محاورة مع الشاعر/ حبيب العازمي 1426هـ

[poet font="Simplified Arabic,3,white,bold,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
جرت هذه المحاورة يوم الخميـس
الموافق 22/10/1426ه بمدينـة
حفر الباطـن بحضـور كـلاُ مـن
الشاعـر/ عـبـدالله الميـزانـي
والشـاعـر نـايـف العـزيـزي





عــبـــدالله عــتــقــان
ياسلامي على شرقي شمال البـلاد = ديرةٍ حبهـا مـن حـب سكانهـا
العـوازم تشجـع نـادي الإتحـاد = وفرحت يوم فاز ولـدت أعيانهـا


حـبــيــب الــعــازمــي
قـوةٍ للصبـاح وقـوةٍ للهـجـاد = مرحبـا بحددانـا عنـد جيرانهـا
البلاء من سليـم أتابـع الإقتصـاد = من بطاقة سوى وافقـر مرحانهـا


عــبـــدالله عــتــقــان
لاتروح الذلول ولا يـروح الشـداد = قبل نعـرف زيادتهـا ونقصانهـا
طالعوا في حبيب بالثيـاب الجـداد = من نتائج سوى في صاحبي عانها


حـبــيــب الــعــازمــي
لاتوصي حريص ولا تنوش الزنـاد = حبـة البندقيـة قـدم نيشانـهـا
كيف شبيتها بالسمر وأمست رمـاد = ماجذبنـا لنـارك غيـر دخانـهـا


عــبـــدالله عــتــقــان
البدايـه حـراره والنهايـه بـراد = ماتلـف الجنايـز غيـر بكفانهـا
نارنـا مانولعـا لشـوي الجـراد = وأنت تعرف سليم وفعـل نيرانهـا


حـبــيــب الــعــازمــي
أخر الوقت ياشعبـان علـم جمـاد = السنه تمشي الساعه على شانهـا
مايجيك الملام ولا عليـك إعتمـاد = حيةٍ في حصـاه تحـرك اللسانهـا


عــبـــدالله عــتــقــان
بين حد البياض وبين حد السـواد = علم أهل البيـوت تصـك بيبانهـا
يكفي إني سلايل طارق إبن زيـاد = دايم أقراء على نفسك وشيطانهـا


حـبــيــب الــعــازمــي
أكثر الناس لو نمزح عليه أستفـاد = مزحـة العقـل مايختـل ميزانهـا
يكفي إنك مقيـد فالقـرى بالقيـاد = تلتوي بالحصـاه وترقـد أوزانهـا


عــبـــدالله عــتــقــان
من زرع ياحبيب لين وقت الحصاد = جاك يقطـف كمثراهـا ورمانهـا
من هو اللي طردكم بالسيوف الحداد = مابقا إلا هنوف أتشيـل ورعانهـا


حـبــيــب الــعــازمــي
ماتعبنا مـن التفكيـر والإجتهـاد = يوم شان المعارك عنـد فرسانهـا
كان تشهد مطير إنه كلامـك وكـاد = لحيتي رحـت أسلمهـا لحسانهـا
[/poet]

محاورة قمة

لشاعرين رايعين

سلمت يالغالي

يكفي إنك مقيـد فالقـرى بالقيـاد
تلتوي بالحصـاه وترقـد أوزانهـا

عبدالله عتقان

وحبيب العازمي

يالطيف الطف
شي يبهر العقل
والله انها محاوراه قمه

لاغرابه لاغرابه منكما


محبك يابو هذال

سهيرالليل

[سعد بن شليه السبيعي]

محاورة قمة

لشاعرين رايعين

سلمت يالغالي

نجم الحره


عبدالله بن عتقان



مبدع له هامة عاليه في فن المحاوره



وانا يا بو هذال احد متابعيك



في المحاوره



سجل اعجابي بهذه المحاوره



وسلم على نفسك وعلى بني عمك الغالين

الاخ عبدالله بن عتقان

ارحب ارحب ارحب

انت غني عن التعريف

ومحاوره مكتمله من جميع النواحي وهي كذلك مع شاعر من الوزن الثقيل

موفق اخي عبدالله ونحن متابعين لك لمحاوراتك

تقبل تحياتي,,,

صح الله إلسانكم


محاوره قمّه ومن الوزن الثقيل


سجّل إعجابي ومتابعت كل ماهو جديد لك يا بن عتقان


أخوك

اخوي عبد الله محاوره فيها من البداع الشي الكثير يكفي انها بين شاعر ذكي وشاعرحريف
تقبل خالص تحياتي اخوك عبدالله العاطفي