( محمد السهلي & بدر بن شريده )

[align=center]السلام عليكم ورحمة الله وبركاته [/align]

[poet font="Simplified Arabic,4,black,bold,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
محمد
سلام الله على اللي ماضيٍ له في زمانه دور = من أهل العرف ياقف للمواجيب ويكمّلها
مزون الصيف يسبرها بدر قد له ثلاث شهور = ما يدري إنْها ليا مرّت دياره ما تسيّلها
بدر
هلا يا مرحبا والطيّبه من طيبين الشور = رجال العرف حسب العرف بالماقف تعَامِلها
أنا في خير ماني للمزون المنحيه سابور = ولا أرجي برقها لو إنها هلّت همايلها
محمد
يدوم إلك البقا والمد وافي ما يجيك قصور = ورجال العرف بالماقف تجمّلك وتجمّلها
عسى ربّي يبارك فالعميل وسعْـيه المشكور = لجل حاجه تدور بخاطره .. ما أظن ياصلها
بدر
أنا شفت المعزّب شب ناره والقدور تفور = وهقيت إنه علوم المرجله يبغا يواصّلها
ولو إنّه مقدم عذر طيّب قلت له معذور = لكن أخطا على ضيفه ومن ضيفه تحصّلها
محمد
أظن إنّه عقب فار القدر من شعلة الدافور = طمع في طبخته من قرد حظّه لجل ياكلها
أعذره كان عذره عن سبب تاخيرها مذكور = لكن عن واجبه لو كثّر الإعذار ما أقبلها
بدر
بليس يحسّب الدنيا مزامير وفرح وسرور = وناره تحت قدره كل ليله قام يشعلها
لكنّه كبّر اللقمه ونشبت داخل الحنجور = ولا يمديه يبلعها ولا يمديه يتفلها
محمد
علام الشيخ بن طمحي ما قابل صاحبه مستور = يخاف إنّه يحمّلهْ بحمولٍ ما يطيق إلها
يا بدر أهل العقل ما هي تصدق في وعد بلفور = تموت ولا تحصّلهْ ومواعيده تحصّلها
بدر
محد خابر يا بن هندي مريض يعاند الدكتـور =وأنا دكتور والناس المراضـى مـا يجاملهـا
وعد بلفور وافي مير أبو عرقوب طوره طور = يبي يعمي عيونه كل ما فكّر يكحّلها
وسلامتكم

[/poet]

الله الله

عزالله أنها ملعبه وطاروقٍ كايف

سجل إعجابي بك وبمحمد السهلي

صحت السنتكم وبيض الله وجيهكم

ولاهنت ياابدر

هلا وغلا اخوي حمد


حضورك فالمتصفح المتواضع وتعليقك يشرفني ويشرف اخوي محمد


ولا هنت يا الغالي



اخوك

هلا وغلا بك يا السليس


صح بدنك ووجهك


ولاهنت على المرور


تحاياي