي قدام عينك بالسهولـه=طالت النخلة وكبرت مالحقنا في جناها
فوّر البراد واتذكر سواليف الطفولـه=ودي اخيّرك في الامرين وتخيّر حداها

علي ابن الحمري
انت فزوره لكن عندي الفوازير محلوله=والصدور اقبور لاتبحث ولاتنبش خفاها
كلمةً بسهولةً تاتي ما تمشي في سهوله=بالنعال اطى على من قالها ولا أحتماها [/poem]

الدعوجى @@ والعياافي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

الدعوجي=
الليله الليله ياشاايع في هواجيسي حساب=وانت احسب حسابك ليا جتك العلوم وعدها
الارض تطحنها السما والبرق يلمع فالسحاب=تكفا عيونك فالبروق اللي تلامع لدها

العيافي=
يالله يقدرنا على الواجـب ونصمـل مانهـاب =وان الأمور المعضله نقـدر ونصبـح قدهـا
في خاطرك حاجه عظيمه عند حلال الصعاب =ساعه وتقزر بين هـزلات العلـوم وجدهـا

الدعوجي=
لولاني اعرف صاحبي ذيبٍ يهوش مع الذياب=وان جبت له حاجه ثمينه ما يبيح بسدها
ماقلت هيا اقراالحروف اللي تضمنها الكتاب=وختار سته احروف منها والبقيه عدها

العيافي=
الله عطا الرحمه عباده عقب صوط من العذاب =وانته ياوصل تعرف غايات القلـوب وودهـا
انكان مذهب لك ذهيب اسرج وكثر فالزهـاب =ترا الوصايا ماتجيـب الذاهبـه مـن حدهـا

الدعوجي=
يارحمة الله حولي حتى يطيب المستطاب=والمده الجزله يصير الاجر للي مدها
ياليت ابوزيد الهلالي يفطن لشلفا ذياب=قدام في علباه يارجال ياسم حدها

العيافي=
يا وصل لا منا حضرنا لاتسـال عـن الغيـاب =نقصى ركاب الحمل ليـن الشـد يقطـع بدهـا
ماطاح من وجه السماء يصبح على وجه التراب =ياعتيبـه الهيـلا تـرا الدنيـا تصعـر خدهـا

الدعوجي=
الكون شكله مختلف مدري على الديره ضباب=والعيس واسمها الدهر قامت تميل بشدها
قال المثل يجيك من بطن الخطا بعض الصواب=وان طاحت انجوم السما علاك كيف تصددها

العيافي=
حنا ليامن وفت الحسبه وراكبها النصـاب=ندفع زكاة المـال ليـن الله يبـارك ردهـا
ليت العصيمي ما فتح للشر باب وصك باب=الصبح يذكر شيرة الضايع ويلعـن جدهـا

الدعوجي=
انته عوج واعوج من القوس المقوس للحراب=قحطان فايام المكده بقتها في كدها
مانته بربي لاجل ادور لي معك زاد وشراب=ياناسي اصحابك عتيبه كيف تنسى ضدها

العيافي=
ياوصل لا تخطي على العالم لعلك بالذهاب=انا جبـل وانتـه تـذرا فالجبـال وسدهـا
الريشه البيضاء تجي نكران في متن الغراب=ياما بنينا من علوم الطيـب وانـت تهدهـا

الدعوجي=
شاعر ومتمكن ومتهرج يابو مخلب وناب=ويطيب من طيبك بيوت طيبها من ندها
صار الحميميق العقاب وكن ماغيره عقاب=يوم اكثر العالم تلبس لبس ماهو قدها

العيافي=
انا بهرجكم بحد السيف يا عوج الرقـاب=وانتوا تمالوا فاليالي ليـن يطلـع غدهـا
ماتشبع العتبان من جمع المواشي والدواب=وانا كفيل بالعيـون اللـي علـي تحدهـا

الدعوجي=
حنا نبا نسقيك من سم قطر من ناب داب=يابو مخازن كيف تكفي صاعها في مدها
لابدها بعض الوجيه اليا انكشف عنها النقاب=تلقا جزاها وانت اخذها فالصميم وودها

العيافي=
عتيبه من الضعف مثل السيف مكسور النصاب=لكـن فينـا كيـد عاسـرهـا ولاوي يـدهـا
لو المناوي تنفع الضميـان يازيـن السـراب=حبال بقعـا مـن مسدهـا والشقـي يشدهـا


