مفرح بن بداح بالبشت الحساوي في القناه الاولى

جمل القحطاني

مشكور على المتابعه

والله يبيض وجهك

لك مني اجمل الود

ابو ثامر

وينك نمت

موفق

ومشكور على الطله الجميله

حمد الدحابيب

الف شكر لك على الطله الرائعه

اخوكم

سهيرالليل

أبو بداح
جمل الله حالك على الحلقة الممتعة البارح
والله يطول بقاك يابو محمد ..

تحاياي

سهي الليل ماسنجرك فيه فيروووووس
انتبه الله يعطيك العافية

تحاياي

[poet font="Simplified Arabic,4,white,bold,normal" bkcolor="transparent" bkimage="backgrounds/10.gif" border="double,4,gray" type=2 line=200% align=center use=ex length=0 char="" num="0,black" filter=""]
حسين داخل الحارثي
سلام الله سلامٍ مثل نجـمٍ فالسمـاء وضـاح=من اهجوسٍ تحكم الشعر للشاعر وجمهوره

عسى مبروك يامفرح عسى مبروك يابن ابداح=بعد شفناك بالبشت الحساوي صوتٍ وصوره

مفرح بن بداح السبيعي
هلابك يا حسين الحارثي من خاطـرٍ مرتـاح=لكن الحكم يارجال لله ثم اخو نوره

لبست البشت وارضيت المشاهد والقلوب صحاح=وهالحينه تبي تأخذ على سطح القمر دوره

حسين داخل الحارثي
يدوم الك البقا لكـن حـذرا السـارق المـزاح=عسى ربي يخلي بن سعود وجنده إسبوره

اشوف الشعب نصفه بل جميعه ينقـل المسبـاح=ولا ادري من يغوص امحيط جزل الشعر وابحوره

مفرح بن بداح السبيعي
سهير الليل ركز لا يضيـع القفـل والمفتـاح=ترى لعب الادب ماهوب يشبه لعبة الكوره

بعون الله تشوف الشعب في خير ورخا وافراح=زاحد يضرببمخلابه واحد يضرب بدنقوره

حسين داخل الحارثي
سهير الليل محسودٍ من الراعي من الفلاح=وكل اللي معه محسود والانذال مقهوره

بعد سمعو ببراقٍ على رفحا مع الاسيـاح=جميع البدو حالو والدير ماهي بممطوره

مفرح بن بداح السبيعي
حركاتك سريعه تختفي ما شافك اللمـاح=ادور وين ادور واحد في بطـن ماصـوره

حقوق الوسم لامنّه سمع رعده وبرقه لاح=تناقله الرواة ومن بغاه يسوق مظهـوره

حسين داخل الحارثي
تركّد والمعاني مثل جرحٍ في يـد الجـراح=يقيس الجرح قبل ايخَيِّطه بالعرف دكتـوره

سمعنا عن قدر من دون لحم ونار لكن فاح=فرحنابه وفجئه راعي القدر اللغى دستوره

مفرح بن بداح السبيعي
اخيرً يا حسين الحارثي عان الظـلام انـزاح=عسى يفداك من يحني المعاني حني باكـوره

صحيح اللي تقوله ما خبر هاك الليدين شحاح=غريبه قصتـه والنـاس منهيـه ومامـوره

حسين داخل الحارثي
اجل خف القدم واسري ولاتنظر لاحد لـو صـاح=ترا في دربـي ودربـك سبـاعٍ دوم مسعـوره

مصيبه كيف صار السيف مثل الموس ابو تمساح=وضاعت هيبته ومحبتـه مـن كـل معموره

مفرح بن بداح السبيعي
حلال القوم عود لرغى عقب الهدير وطاح=وحد الحضرميه يلتعج من فوق حنجـوره

يا كبر الغلطه اللي سجلت ما جالها مساح=ياليت اللي عملها واحدً مسـاح سبـوره

حسين داخل الحارثي
مفرح لاتغثـرب عدناوانـا لـه الميـاح=ترا ماني بفاضي للحفر لاطاحة اصخـوره

بغينا ارباح راس المال ليته جا بدون ارباح=مادام إنّا بسوقٍ طيحته من راس هامـوره

مفرح بن بداح السبيعي
لو الله إلإ بقرب والحذر والخوف وقته راح=واباليس البشر والجن مرجومه ومدحوره

يقال الرزق بطراف العجاج وزندنا قـداح=تسنع قبل لا يؤخذ غزال شدادك وكوووره

حسين بن داخل الحارثي
نعم في فزعتك لو كان غزوتنا بدون اسلاح=عليه بالحرام انك صميـدع دارك وسـوره

ختام القول يامفرح دخيلك طفي المصبـاح=لخوف ان العدا ياخوك تهجدنا على نـوره

مفرح بن بداح السبيعي
فراقي عقب ما لايمتني معاد فيه ."مراح=يالين يزود حمل شعيل ويبّرك على زوره

تراني فاطنٍ للاوله والثانيه يـا صـاح=تكررها بليا قصد والاحـداث محضـوره

[/poet]

عزالله أنه لعبٍ كايف


سجلوا إعجابي

حمد الحابيب

عزالله انك داهيه

وان حضورك له طعم خاص

لاعدمتك

سهيرالليل