من بعد مده طويلة عنك يا صرح النداوي

[poem=font="Simplified Arabic,4,crimson,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
عوض القرني
من بعد مده طويلة عنك يا صـرح النـداوي=عدت كني ما مضي عن غيبتي مده طويلـه

اعرف ان حسين في سوق الحكم لازال هاوي=بس له صوت ٍ جميل وصورته عندي جميله

حسين الحارثي
مرحبا ترحيبةٍ مثل الدوى عند المـداوي=بعد شرفنا عوض في صرحنا ونباج ليلـه

ايه هاوي للحكم والعرف ومن اول شفاوي=واحبك الابيات واسبكها ولالـي فالهزيلـه

عوض القرني
االبقا ياحسين مردودك يفوح بعطـر جـاوي=يالزميل اللي عرف وش دار في خاطر زميله

لا تفكر بالجليلـه وانـت مانـت بتغلبـاوي=شوف تبع وش حصله يـوم فكـر بالجليلـه

حسين الحارثي
الوفا والطيب من طبعي وطبع اهل العزاوي=وانت من قوم العزاوي ينعرف فعله وقيلـه

لاتحسب انك حكمة الناس يابخيت العطاوي=وانت تدري ماش عني باذن ربي مستحيله

عوض القرني
انا من قوم الشيـوخ اهـل المنابـر والفتـاوي=واصبح اسمك مقترن يا حسين باصحاب الفضيله

لـد عينـك للسمـا وتشاهـد النجـم السمـاوي=واعرف ان بينـي وبينـك مـدة ماهـي قليلـه

حسين الحارثي
مانذمك ياعوض شاوي ونعرف كل شاوي=والشواوي مايقارن بالرجال اهل الاصيله

انت ودك بالغنايم مير يالقرني سحـاوي=وان بغيت تجرب الشر جربه وانته قتيله

عوض القرني
فنكم ياهل البحر ما يصلـح الا ينبعـاوي=عالبحر بالسمسميـه والكمنجـه والبليلـه

يا حسين الحارثي جنب عن السيل النحاوي=الجبل خذها نصيحه لا توقف تـو سيلـه

حسن الحارثي
ياعوض مادام شاعر ليه صرت اليوم راوي=مير يستاهل رجل حط العمى قدمـه دليلـه

كلما قلت انت ناوي تطلع المريـخ نـاوي=قلت وش دخلك نفسي من بلا الدنيا عليلـه

عوض القرني
المرور يقول وقف جنب يا راعي العراوي=موترك محت علاماته ولا يعرف مديلـه

انت ضيعت السوالف والمعاني والدعاوي=قمت تنسخ من سواليف الف ليله والف ليله

حسين الحارثي
احمد الله رخصتي فالجيب ومن الله غناوي=والطريق الشين ماني سالكه با للقا بديله

ماجهلنا ماتقوله يوم بك عـزم وهقـاوي=مير لامنه هرج مجنـون فالعاقـل كفيلـه [/poem]

ياسلام ياسلام أنشهد إنكم ابدعتوا جميع بيض الله وجيهم ياشعارنا ووجيه من حضروا





ابو سعد لا أخفيك إنك بردت كبدي في سهير الليل






أخووووووكم

هلا وغلا

ابراهيم بن مريع

هلا

مرورك شرف ومكسب

ايه عاد انت من شلته المنتهيه هههههههههههههههههههه

اتهبون الله يهبيكم

والله انتم خطيرين

منكم السلامه غنيمه

مير عاد ترا اللعب معكم فايده

لاهنتو حتى لو انا مهزومين

الله اكبر


عوض بشحمه ولحمه في النداوي


والله زمان يابوسعد


ذكرتني بمحاوراتي معك في النداوي قبل سنوات


ذكريات جميلة ومحاورات لها طعم خاص عندي



الله يوفق حسين الحارثي اللي ردك علينا




امتعتونا بمحاورتكم وابداعكم



تحياتي وتقديري

الاكلبي
يامرحبا ومسهلا
والله انت من الاسماء القداما هنا
لكن مدري وين تروحون مدري
حقيقه ان هذا الصرح غير غير
وانتم من اسسه وكيف تتخلون عنه
على العموم الله يحييك ويحيي ابو سعد
ومرورك يعني لي الشي الكثير
لاهنت

الاخ العزيز ابراهيم بن مريع :

اشكر متابعتك ومرورك وتشجيعك ولا خلا ولا عدم ..

الاخ العزيز راجح الاكلبي :

الله يبارك فيك ويسلمك .. وتشرفت بمرورك .. والله يجعلنا عند حسن الظن

هذا اللعب ولا بلاش لعب على أصول

ياسلام يابوسعد وياسلام يابوبندر

ياملا المعزة

هذا اللعب ولا بلاش لعب على أصول

ياسلام يابوسعد وياسلام يابوبندر

ياملا المعزة


انشــّــد

عوض القرني
حياك الله في محلك بين ربعك

ولاهنت ولا هان حسين
أمتعتونا الله يمتعكم دنيا وآخرة

تحاياي