[/poem]

جمـــــــــــــــــــــــــ القحطـــــــاني ـــــــــــــــــــــل @ والدعــــــــــــــــــــ صالح العصيمي ـــــــــوجي



جمـــــــــــــــــــــــــ القحطـــــــاني ـــــــــــــــــــــل

ابو وصل العصيمي شاعرٍ مايختلف معناه

........................................................لكنّ ه راح طعمٍ بيـن شايـع والوذينانـي


يحسبنّه بيقواهم جميعٍ وألحقـوه اقصـاه

.....................................................طلع مالملعبه من غير ريش ودون جنحاني


الدعــــــــــــــــــــ صالح العصيمي ـــــــــوجي

جمل يطحن على النيبان والمطرق على علباه

.....................................................وانا لازال للشعـار فـي راسـي حميدانـي

وابن وصل العصيمي ياجمل ثابت علىمبداه

...................................................لكن الخوف كل الخوف من هدهد سليمانـي


جمـــــــــــــــــــــــــ القحطـــــــاني ـــــــــــــــــــــل

الا ياكبرها لاجـات منـك ياولـد كبـراه

..............................................بعد راحت عصى موسى تبا خاتم سليماني

علامك يوم جاك الصدق كنّك في ظهر مقلاه

..............................................عسى بلواك تآخذ مابقى من قبـل تبلانـي


الدعــــــــــــــــــــ صالح العصيمي ـــــــــوجي


بعد ماجاك مني شـي والمكتـوب لـك تلقـاه

.........................................................على صفحة جبينك لو يضيق افـلان وفلانـي


ليا منى طردتك من ديـارك مثـل شـاه شـاه

...................................................نهار اصبح ولا مسى في قصوره جوف طهراني


جمـــــــــــــــــــــــــ القحطـــــــاني ـــــــــــــــــــــل


اذا جيتوا بنصف الكف يعطيكم جمل املاه

.......................................................على وضح النقا من جا يدور لي ويلقاني

الا يازينكم يابدو جود تيس وامسك شـاه

......................................................لكن مانتوا بصماله بوجه السيف شوماني


الدعــــــــــــــــــــ صالح العصيمي ـــــــــوجي


رسمنا الخط فاللوحه وبابور الغرق سقناه

......................................................يقر الموج وان حمل بني قحطان من داني


ولا ياشينكم ياحضر من بد العرب شيناه

......................................................تذبون الخريمه لن عوى فالضلع سرحاني


جمـــــــــــــــــــــــــ القحطـــــــاني ـــــــــــــــــــــل


الا يالله تستر عورة العتبـان .. الا يالله

......................................................ولو دعوة جمل ماتشملك مادمت نصراني

ماتدري انّا بنينا البيت واركدنا على مبناه

....................................................قبل يكتب لكم في صفحة التاريخ عنواني


الدعــــــــــــــــــــ صالح العصيمي ـــــــــوجي

اجل يارب تكشف عورة اهل البوق يارباه

.....................................................يامسلم مار في طبعه كما بوش المريكاني


نبا نطرح عمود البيت ونحدك على فرقاه

........................................................ولا تجحد عتيبه في مكاسبها ياقحطانـي


جمـــــــــــــــــــــــــ القحطـــــــاني ـــــــــــــــــــــل


تحسس شيء في راسك وحنا من زمن شفناه

............................................................ .معاد الا يطيـح الـراس ويعلـق بلاذانـي


اذا كانك تعرف الدرب حندر فاولـه واقصـاه

...................................................وتحيزم يابن هندي قدمك الشيخ ابن هدلاني


الدعــــــــــــــــــــ صالح العصيمي ـــــــــوجي


زمان العولمه علمك قـال الظلـم لا تنصـاه

.......................................................لكن انته من الطيشه تطاوع كـل شيطانـي

يابن هدلان ابن هندي معه سيفٍ ماهو محلاه

.....................................................يقص الروس في وقت اللقا من فوق الامتاني


جمـــــــــــــــــــــــــ القحطـــــــاني ـــــــــــــــــــــل


كلامك يالعصيمي لانكتب فوق الورق نقـراه

........................................................هذا لو كان عندك فوقهـا حجّـه وبرهانـي


ابن هدلان رمحه يابن هندي في صدور اعداه

.....................................................فلا تجمح بك الطنخه وترجع وانت خسراني


