ياسلام الله على اهل القاله ... كاتبه واقوله

ياسلام الله على اهل القاله ... كاتبه واقوله .... بادعين الطرق والموالي ... محتمين القاله

ياهل البل .. يابدو رحاله ... عرض نجد وطوله .... اختلفتوا في الزمان التالي ... يابدو رحاله

معقوله المبدع في ذا

طيب بس لين تخلص الامتحانات ناوي الفركه عجزت في اللحن





[تم تعديل الموضوع من قبل ابوسجود بتاريخ 05-24-2001 الساعة 08:16 PM]

مرحبا حساب الحيا يابو سجود ..


والله انها ابرك الساعات اللي لقيتك فيهايالغالي .. والله اني فرحت يوم تقول للحجز .. بس تقول عجزت في اللحن .. تراه لحن مشهور ومعروف وعلى نفس الطرق ذا محاورة حبيب العازمي وفيصل البقمي .. المشهوره ..

على العموم بيض الله وجهك يابو سجود ولي معك لقااء ان شاء الله واللي يعرف من الشباب يرد .. باب المشاركه مفتوح تحياتي يالنداويه ..

مرحبا بك كل رجل وفاله ... يبتدي بفعوله **** وأنت شاعر يالعميل الغالي ... فالنا من فاله

لو يصيح الشيخ للخياله ... صولة ٍ مع جوله **** في الضحى وألا مع المقيالي ... تركب الخياله

البقا.. لاهل الوفاوالطاله ... والوفا منهو له .... للعميل اللي نوى يبرالي ... بالوفا والطاله

ياعميلي شيخكم .. وش حاله ... عقب عسف خيوله .... خابره ذيك السنين يلالي ... شيخكم وش حاله

يا عميلي والولد من خاله ... نعرفه من زوله ***** وإن صفا المعنى معك يصفالي ... والولد من خاله

كال مبدعنا وأخذ مكياله ... والعرب من حوله ***** ما شرينا التمر بالمكيالي ... لو وفى مكياله

خابر ان اهل البلد جماله ... والجمل بحموله .... والجمال حمولهن ثقالي ... واعد الجماله

كل تاجر يشتري برياله ... حاسب ٍ مدخوله .... لين حط ريال فوق ريالي ... واشترى برياله

تعرف إن أهل البلد محتاله ... حيلها حالوا له **** لو يحول الحول محد ٍ حالي ... حولك المحتاله

إن شرى التاجر يكد عياله ... تمسكه بحثوله **** وإن خسر يصلى فواده صالي ... عقب موت عياله

البلد خابر جميع احواله ... حلة ٍ محلوله .... والعميل اللي يجي محتالي ... خابرين احواله


يخسر اللي مايعد .. امواله ... والعرب عدو له .... كان تاجر وانقلب دلالي ... عقب خسر امواله

من نزل منزال غيره زاله ... ما حسب لنزوله **** وأنت ميزانك غدى ميالي ... زال غيره زاله

من كثر ماله يزكي ماله ... عقب صكة حوله **** والبخيل اللي بخل بالمالي ... ما يزكي ماله


[تم تعديل الموضوع من قبل سبع الخلا بتاريخ 05-25-2001 الساعة 01:14 AM]

ول ياسبع ٍ حمى .. مدهاله ... والبلد منزوله .... مايجي سبع الخلا مدهالي ... يوم اجي مدهاله


اثركم ياهل البلد . دلاله ... جيت باخذ جوله .... عارف ٍ مخراجي ومدخالي ... كلكم دلاله

صاحبك ما يعقد المحباله ... لليد المغسوله **** يا هل المدهال كيف الحالي ... بأنقض المحباله

وش نسوي بالعميل الداله ... يوم دق طبوله **** يحسب إنه ما يجي للوالي ... وأثر فكره داله

كل رجال ٍ يعقد .. حباله ... والعقد مفتوله.... جبت عقده .. جبت لك حلالي ... فك عقد حباله

خابرك ياراعي .. الذياله ... بكرتك معقوله .... يوم عديت الطويل العالي ... شايف الذياله

ياسلام عليكم ( المبدع ) و ( سبع الخلا )

وش خليتوا لنا ............. ترا حن متابعينكم من اول الليل

واصلوا .... لاهنتوا

لا هنت يا سهم المنايا

--

صاحبي فيه العقد وجلاله ... ليتها محلوله **** كان ما قال الحبال طوالي ... خشنة ٍ وجلاله

لا تعثـّر قدم راعي شعاله ... سابقي المفتوله **** لو يجي للعود قبس إشعالي ... شفت راعي شعاله