السبيعي حايسٍ محتاس

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جمل القحطاني
السبيعي حايسٍ محتاس =يفرك اللحيه وشاربها
من بنا بيته بليا ساس =يتفكر فـي عواقبهـا
عريمان السبيعي
عادة اللي شجعوه الناس =وان هفا شبت شبايبهـا
شي عادي لاظلم جساس =وانبيا الله من يعاتبهـا
جمل القحطاني
يابن مقعد لا يشوش الراس =العيـون إلهـا حواجبهـا
كان باقي فالعيون نعـاس =كلمتـك مانـي بحاسبهـا
عريمان السبيعي
البلا لصابك الوسواس =تنثر الكاسه وتشربهـا
أنبيا الله والمثال الياس =عصمة الله من يفوزبها
جمل القحطاني
عوذة الله منك يالخناس =دلتك مانـي بشاربهـا
الحقيقه وضعكم حساس =لا تبعدهـا واقربهـا
عريمان السبيعي
الكرم عند العرب نوماس =كلمتك ملـزوم تعربهـا
العساكـر كلهـم رواس =زاد عبـدالله مرتبـهـا
جمل القحطاني
ياعميلـي ماعليكـم بـاس =لحيتـك مانـي بقاضبـهـا
من حضر يجلس مع الجلاس =كل حجـه فيـد صاحبهـا
عريمان السبيعي
جاوز الله عن ولد فرناس =رحلته حصّـل عواقبهـا
لو يجيك من الهوا نسناس =طيّر الغترة وقـال ابهـا
جمل القحطاني
قدم سبّاح البحر غطـاس =البحور السبع عـام ابهـا
التجر صرّوا الذهب فكياس =وانت تطرحها وتضربهـا
عريمان السبيعي
البحر ماهوب خمس اخماس =لعبـةٍ تـاخـذ وتلعبـهـا
الذهب ماهوب مثل المـاس =جـوّد الصـرة وقلبـهـا
جمل القحطاني
شرهة الكوره على الكباس =لاخطت الكوره مضاربها
البلا في عيبـه الحـراس =خوفة الله لا يموت ا بهـا
عريمان السبيعي
ماعرفنالك يابو نواس =هرجتي ترجع وتكتبها
ياجمل ماينلعب بالفاس =لايجي قلتك يعطبهـا
[/poet]

الله يبيض وجهك ياعريمان

ولاهان من حضر وتابع


سلمتوا