الدعــــــــــــــــــــ صالح العصيمي ـــــــــوجي


وصلنا الجد والظاهر جمل وصّاه اخوه وصاه

........................................................وهذي مشكله واللي يخون العهـد خوّانـي

اعرف انك تلوّن في زمانك كنـك الحربـاه

........................................................عطاك الله منهـا موهبــــة تغييـر الالوانـي

محاورة الدعوجي وجبار السبيعي بدون ردود


[poem=font="Simplified Arabic,5,blue,normal,normal" bkcolor="coral" bkimage="" border="none,4," type=2 line=0 align=center use=ex num="0,black"]
الدعوجي
ســـــلام رديةٍ من نورها يغتاض نور الصــباح

ابدا بها فاول ايام الســـنه والطيــــب يبرا لها

***

اقرب ياجبار والعب والضماير يالسبيعي صحاح

واعلومي افطن لها ياشاعر السبعان واصحا لها

***
جباااار السبيعي

***

يامرحبا من مجرب مايقول الأ الكلام المباح

ويقدر أهل الوفا والمعرفة ويكرم أسبالها

***
من بعد جينالكم هات المثايل والفلاح الفلاح

اليا بديت المعاني يابن وصل يجيك معدالها

***
الدعوجي

***
تبقى لمغليك يامن كافح ايام الدهر ما استراح

واكبر دليل اختلاف الغتره البيضا عن اعقالها

***
وش مكسب الفارس المغوار عقب انه رمى بالوشاح

واللي ســـــواته من العـــربان فال الله ولا فالها

***

جبااااااااااااااار

***
ياللي تطرقت لك موضوع هيضني وهاض الجراح

ألظاهر أنك معك جن الأوادم يعرف احوالها

***
أعلومنا مثل حلم الليل راحت مع هبوب الرياح

ولأكل منهو بغاله حاجتٍ حسب الطلب نالها

***
الدعوجي

***

تبرى جروح المصاب اللي سببها ضربه من السلاح

الاّ جـــروحٍ بقلبه من زمان العـــام مشتالها

***

وارسم لحاجتك خطه محكمه تضمن وراها النجاح

قدام فرحـــــتك في دنياك هم الروح يغتالها

***

جباااااااااااااااااااار

***

صاحبك طيب ومطعومه حلال ومشربه من قراح

ماشاف غير المعزه في جنوب الأرض وشمالها

***

مانخلف العهد الاول كان صار الجد زل المزاح

وسلـومـنا من شـريـعـت ربنا مانـقـبل أبـدالـها

***
الدعوووووجي

***

ياراعي الروضه الخضراء ليا هبت عليها الرياح

يابس حياها ويقلع شجرة الكافور وظلالها

***

انا ادري انك سواة الحر تكفخ فالفضا بالجناح

مار الشبك لف رجلينك وجود عقدة احبالها

***

جباااااااااار

***

الكون تصريف ربي والبشر واجب عليه الكفاح

يعمـل بالأسبـاب وإذا قفلـت مـا فتـح أقفالـهـا

***

الرزق عند الله المعبود ما نرج اليدين الشحاح

النـاس لــو ينصـحـون تـنـزّل العـربـان منزالـهـا

***

الدعوووووووجي

***
تعمل بالاسباب وعيون العرب حولك سواة الرماح

حيلــــتك يالثعلب المكار مدري كيف تحــــتالها

***

والمشكله كان في لحظة وهن سدّك ياجبار باح

يمكن سبيع العريبه من ســــببك اتذبح اعيالها

***

جبااااااااااااااااااار

***

الغمر من عرض حزمه لو تشب النار والقدر فاح

دام أن جمال الحمول أرسانها بـيـديـن جـمالها

***

عيني تشوف النصوب المردفات اللي بها البرق لاح

وأقول يا الله تعين المسلمين وتصلح أعمالها

***

الدعووووووووجي

***

ياللي تخيل البروق اللامعه لا تندرق فالسناح

مالك ومال الجمال اللي تراغا حول عمالها

***

وان كنت ماتقدر تسج القدم بين الحزوم البراح

هي مشكله مار ماتصعب على مجهود حلاّلها

***

جبااااااااااااااااااااااار

***

الوقت يفتر والدنيا ياصالح فوق قرن الوضاح

ياساتر أستر من الأيام والدنيا وغربالها

***

أيامنا المقبله ماضنتي فيها يصير أرتياح

واللي بيبرز بها يستاهل الدله وفنجالها


وسلالالالالالالالالالالالالالالالالالالالالامتكم[/poem][/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الدعوجي

