ياهجوس الشعر طالبك في قازٍ وزيت=والا زند النار عندي وانا شبابها

عريمان السبيعي

هلا ومرحبا

لاهنت

وخولان بن عامر شرفنا بهذا القاف الرائع

شاكر لمرورك انت العطر

اخوك

سهيرالليل

[poet font="Simplified Arabic,4,white,bold,normal" bkcolor="transparent" bkimage="backgrounds/22.gif" border="double,4,gray" type=0 line=200% align=center use=ex length=0 char="" num="0,black" filter=""]
حسين الحارثي
ياهجوس الشعر طالبك في قازٍ وزيت=والا زند النار عندي وانـا شبابهـا
يابن عامر مايفيد الرجل ترديد ليـت=والاصايل سرها في يـديّ ركابهـا
خولان بن عامر
ياهجوس الحارثي سمعيني بيت بيت=شاعر محلـى بيوتـه لمـا غنابهـا
توي ادري بك وانا قبل عنّك مادريت=اهل مكه تعرف جبالهـا واشعابهـا
حسين الحارثي
الله يرحم جابر الخير وامير الكويت=دولته من حبها قبل اغـلا اترابهـا
هيه ياخولان كانك مع الظلمه سريت=الليال المظلمه ضاع من سرا بهـا
خولان بن عامر
ياسهير الليل لو مات غيـره مابكيـت=ياعسى مثـواه جنـة عـدن يهنابهـا
انت قلي يوم سوّقت وش بعت وشريت=سلعةٍ في السوق ياحظ منهـو جابهـا
حسين الحارثي
نبكي ارجالٍ مناعير ذو جاهٍ وصيت=والرخوم اتعيش وتموت مانشقا بها
لاتعرض ياونيت البدو وامحق ونيت=للتيادر وانت تعرف فعول اصحابها
خولان بن عامر
ادري انك كل مااوحيت صوتٍ احتميت=خل بالـك للخبـاره وقرصـة دابهـا
عالمغازي والمساري بتتعب لامشيـت=انت خلهـا لاتتعّبـك وش تبغابهـا
حسين الحارثي
الرجل لن كان مايحتمي عدوه ميـت=والعلـوم الثانيـه لاتفـك ابوابهـا
انت شايب كلما ضاع بيت اقل عليت=والسيوف العز في حدهـا ونصابهـا
خولان بن عامر
الهقاوي الطيبه كلهـا فيكـم هقيـت=ياشبـاب تحلقـون الحـى واشنابهـا
كل واحد راس ماله عصير وبسكويت=وان لقاء لها شورمـه قـام يتلوابهـا
حسين الحارثي
توي ادري عن تخلف عربنا كمبليت=ياشيابٍ ماتنظـف جميـع اثيابهـا
العقول محجره والاكل مضير بيـت=والا حميض ارض لانبتت باعشابها
خولان بن عامر
ابك حنا اللي نعلمك غزو وماغزيت=والمراجل كلها حاسبيـن حسابهـا
وانت ماغير اتمشّى بظهر البسكليت=لابس(ن) الجنز والعين وين احبابها
حسين الحارثي
يابن عامر لوعطيت الخلا له ماعطيت=اقضب السكه معي والعلوم اصحى بها
احسب انك لاعدينا من الصمله عديت=واثرك اللي حط روس العلوم اذنابهـا
خولان بن عامر
البعوضه كل ماريشّـت جبنـا فليـت=والصقور تحوم والموت في مخلابهـا
ايش رايك في صلاله ونحجزلك سويت=والقوافي خلها عنـد مـن يعنـا بهـا
حسين الحارثي
هيه ياخولان مادام بالشينه بديـت=دلتك مُره وانا ماني بشرابهـا
كان وانك للسفر صامل ومره نويت=خل رحلتكم على الهند وانت اسبابها
خولان بن عامر
ظني انك داله من السواليـف ونسيـت=مادريت ان صاحبك يعرف ايش اسبابها
مالك الا الله يحاسبك كانك ما استحيت=العرب مـا تشـره الا علـى شيابهـا
[/poet]