هلا يامرحبا فالليله اللي نورها وضاح=تراحيب(ن) تسلي خاطر الشاعر وجمهوره


نبا نلعب على بيض المعاني والقلوب اصحاح=وجمّال الجمل موثق شداده من على كوره

شايع العيافي

يدوم لك البقا يالشاعر اللي تو نـوره لاح=ورى جده يشوفه من سكن في راس تنوره

هقاوينا كبيره والبخت في ضفنـا مـاراح=قرينا فالصحيح ابواب... والقرآن كم سوره


الدعوجي

ياسباح البحور الهوج مثلك فالبحر سباح=ولا يهتز من موج البحور الهوج بابوره


بعد قدر الذبايح بالذبايح يالعيافي فاح=اخذ من حولها بعد استوت في قدرها دوره


شايع العيافي

لو اغصان الشجر تثمر ثمر وتطلع التفاح=لقيت الفاكهه مع عالمٍ فالحـال ميسـوره

تبى تضحك عتيبه فاول المشوار يافتـاح=وبعده تبكي العتبـان منهيـه ومامـوره


الدعوجي

لو الايام تصفي للعرب ماكان قام وطاح=ابو مشلح وابو باكور محني راس باكوره


بلشنا وابتلشنا في علوم السارق المزاح=عسى الموت الحمر يزتطه الليه بحنجوره

شايع العيافي

يا هل علط الرماح اللي يبى الناموس مايرتاح=وانا اشوف اطيب العتبان كن ايديه مكسـوره

لك من العمر ساعه لا تضويني وانا سـراح=يقولون العرب عاد السعـه للنـاس معمـوره


الدعوجي

عسى ربي يبارك فيك فالمسراح والمرواح=يارع الديره اللي من سنين الوقت مدهوره


على الغله قفلت الباب بالظبه وبالمفتاح=وهو معذور والشعار والصفين معذوره



شايع العيافي


انا شوف المحاجي سدها فيه العرب بطـاح=ماغير اوحي كلامٍ فيه صوت ولا معه صوره

ياليت الوعل ابو قرنين يسلم قرنـه النطـاح=قبل يالدعوجي سحب الزناد وتسمع الثـوره


الدعوجي

تشوف اللي نشوفه والفلاحه مهنة الفلاح=يولع نار دافوره وماتت نار دافوره


ياشايع حوتة الحوات طاحت في فم التمساح=وهذي حالة الحوته عسى الاحوال مستوره


شايع العيافي

انا ماقول غير اعطو ولو فرصه ياهل سداح=اخاف الصبح ياخذها وكبد الحر ممـروره
اظن المشكله فالطايره من حضرة المـلاح=وانا ماشوف الكابتن الا ليله ماهيب مقموره

الدعوجي

ياكم فرصه خذاها والهوى ياهل الهوى فضاح= فضحها الله وانا صاحبك حتى بانت العوره


تموت الحيه الرقطا ويفسد سمها الذباح=وحفرة راسها فالارض من قبل امس محفوره


شايع العيافي

مابه طير يطير معا الهبوب الا ومعه جنـاح=لكن بعض الطيور القشر يابن وصل مطيوره

ياساتر قبل اصلي للجنازه والعيـون شحـاح=واعزي في قناة الساحه اعضاء مجلس الشوره


الدعوجي

يطير الطير مادام الفضا للطير ساحٍ باح=ولكن المشكله جاب المرض واحتار دكتوره


نعزي فالقناة العازمي ونعزي القرقاح=وابو خنفور ماله غير لطمه فوق خنفوره


شايع العيافي

ليالينـا لقـاح ويعلـم الله وش ورى اللـقـاح=تجيك الصبح بعيالٍ تـدق الهـرش فـي زوره

عسى الله يجعلك في الجنه الخضراء يابن شلاح=ماخليت الوصاه اللي معـا العربـان ماثـوره

الدعوجي

من الزند المولع ولعي ياشمعة المصباح=ماودي فالعرب من يقرط ابهامه وخنصوره


بني قحطان في تال الزمن ماتت بغير سلاح=وشايع والسحيمي من بني قحطان مقهوره

[/poem]